Сұрақтар және жауаптар - 2017 жыл

Сұрақ: Сәлеметсіздер ме? Бұл xатты жазып отырған ата-ана. Сіздердің 8-ші жатақxаналарыңызда менің қызым тұрады. Жалпы соңғы кездері мына жағдайлар сіздерге xат жазуыма мәжбүрледі. Қызым тұрып жатқан 9-шы этажда жарық жоқ екінші апта болды, жылу да дұрыс берілмейді, ұсақ-түйек заңдар көп және қызымның ауыр заттарын көтерісуге достары келіп көмектесейін деп телефон, жеке куәліктерін қалдырамыз десе де, жүгіріп кімнен рұқсат сұраса да рұқсат бермейді екен, ол заттарды қызым өзі көтере алатын болса несіне жалынады әркімге? Қызыма ауыр көтеруге болмайды, бүйрегі ауырады, әлсіз. 3-ші рет қайталанып жатыр бұл жағдай. Онымен қоймай ұрсып тастайды екен жұмыскерлеріңіз. Жанындағы қыздары да бірде болса бірде жоқ. Затсыз 9-шы қабатқа шығу оңай емес, оның қасында айына, анда-санда өте ауыр зат кіргізсе неге рұқсат берілмейді? Мүмкін лифттеріңізді іске қосарсыздар? Осы жағдайларды қарастыруларыңызды сұраймын!

Жауап: Құрметті Сақыш Өкеевна!
Сіздің хатыңыз бойынша, студенттік жатақхана меңгерушісімен және инфрақұрылымды дамыту департаментімен әңгіме жүргізілді. Шатырдан болған ақауға байланысты «Өрт қауіпсіздігі» ережесіне сәйкес №8 жатақхананың 9-шы қабатында электр желілері ажыратылған. Қазіргі таңда ақаулар түзетіліп, электр желілері іске қосылған.
Жүк мәселесіне келетін болсақ, лифт техникалық ақауға байланысты тоқтатылған. Сондықтан оны қосуға әлі рұқсат берілмеген. Ал Ішкі тәртіпке сәйкес жатақханаға ер балалардың кіруіне тыйым салынған. Егер тұрғындардың заттары тым ауыр болса, жатақхана меңгерушісінің рұқсатымен, құжаттарын тіркеп кіруге болады.

Сұрақ: Сəлеметсіз бе! Менің қойғым келген сұрағым, университетіміздің медициналық қызметіне байланысты еді. Неге студенттерге дұрыс қызмет көрсетпейді ? Ауырып барсам тек жолдама берумен шектеліп, ал оның нəтежесін тек айлап қана білеміз.
Ол өз басымнан өтті. Оқу жылдың басында асқазаным ауырып тексерілуге бардым, жəй ғана ішті сумен тазала деп айтты. Берген кеңесін ұстанып жүрдім. Бірақ бір күні бастапқы ауырғаннан екі есе ауырды, осы ретте жолдама берді. Бірақ ол жолдаманын

Жауап: Құрметті Райхан Байдильдаевна!
Сіздің хатыңыз бойынша студенттік медицина орталығының және студенттік емхана дәрігерлерімен әңгіме жүргізілді. Ішкі тәртіпке сәйкес, сіз жолдаманы алғаннан кейін, емхана дәрігерлерінің қабылдау уақытымен ем алуға бармағансыз. Емдеуші дәрігер кестемен қызмет көрсетеді. Алдағы уақытта түсінбеушілікке жол бермеу үшін, студенттік емхананың ережесімен толық танысып алуды сұраймын.

Сұрақ: Сәлеметсізбе! Мен осы болгқа жазып отырғандағы жағдайым: Университеттің номері 5 жатақханасында тұрамын. Текк осы жатақханада ғана сабақ күндері, яғни дүүйсенбі-жұма аралығында жатақханадан кетуге болмайды. Кейде туысқандар шақырып қалатын кез, немесе тағы басқа жағдайларда бұл өте қолайсыз. Егер кетіп қалсаң, түсініктеме жазғызып, докладной толтырады. Бүл не болғаны. Осы ережені алып тастауды сұраймыз. Ешкім себепсіз жатақханаға қонбай кетіп қалмайды. Бірақ кей себептер бойынша қонбайтын кездер болады ғой. Осы жағын қарастыруды сұраймыз.

Жауап: Құрметті Ыбырай Асқар!
Университеттің жатақханасындағы ішкі-тәртіпке сәйкес Студенттік кеңес тұрғындар жайында күнделікті есеп жүргізеді.
Себебі студентке жатақханадағы орын білім алуына қолайлы жағдай жасау үшін, күнделікті сабағына уақтымен дайындалу үшін берілген. Осы мақсатта Сіз жатақханадағы орыныңызды сақтап, оқу күндері тиімді пайдалануға тырысуыңыз керек. Ал сенбі, жексенбі күндері уақытыңызды өз қалауыңызбен жоспарлап, туыс-туғандарыңызға баруға болады. Дегенмен, ерекше себептер болса өтініш жазып сұрануыңызға болады.

