Сұрақтар және жауаптар - 2018 жыл

Сұрақ: салеметсзбе мен осы университеттн архитетура блимине тускм келеди , барлык талаптарды окып шыктым , жатакханада жылына канша болады ?

Жауап: Құрметті Айдын!
Алдағы уақытта оқуға өтініш бергеннен кейін, құжаттарды қабылдау бөліміне барып, жатақхана алуға өтініштеріңізді білдіре аласыз. Қазіргі таңда жатақханада тұру ақысы - айына 4142 теңге.
Жатақхана жайында қосымша ақпараттарды http://portal.kazatu.kz/obshezh/index.php?lang=ru&ps=3&ps2=1 алуға болады

Сұрақ: Салеметсизбе, Мен 2Б жатакханасынын тургынымын 7 жатакханага ауыскым келеди, сол ушин кай жерге отиниш жиберемин? (1 курста 7 жатакханада турганмын, энергетикалык факультет болгандыктан 2Б жатакханасына ауыстырып жиберди. Еки жатакханада да тартип бузушылык жок. Ауыскым келген себебим барлык достарым 7 жатакханада.)

Жауап: Құрметті Айнұр!
Бұл сұрақ бойынша тәрбие жұмысы жөніндегі департаментке өтініш бере аласыз. Жатақханаға орналастыру тәртібіне сәйкес өтінішіңіз қарастырылады.

Сұрақ: Сәлеметсіз бе! Менің қоятын сұрағым былай, екінші жоғары білімді мамандықты алу үшін сырттай бөлімге оқуға түссем грантта оқи аламын ба? Ол үшін не істеу керек? Менің бірінші жоғары білімді мамандығым РЭТ бакалавр.

Жауап: Құрметті Балнұр!
Сіздің сұрағыңыз бойынша, біздің университеттің сырттай бөлімінің екінші жоғары кез-келген мамандығына түсе аласыз. Бірақ, өкінішке орай, сырттай бөліміне грант бөлінбейді.
Сырттай бөлімі бойынша ақпаратты университет сайтынан ала аласыз http://kazatu.kz/kk/talapker/okuga-tusushelerge-arnalgan-akparat/

Сұрақ: Қайырлы күн. Мен студент емеспін, бірақ мынандай сұрақ, сіздедердің корпустарыңыздағы банкоматтардан ақша алуға рұқсатпа бөгде адамдарға? Жауабыңызға алдын-ала раxмет!

Жауап: Құрметті Нұрсұлтан Мұратұлы!

"С.Сейфуллин атындағы Қазақ агротехникалық университеті" АҚ бөгде адамдарға ғимарат банкоматтарынан ақша алуға рұқсат бере алмайды, себебі, банкоматтар ғимараттың ішінде орналасқан және ғимаратқа кіру қатаң түрде рұқсат қағазбен жүзеге асырылады.

Сұрақ: Құрметті Ақылбек Қажығұлұлы!
Мен және Энергетикалық факультеттін 404-топ студенттері, сізді курстық жұмыстың "қанағаттанарлық" бағасының нәтижесінде шәкіртақы берілмеуіне байланысты өтінішімізді қарастыруыңызды сұраймыз.
Бұрын курстық жұмыстың "қанағаттанарлық" бағасымен де шәкіртақы берілетін .Бұл жолы ЖОО басшылығы курстық жұмыстың "қанағаттанарлық" бағасы кезінде студенттерге шәкіртақы бермеуді шешті, бірақ осы жағдай жайлы студенттерді алдын ала ескертпеді. Бұл жоғары оқу орны ретінде өз жұмыстары мен жауапкершіліктерін толыққанды орындамау болып саналады. Біз бұл істі өте дұрыс емес деп есептейміз, себебі студенттерді хабардар етпеу студент пен ЖОО арасындағы шартты орындамау болып табылады. Сондықтан біз сізден жағдайымызды түсініп студенттерге толыққанды көмек болатын стипендия алу құқығын қалпына келтіруді сұраймыз.

Жауап: Құрметті Ерасыл!

