Сұрақтар және жауаптар - 2018 жыл

Сұрақ: Саламатсыз ба мен магистратурага оқуға түскен едім жатаxана ала алмай жатырмын әлі күнге дейін әкем пенсионер анам жұмыссыз Қызылорда қаласынан келген едім жататын жерім жоқ корпусқа жақын жерден жатаxана болса жаксы болар еді

Жауап: Құрметті Зухра Сапарғалиқызы!
Сіз жатақханаға өтініш беруде, әлеуметтік жағдайыңыз туралы құжаттарды уақытымен тіркемегенсіз. Осы себеппен өтінішіңіз кезекпен қарастырылуда.

Сұрақ: Сәлеметсізбе!Сіздерде мал шаруашылығын оқытадыма?

Жауап: Құрметті Арсен Махаббатұлы!
Университетімізде 50 жылдан аса тарихы бар "Мал шаруашылығы өнімдерін өндіру және өңдеу технологиясы» кафедрасы мал шаруашылығы технологиясы бойынша күндізгі бөлімде 5В080200, 6М080200, 6D080200 – «Мал шаруашылығы өнімдерін өндіру технологиясы» мамандығының үш деңгейде күндізгі және сырттай оқу бөлімі бойынша орта кәсіптік (колледж) және жоғары білімде мамандар даярлайды.
Толығырақ ақпарат алу үшін «Мал шаруашылығы өнімдерін өндіру және өңдеу технологиясы» кафедрасына хабарласуыңызға болады. Тел. +7(7172)-43-67-44.

Сұрақ: Саламатсыз ба Ақылбек Қажығұлұлы. Менің екі қызым сіз басқарып отырған университеттің студенттері. (3 және 4-курс). Екеуі де ақылы негізде оқиды. Тамыз айында күйеуім жұмыссыз қалды. Қыздарым жатақханадан әлі күнге дейін орын ала алмай жүр. Сұрақ: менің қыздарыма жатақханадан орын алатын мүмкіндіктері бар ма?

Жауап: Құрметті Жанар Қазбекқызы!
Егер студент 130 ұпай алған жағдайда жатақханаға кезексіз орналасу мүмкіндігіне ие болар еді. Ал одан төменгі ұпайға ие болғандардың өтініші
электронды порталдағы кезекпен қаралуда.
Жатақханадағы рейтинг жүйесі «С.Сейфуллин атындағы ҚАТУ» АҚ білім алушыларына жатақхана беру тәртібі туралы ережесімен бекітілген және 2018 жылдың қаңтар айынан қолданысқа енгізілген.

Сұрақ: Сәлеметсіз бе, сіздерде инженерлік жүйелер және желілер мамандығы барма, мен Алматыга грантка түсіп едім сіздерге ауыскым келеді, немесе ент баллмен бе пед мамандыққа түсе алам ба грантка, сіздердің университеттерінізге қалайда болсын тускым келеді, мүмкіндігім болса айтынызшы (оқып жүріп грантка ілініп кету мүмкіндігі болса да) қазір ауыса алмайм ба сіздерге?

Жауап: Құрметті Райгуль!
Біздің университетімізде «Есептеу техникасы және бағдарламалық қамтамасыз ету» және «Ақпараттық жүйелер» мамандықтары бар. Егер сіз аталған мамандықтардың біреуінде грант иегері болсаңыз, біздің университетке грант түрінде ауыса аласыз. Бірақ ауысу уақыты қыстық емтихан сессиясының қорытындысы бойынша, қыстық демалыс уақытында ғана жүзеге асырылады.

Сұрақ: Сәлеметсіз ба! Менің қызым 2курс студентті 1курс 2семестрде 4,5ке тапсырды емтиxанды енды менің қызым грантка ауыса алам ба? КСиПО,ПО мамандығы бойынша..Раxмет

Жауап: Құрметті Меруерт Кенескызы!
Жоғары білім алу процесінде босаған бос білім беру грантын беру ережесіне сәйкес мемлекеттік грантқа Қазақстан Республикасы Білім және ғылым министрлігі жазғы және қысқы демалыс уақытында конкурстық негізде нақты мамандық бойынша бос мамандықтар бойынша беріледі. Босаған білім гранттарына ауысу құқығының артықшылығы емтихан сессияларының нәтижелері бойынша ең жоғары орташа баллы (GPA) бар студенттерге беріледі.
Жазғы емтихан сессиясының қорытындысы бойынша «Кәсіптік оқыту» мамандығы 1 курс бойынша босаған бос гранттар болмады.