Сұрақ: Саламатсыздар ма. Мен КазАту 1 курс студентімін, мен отбасы жағдайыма байланысты сырттай оқуға ауысуым керек болып тұр, ауыса аламын ба? Мен ақылы бөлімде Қайта өңдеу өндірістерінің технологиясы мамандығында оқып жатырмын.

Жауап: Құрметті Хадылбек!
Сіз сырттай оқу бөліміне ауыса алмайсыз, өйткені сырттай оқу бөліміне жоғары оқуды және колледжі бітірген студенттер ғана түсе алады.

Сұрақ: Сәлеметсізбе, Ақылбек Қажығұлұлы! Сізді мазалап отырған ата-ана. Балам сіздің жоғарғы оқу орныңызда Экология мамандығының 1-курсын аман-есен тамамдап, биыл 2-курсын оқып жатыр. Ақылы түрде білім алып жатыр. Осы баламды осы оқу орнында тек қана Архитектура мамандығына ауыстырғым келеді. Осы ойым мүмкінбе? Кеш емеспе? Қалай әрекеттенген дұрыс? Қай кезде және өандай бөлімге барып жолыққан дұрыс? Сізден жауап күтемін. Уақыт бөлгеніңізге алдын-ала алғыс білдіремін!

Жауап: Құрметті Гулнур Нурмуханқызы!
21.09.2017 ж. Жазған хатыңызға жауап береміз. Басқа мамандыққа ауыстыру тек қысқы және жазғы демалыс (каникуль) уақытында ғана жүпгізіледі.
Сіздің балаңыз кез келген мамандыққа ауысуына құқылы, егер ауысамын деген мамандығында орын (ваканция) болса ғана ауыса аласыздар. Қазіргі уақытта «Сәулет» мамандығында орын жоқ. Осы оқу жылының қысқы демалыс уақытында, Сәулет өнері факультетіне келіп хабарласыңыздар, бос орын болып жатса кәсіпке байланысты шығармашылық емтихан тапсырады, (сурет сала білуі міндетті) GPA үлгерімі 2,0 балдан төмен болмауы керек, айырмашылық пәндер болатынын ескертеміз. Оқу ақысы 419 250 тенге. Оқу мерзімі 5 жыл.

Сұрақ: Сәлеметсізбе ! Мен биыл дизайн факультетінде ақылы түрде оқимын. Мен жатақханаға өтінішті қағазға жазып бердім, ал енді мен электронды түрде жатақханаға орын алуға үлгермедім. Сұрайтыным сізден мен жатақханаға орын ала аламын ба ? бұндай жағдайда, алдын ала рахмет!

Жауап: Құрметті Жұлдыз Мұхтарқызы!
С.Сейфуллин атындағы Қазақ агротехникалық университетінің студенттік жатақханасына орналастыру 1- курстар үшін
Жатақханаға орналастыру тәртібі :
Жатақханаға бірінші кезекте төмендегі санаттағы білім алушылар орналастырылады:
1.Жетім балалар
2.Мүгедектігі бар білім алушылар
3.Мемлекеттік грант иегерлері
4.Көп балалы (білім алушыдан кейін 18 жасқа толмаған 3 немесе одан да көп бала болса) және әлеуметтік жақтан аз қамтылған отбасынан шыққан білім алушылар.
5.Осыдан кейін ақылы түрде оқуға түскен студенттердін өтініші қарастырылады.

Сұрақ: Салеметсізбе есімім Карлығаш Аманжоловна қызым осы университетке БИОТЕХНОЛОГИЯ факултетін тандап еді. Төлем ақысын 100% толеп түсуге құжаттарын тапсыруға барған едік бірақ қазақ группасында орын толық деп айттылды. Сіздің айтуныз бойынша қазақ группасына 50 бала қабылданады, сол 50 баланын ішіне менин кызымды алуынызды сураймын төлем ақысын қазір ақ бірден 100% төлеймін. Онын алдында университетін анықтама бөлімінен телефоннан звандап сұрағанда "Осы аптанын басыда келіп құжаттарынды тапсыруға болады деп айты". Бүгін құжаттарын тапсыруға келгенде орын толық деп айтты. не істерімізді білмей сізге жазып отырмын. Қызым осы мамандықты тандап отыр.

Жауап: Құрметті Мадалы Аружан Русланқызы !
Биотехнология мамандығы бойынша қосымша 1 қазақ тобы ашылуына байланысты бүгін келіп құжаттарыңызды қабылдау комиссиясына тапсыруларыңызға болады.