Сіздің топтық мәлімдемеңізді қарастырдық. 2015 жылғы 30 желтоқсан №1134 т. 2 тт.4 "Білім беру ұйымдарында білім алушыларға мемлекеттік стипендияларды тағайындау, төлеу қағидаларын жəне олардың мөлшерлерін бекіту туралы" сәйкес төмендегіні хабарлаймыз.
Мемлекеттік шəкіртақы мемлекеттік білім тапсырысы бойынша білім алатын, сондай-ақ мемлекеттік білім тапсырысы бойынша оқуға ауысқандарға, емтихан сессиясы немесе аралық аттестаттау нəтижесі бойынша «А», «А-», «өте жақсы», «В+», «В», «В-» «жақсы» деген бағаларға сəйкес келетін баға эквивалентін алған студенттер мен магистранттарға семестр аяқталатын айдың соңын қоса алғанда төленеді.
Сонымен қатар мекеменің келісілген ережесіне сәйкес оқу барысының кредиттік технологиясы бойынша 2011 жылдың «20» сәуірінен №152 т.1 тт.8 білім алушының аралық аттестациясы – жүргізілуі, емтихан сессиясы барысында оқығаннан кейін академиялық пәннің мазмұнын немесе толық көлемін оқу сапасын бағалау мақсатында өткізіледі. Ал курстық жұмыс оқу пәнінің бір бөлігі болып табылады.
Курстық жұмыстың және дене шынықтыру пәнінің бағасы (балдық-рейтинг, әріптік жүйе) бақылау кезінде білім алушының бағасына әсер етеді.
Осылайша, курстық жұмыстың үштік бағасы стипендия алуға әсер етеді.
Осы жөніндегі мәліметтен хабарсыз білім алушыға, мемлекеттік стипендия төлеудің ережесі, біздің университетіміздің сайтында http://kazatu.kz/академиялық саясат бөлімі соның ішінде Мемлекеттік шəкіртақыны төлеу тəртібі бөлімшесінде көрсетілгенін хабарлаймыз.
Бұдан басқа, білім алушыларға қызмет көрсету орталығындағы ақпараттық тақтада Мемлекеттік шəкіртақыны төлеу тəртібі, Президенттік шəкіртақыны төлеу тəртібі, ауысу және қайта қабылдау т.б. жөнінде көрсетілген. Бұл ақпарат білім алушының АИС «Platonus» жеке кабинетіндегі «Хабарландыру» бөлімінде көрсетілген.

Сұрақ: Салеметсізбе, Куришбаев Аxылбек Кажигулович! мен Энергетикалық факультетінің 1 курс студентімін, мені 2Б жатақxанасынан шығарып жатыр, шығару себебі мен 5 түсініктемемді алдым, мен бірақ жатақxананың студенттік кеңесінің шешімімен келіспеймін. Бұл қалада менің басқа тұратын жерім жоқ, жалдамалы пәтерде тұруға қаражатым жетпейді, 6 жатақxанадан береміз деп жатыр, бірақ менің сабағым күніге таңғы 8:00де бірінші корпуста болғандықтан, 6-жатақxана алыс болады. Сізден сұранарым жатақxанадан орынды университеттің аумағынан беруге рұқсат етуіңізді өтінемін!

Жауап: Құрметті Қанат Жомартұлы!
Сіз ішкі тәртіпті сақтамағандықтан, Студенттік кеңестің шешімімен жатақханадан шығарылдыңыз. Ішкі тәртіпке жауапкершілікпен қарамаған студентті университет басшылығы да қолдай алмайды. Егер №6 жатақханаға ауыстыру қарастырылса, сол шешіммен келісуге кеңес береміз.

Сұрақ: Сәлеметсіз бе А.Қ.Күрішбаев! Мен ВжМШТ факультетінің 1 курс студентімін. 16.01.18 күні тапсырған экология және тіршілік қауіпсіздігі пәнінің емтиханынан 50 балл алдым,басқа сабақтарым төрт пен бес. Общий 74% шығып тұр. Сонда мен осы пайыз көрсеткішімен шәкіртақыдан және болашақта берілетін қызыл диплом ала алмаймын ба? Бір балға көтеру үшін не істесем болады. Өтініш көмектесіңізші!

Жауап: Құрметті Гүлкамила!
Жоғары оқу орындарында білім алушылардың үлгерімін ағымдағы бақылау, аралық және қорытынды аттестаттау жүргізудің үлгілік қағидаларына
(№125 2008.03.18., 2017.01.30 №36 бұйрығына қосымша) сәйкес:
100. Емтихандарды А, А - "өте жақсы", В-, В, В+ - "жақсы" деген бағаға тапсырған және оқытудың барлық кезеңіндегі үлгерімінің орта балы 3,5-тен төмен емес, сондай-ақ барлық мемлекеттік емтихан мен диплом жұмысын (жобасын) А, А - "өте жақсы" деген бағаға тапсырған білім алушыға үздік диплом (әскери даярлығы бойынша бағасын ескермегенде) беріледі.
101. Оқу кезеңінде емтихандарды қайта немесе қайталап тапсыру жағдайы болған білім алушы осы Қағидалардың 102-тармағында көрсетілген талаптарға қарамастан үздік диплом алу құқығынан айырылады.
қосымша:
20. Қорытынды бақылаудың оң бағасын аралық аттестаттаудың осы кезеңінде көтеру мақсатында қайта тапсыруға рұқсат етілмейді.
Қорытынды бақылаудың оң бағасын қайта тапсыру осы Қағидалардың 23-тармағына сәйкес жүзеге асырылады.
23. "Қанағаттанарлықсыз" бағасын оң бағаға өзгерту немесе үлгерімнің орта балын (GPA) көтеру мақсатында қайта тапсыру үшін білім алушы келесі академиялық кезеңде немесе жазғы семестрде сол пән бойынша оқу жұмыс жоспарында қарастырылған барлық сабақ түрлеріне қайта қатысып, рұқсат алады және қорытынды бақылау тапсырады.
Мұндай жағдайда білім алушы белгіленген тәртіп бойынша оқу пәніне жазылу рәсімінен қайта өтеді.