Сұрақ: Сәлеметсіз бе? Мен Жәңгір хан атындағы университетке көлікті пайдалану және жүк қозғалысын ұйымдастыру мамандығына әкімшілік грантқа түскен едім.Келесі жылы сіздің университетке грантты сақтай отырып ауыса аламын ба?

Жауап: Құрметті Абай!
Сіз, Әкім грант иегері болғандықтан, С.Сейфуллин атындағы Қазақ агротехникалық университетіне ауысу барысында грант сақталмайды. 5В090100 «Тасымалдауды, қозғалысты ұйымдастыру және көлікті пайдалану» мамандығына ақылы негізде ауыса аласыз.
Қосымша ақпараттарды Білім алушыларға қызмет көрсету орталығынан 8 (7172) 397378 тел. алуға болады.

Сұрақ: Салеметсизбе, Ахылбек Кажигулұлы
Мен Оңтүстік Қазақстан облысы.Созақ ауылынан балам ҰБТ дан 94 бал жинап,
сиздердин оқу орындарыңызға ақылы түрде Ветеринарлық медицина" мамандығына оқуға түсіруге алып келіп едік. Бірақ ол мамандықта орын жоқ деп, "мал өнімдерін өндіру технологиясы" мандығын ұсынып отыр, біздің ауданға мал дәрігерлері жетіспейді. Сондықтан "Ветеринарлық медицина" мамандығына оқуға қабылдауыңызды өтінемін.Рахмет.

Жауап: Құрметті Эльмира!
Сұрағыңыз орынды. «Ветеринарлық медицина» мамандығы бойынша 2018 оқу жылына бөлінген мемлекеттік гранттың саны 122 адам, ал ақылы негізде 28 адам алынып, барлығы университеттің жоспарына сай 150 адамды құрап отыр. Осыған орай, бұл мамандыққа артық қабылдай алмаймыз.
Ал, 5В080200 - «Мал шаруашылығы өнімдерін өндіру технологиясы» мамандығы «Ветеринарлық медицина» мамандығымен тығыз байланысы бар, бүгінгі күні елімізде сұранысқа ие мамандықтардың бірі. Аталмыш мамандық түлектеріне «Ауыл шаруашылығы бакалавры» академиялық дәрежесі беріледі. Бұрынғы Кеңес одағы кезінде бұл мамандық «Зоотехния» деп атлды. Қазіргі кезде заман талабына орай малды өсіріп қана қоймай, олардан алынатын шикізат өнімдерін (сүт, ет, тері, жүн және жұмыртқа т.б.) өндіру және өңдеу технологиясын қоса меңгерген білікті «Мал шаруашылығы өнімін өндіру технологиясы» деген атаумен мамандар даярлануда. Мамандық түлектерінің жұмысқа орналастырылуы 89,3% құрайды, олар әртүрлі қызмет салаларында қымзет етеді: білім, ғылым, мемлекеттік қызмет, бизнес және т.б.
Аталмыш мамандық бойынша бітірген түлектердің мамандық қызмет орындары келесідей: меншіктің әртүрлі формаларының ауыл шаруашылығы кәсіпорындары; етті-сүтті өңдейтін кәсіпорындар; құс фабрикалары; өнім сапасын анықтайтын зертханалар; ғылыми-зерттеу институттары; селекциялық-асылтұқымдық орталықтар, Республикалық тұқым палатылары және асылтұқымды шаруашылықтар; ҚР АШМ мал шаруашылығы департаменті, аудандық және облыстық а/ш басқармалары және т.б.
Бакалавр академиялық дәрежесін алғаннан кейін, бітірушілердің магистратурада оқуды жалғастырып, магистр дәрежесін алуға мүмкіндіктері бар, бұл мемлекеттік қызмет жүйесінде жұмыс істеуге, оқытушылық және ғылыми қызметпен айналысуға мүмкіндік береді, сонымен бірге докторантурада оқуды жалғастырып, диссертация қорғап, философия докторы (Phd ) дәрежесін алу мүмкіндігі де бар.
5В080200 – «Мал шаруашылығы өнімін өндіру технологиясы» мамандығы бойынша бакалаврлары университетімізде 50 жылдың үстінде тарихы бар «Мал шаруашылығы өнімін өндіру және өңдеу технологиясы» кафедрасының біліктілігі жоғары профессорлық-оқытушылар құрамымен дайындалады. Кафедраның ғылыми әлеуеті 84,2% құрайды.
Кафедрада малдың асылтұқымды қасиеттерін, өндіріс технологиясын жетілдіру және мал шаруашылығы өнімдері сапасын жоғарылату мақсатында Мемлекеттік гранттық және мақсаттық бағдарламалары аясында ғылыми зерттеулер жүргізілуде. Кафедра халық шаруашылығының барлық салаларында, оның ішінде аудан, облыс, ірі және шағын мекемелердің (шаруашылықтардың) басшылары болып қызмет атқаратын 10,5 мың қызметкер дайындады.
Сондықтан Эльмира, балаңыз осы мамандық иесі болса да, сұранысқа ие білікті маман болады деген сенімдеміз. Біздің С.Сейфуллин атындағы университетіне қош келдіңіз!