Сұрақ: Сəлеметсізбе!2017-2018жылғы оқу жылына Общежитие ға қамтамасыз етілетін балалардың тізімі шықтыма??порталда көрсетілген тізімдегідер биыдғыларма?

Жауап: Құрметті Айнұр Ерғалиевна!
2017-2018 жылғы порталда көрсетілген тізім жатақханаға тұруға рұқсат алған студенттерінің тізімі. Ал жоғарғы курс студенттері жатақхана алу үшін портал арқылы тұрғын орын кезегіне тұру керек.

Сұрақ: Сəлеметсізбе?! Мен Талдықорған қаласынан боламын. Биотехнология факультетіне грантқа түскен болатынмын. Жатақханаға заявканы қалай берсем болады? Рахмет

Жауап: Құрметті Айнұр Талғатқызы
С.Сейфуллин атындағы Қазақ агротехникалық университетінің студенттік жатақханасына орналастыру 1- курстар үшін 2017 жылдың 24-25 тамыз аралығында қарастырылады. Жатақхана алу үшін құжат тапсырған жерге немесе, ВжМШТ факультетінің деканатына келіп өтініш жазуыңызға болады.
Жатақханаға орналастыру тәртібі :
Жатақханаға бірінші кезекте төмендегі санаттағы білім алушылар орналастырылады:
1.Жетім балалар
2.Мүгедектігі бар білім алушылар
3.Мемлекеттік грант иегерлері
4.Көп балалы (білім алушыдан кейін 18 жасқа толмаған 3 немесе одан да көп бала болса) және әлеуметтік жақтан аз қамтылған отбасынан шыққан білім алушылар.

Сұрақ: Құрметті, Ақылбек Қажығұлұлы Күрішбаев мырза Сізге ата-аналар атынан өтініш. Қыздарымыз ҚазАТУ "Ветеринариялық санитария" 5 курс студенттері 3 шілдеден іс-тәжірибелері басталды. Іс-тәжірибелерін өту үшін Қазақстанның солтүстік обылыстарына жолдамамен жіберілді. Бұл әрине оқу бағдаламсы бойынша жасалынып жатқан іс-тәжірибелер. Біз ата-аналар бұны құптаймыз. Бірақта студенттерге ешқандай жағдай жасалынбаған. Қазір 3 күн болды қыздарымыз күндігіне 5000 тенгеге пәтер жалдап отыр, пәтер таппай әлек болуда пәтер құны 60000-70000 тенге аралығында. Оған көп студенттердің қалтасы көтермейді. Іс-тәжірибелері 3 ай көлемінде болады екен, есебі айтпасада түсінікті. Қыз балалалр болғаннан кейін біз ата-аналар уайымдап отырмыз, қандай жалдамалы пәтерге тап болады деп. Ақылбек Қажығұлұлы Күрішбаев мырза Сізден сұранатынымыз осы мәселені тиянақты қарап, қыздарымызды осы 3 айлық іс-тәжірибелерін өздері тұратын обылыстарға жіберсеңіз.

Жауап: Құрметті Назаров Батырхан Досболұлы!
Біздің университет аясындағы қызығушылық танытып, ветеринариялық мамандарды даярлауға атсалысқаныңыз үшін рахмет.
5В120200-Ветеринарлық санитария мамандығының 5-курс студенттерінің өңдірістік машықтануы 2017 жылдың 3 шілде мен 13 қазан аралығында, келісім-шарт жасалған мекемелерде өтеді. Сонымен қатар, бұл сұрақ ҚР АШМ ветеринарлық бақылау және қадағалау комитетінің бақылауында тұр. .
Қазіргі уақытта машықтануды 4 облыста 67 студент өтіп жатыр. (Ақмола, Солтүстік-Қазақстан, Қарағанды және Павлодар) және Астана қаласы.
Аталған облыстарда машықтанудың өту қажеттілігі, бұл процессті көптеген жылдар бойы кәсіпорындарда өңдірістік өтілі көп тәжірибелі қызметкерлер басшылық жасайтынымен түсіндіріледі.
Сонымен қатар, ЖОО-ның оқытушылары туындаған сұрақтар бойынша, жоғарыда аталған кәсіпорындарға барып, студенттерді қадағалап отырады және кеңес береді.
Өндірістік тәжірибе, бұл сондай-ақ, оқу процесінің жалғасы болып табылады, оны жүзеге асыру үшін, белгілі бір уақыт бөлінеді және тәжірибелі тәлімгерлердің бақылауында жүргізіледі. Өңдірістік машықтану барысында студенттерге (жоғарғы курстарда) арнайы баспана берілмейді.
Өңдірістік машықтанудан өткен студенттер, теориялық білімді толықтай меңгеріп болашақта, жоғары білікті мамандар болып қалыптасатынына сенемін және оларға үміт артамын.

| 1 | 2 |