Сұрақ: Курметти Акылбек Кажыгулулы!
Мен ВжМШТ факультетинин 1-курс студентти, кыскы сессиядан кейин, аталмыш университеттин экономикалык факультетинин, ^каржы^ мамандыгына ауыскым келеди.
Бирак мен куз кезинен (кыркуйек қазан айларында) экономикалык факультеттин деканатына барган кезимде, маган бул мамандык бойынша топтар жинакталган орын жок, ауысу мумкин емес деп айтты. Сол каншалыкты занды?
Ата-анамның айтуымен "биотеxнология" мамандығын таңдап,грантқа өте алмадым,менин мектеп кезимнен арманым каржы мамандыгынын иеси болу,сизден отинип сурарым ауысуга кол ушынызды тигизе аласыз ба? алдын-ала рахмет!

Жауап: Құрметті Ақжарқын!
«Қаржы» мамандығы бойынша қазақ топтары толып қалды. Бірақ сіз ағылшын тілін меңгерген болсаңыз, көп тілді топқа ауыса аласыз. Ауысу мүмкіндігі демалыс уақытында жазғы сессияны жақсы тапсырып болған соң жүргізіледі. Мамандықтан мамандыққа ауысу кезінде пәндер арасында айырмашылықтар болады. Сол себепті сіз жазғы семестрге жазылуыңыз керек. Барлық рәсімдер мен қажетті құжаттар тізімін сіз біздің университетіміздің сайтындағы http://kazatu.kz/«Оқу» бөлімінен ала аласыз.
Сонымен қатар кеңес алу үшін №8 жатақхана 104 каб. Білім алушыларға қызмет көрсету орталығына хабарласуыңызға болады, немесе тел. 8(7172) 49-34-69 және 39-73-78.

Сұрақ: Курметти Ахылбек Кажигулулы.
Мен 3 курс студентимин. Сизден сурайын дегеним:
1) Академиялык демалыс кандай себептермен алуга болады?
2) Кай уакыттарда? Оку жылы басында немесе 2 семестринде де бола ма?
3) 4 курс студенти болган жагдайда алуга бола ма?
4) Грант сактала ма алган жагдайда?

Жауап: Құрметті Бекжан Нұрланұлы!
Білім беру ұйымдарының студенттеріне академиялық демалыс беру ережелеріне сәйкес 4.12.2014ж. бастап № 506 білім алушыларға академиялық демалыс мына негізде:
- Амбулаторлық – саяси ұйымда 6 айдан 12 айға дейінгі медициналық кеңес беру комиссиясының қорытындысы бойынша (ВКК);
-Туберкулез ауруына шалдыққандарға ұзақтығы 36 айдан аспайтын, туберкулезге қарсы ұйымның орталықтандырылған дәрігерлік кеңес беру комиссиясының шешімі (ЦВКК);
-Әскери міндетін өтеуге шақырту туралы;
-босану немес 3 жасқа толмаған баланы асырап алу жағдайында;
Егер сіз осы аталған тармақтардың біреуіне сәйкес келетін анықтама әкелсеңіз академиялық демалыс беріліп, грант сақталады. Барлық академиялық демалысқа шығу туралы рәсімдер мен қажетті құжаттар тізімін сіз біздің университетіміздің сайтындағы http://kazatu.kz/ «Оқу» бөлімінен ала аласыз.
Сонымен қатар кеңес алу үшін №8 жатақхана 104 каб. Білім алушыларға қызмет көрсету орталығына хабарласуыңызды болады, немесе тел. 8(7172) 49-34-69 және 39-73-78.

Сұрақ: Ақылбек Қажығұлұлы, салематсызба!
Сіздің басқарып отыраған ҚазАТУ-нің Жер қатынастары факультеті, Геодезия және картография бөлімінің, 1 - ші курсында, балам Қаленов Айбек Аманжолұлы оқитын. Қазіргі уақытта қысқы каникулға орай, үйге келген болатын. Сізден, баламның қысқы каникулдан кейін оқуына қайта барған жағдайда (07.01.2018ж.) жатанын орнының болмауына байланысты, жатаханамен қамтамасыз етуге қол ұшын берер деген себеппен жазып отырмын. Осыған дейін жалдап келген үйдің бағасының күрт өсіп кетуіне байланысты, қыстың көзі қырауда демекші, баспанасыз қалып отыр.
Құрметті, Ақылбек Қажығұлұлы, "бар үмітіміз Сізде" - деген үмітпен, көмектесер деген ойдамыз.
Алдын ала рахметімді білдіремін))!
Игі тілекпен, Қаленов Айбектің әкесі Аманжол Каленұлы.

Жауап: Құрметті Аманжол Қаленұлы!
2017 жылдың 1 қыркүйегінен бастап 1-курс студенттерінің жатақханаға кезексіз орналасуға мүмкіндігі бар. Балаңыз электронды портал арқылы жатақхана алуға өтінішін тіркесе, орын беріледі.