Сұрақ: Сәлеметсіз бе! Мен 3 курс студентімін. 1-2 курс бойына тек 2 сабақтан ғана қорытынды 4 тік бағам бар.Біреуі 89 (в+) екіншісі 76 (в-) бірақ емтиханында 74 (с+) алып қалдым,бірақ қорытынды баға 76 шықты. Қызыл диплом алу үшін 4 тік бағалар рұқсат етілген. Қалған сабақтарым,мемлекеттік емтихандар барлығы 5. Қазіргі уақыттағы жалпы GPA 3,9. Енді келешекте 4 курс та қызыл диплом алуға мүмкіндік барма?

Жауап: Құрметті Айгүл!
"Жоғары оқу орындарында білім алушылардың үлгерімін ағымдағы бақылау, аралық және қорытынды аттестаттау жүргізудің үлгілік қағидалары" ҚР БжҒМ (2008.03.18, № 125) бұйрығына сәйкес:
Қорытынды бағалар А, А - "өте жақсы", В-, В, В+ - "жақсы" деген бағаға болса және оқытудың барлық кезеңіндегі үлгерімінің орта балы 3,5-тен төмен емес, сондай-ақ барлық мемлекеттік емтихан мен диплом жұмысын (жобасын) А, А - "өте жақсы" деген бағаға тапсырған білім алушыға үздік диплом (әскери даярлығы бойынша бағасын ескермегенде) беріледі.

Сұрақ: Сəлеметсіз бе! Уақыт бөліп жауап бергеніңізге рахмет. Тағы бір сұрағым жатақхана алу үшін порталға тіркелу қажет пе жəне порталдағы жатақханаға кезекте тұрған студенттер тізімі қай кезде жаңартылады?

Жауап: Құрметті Асыл!
Жатақхана алу үшін 1-курс студентінің жазбаша өтініші (оны өз факультетінде жатақхана бөлу комиссиясы қабылдайды), электронды портал арқылы тіркелген өтініші де қарастырылады.
Ал жоғары курс студенттерінің тек электронды порталдағы өтініштері назарға алынады. Электронды порталдағы өтініштер 2018 жылдың 23 тамызына дейін жаңартылады.

Сұрақ: Салеметсібе. Мен Павлодар Мемлекеттік Университетінің студентімін, Азық-түлік өнімдерінің теxнологиясы мамандығы бойынша 2017 жылдың гос.Грант иегерімін. КазАТУ университетіне ауысып оқығым келеді бірақ менде бір дисциплинадан жазғы семестр бар, бұл жағдайда мен сіздердің университеттеріңізге ауыса аламынба?

Жауап: Құрметті Арайлым!
Сіз С. Сейфуллин атындағы Қазақ агротехникалық университетіне сіздің мамандығыңыз (GPA - min. 2,0) бойынша грантқа ауыса аласыз. Ол үшін сізге 2018 жылдың 25 тамызына дейін білім алушыларға қызмет көрсету орталығына келесі құжаттарды: ауысу туралы өтініш, транскрипт түпнұсқасы, аттестат көшірмесі, ҰБТ сертификатының көшірмесі, грант куәлігінің көшірмесі, флюорография түсірілімі, жеке куәліктің көшірмесі, ЖОО лицензия көшірмесі, мамандық лицензиясының көшірмелерін әкелуіңіз керек.
Білім алушыларға қызмет көрсету орталығының телефон номері: 8 7172 39 73 78

| 1 | 2 | 3 | 4 |