Сұрақтар және жауаптар - 2018 жыл

Сұрақ: Сәлеметсіз бе ?
Ақылбек Қажығұлұлы Күрішбаев !
Менің сізден сұрайын дегенім Азық-түлік өнімдерінің технологиясы деген мамандық жайлы толық мәлімет бере аласыз ба?
Ол не мамандық оны бітірсе қандай жұмыс істей алатыны туралы білгім келеді.
Мен осы жылы мектеп бітіріп ҰБТ- дан 92 балл жинап, сіздердің Қаз АТУ ға осы мамандыққа конкурста қатыстым. Енді менде мүмкіндік бар ма грантқа түсуге? (менде жеңілдіктен "Алтын Белгі" және ауыл квотасы бар)

Жауап: Құрметті Kамилa!
Мемлекеттік білім гранттары тізімінде Шәпіл Камила Сапаралықызы «Азық-түлік өнімдерінің технологиясы» мамандығы бойынша грант иегерлері қатарында бар.
Сізді С.Сейфуллин атындағы Қазақ агротехникалық университетінің бойынша грант иегері атануыңызбен құттықтаймыз. Оқуға қабылдау туралы өтінішті және құжаттарыңызды 25-ші тамызға дейін өткізуіңіз қажет.
Жоғары оқу орнына оқуға түсіп, студент атану – ол үлкен жетістік және мәртебе! Келешекте өз біліміңізді шыңдай түсіп, сапалы білім алу жолында жетістікке жететініңізге сенімдіміз. Аталған мамандық техникалық факультетке қарасты, сондықтан барлық сұрақтар бойынша факультет деканатына және кураторыңызға хабарласа аласыз.
Факультет деканатының телефоны: 39-73-99

Сұрақ: Саламатсыздар ма, менің сұрағым - Сіздің университеттің жатақхана ақысы ағымдағы жылдың қыркүйегінен бастап 80 мың теңге болады дейді. Неліктен?

Жауап: Құрметті Қанжар Алиякбар!
Өткен жылдары бір орынға төленетін жатақхана шығындары артып кетті. Себебі, жатақханаға көрсетілетін коммуналдық қызмет түрлері жыл сайын өсуде. Барлық шығындарды бірнеше жылдар бойы университетіміз өз қорынан төлеуге мәжбүр болды.
Осыған орай, бакалавриат бағдарламалары бойынша оқитын білім алушылар үшін № 2б, 5, 6 және 7 студенттік жатақханаларында бір орында тұру ақысы айына 7000 теңге мөлшерінде және № 8 жатақханада бір орында тұру ақысы айына 8000 теңге (әрбір бөлмеде жеке душ кабиналары қарастырылған) болып бекітілді.

Сұрақ: Сəлеметсіз бе! Сұрайын дегенім, 2-курстарға жатақхананы 7-8-қыркүйек береді деп айтты. Ал оқу ерте басталса, соған орай жатақханадан ертерек орын алса болады ма?
Оқу жылының соңында жатақхана алуға өтініш жазған болатынмын.

Жауап: Құрметті Асыл!
Жатақханаға орналасуға өтінішіңізді жазып, өз факультетіңіздің деканатына қалдыруыңызға болады. Өтініштеріңізді арнайы комиссия 2018 жылдың 22 тамызынан бастап қарастырады.
Жатақханаға орналастыру ережесіне сәйекс алдымен әлеуметтік жағдайы төмен категорияға жататын білім алушылар орналастырылады. Олар ата-анасының қамқорлығынсыз қалған студенттер, мүгедек студенттер, мемлекеттік грант иегерлері, көп балалы және аз қамтылған отбасыдан шыққан студенттер.

Сұрақ: Саламатсыз ба Күрішбаев Ақылбек Қажығұлұлы сізден сұрайын дегенім 2018 оқу қай айда қанщасы басталады 2 курска?

Жауап: Құрметті Аліби!
Академиялық күнтізбе тамыз айының басында Университет порталында жарияланатын болады.

Сұрақ: Саламатсыз ба. Ұлым Сіздің вет.медтің ақылы бөлімінде 1 курсты аяқтады. биыл қызым мектеп бітіріп еді, егер 84 баллмен грантқа іліне алмасақ екі баланы оқыту қиын болғандықтан қандай да бір жеңілдік бола ма? Сіздің универге тапсырған жағдайда

Жауап: Құрметті Шынаргул Бакытовна!

Ереже бойынша қызыңыз Қазақстан Республикасы бойынша 4 ЖОО мен 4 мамандықты таңдай алады. Қазіргі таңда университет бойынша оқу ақысы бекітілді, баға қолжетімді. Университет мамандықтары мен таңдау пәндері жайлы ақпаратты университет сайтынан көре аласыз: http://kazatu.kz/kk/talapker/okuga-tusushelerge-arnalgan-akparat/
Университетке қабылдау бойынша сұрақтарыңызды келесі номер және электрондық пошта арқылы қоя аласыз: 8-7172-317-556, Е-mail: 711_12@inbox.ru

Сұрақ: Сәлеметсіз бе! Сұрағым келгені физика математика таңдау пәндерімен қандай мамандықтар бар? және грантқа өтініш қабылдау уақыты қашан?

Жауап: Құрметті Төлеужан Аяна!

Гранттар конкурсына құжат қабылдау 18 шілдеден 26 шілдеге дейін жүргізіледі. Таңдау пәндеріңіз физика және математика болса, келесі мамандықтарды таңдай аласыз:
1. 5В012000 – Кәсіптік білім;
2. 5В070300 – Ақпараттық жүйелер;
3. 5В070400 – Есептеу техникасы және бағдарламалық қамтамасыз ету;
4. 5В071300 – Көлік, көліктік техника и және технологиялар;
5. 5В071700 – Жылу энергетикасы;
6. 5В071800 – Электр энергетикасы;
7. 5В071900 – Радиотехника, электроника және телекоммуникациялар;
8. 5В072400 – Технологиялық машиналар мен жабдықтар (сала бойынша);
9. 5В073200 – Стандарттау және сертификаттау;
10. 5В080600 – Аграрлық техника және технология;
11. 5В081200 – Ауыл шаруашылығын энергиямен қамтамасыз ету.

Университетке қабылдау бойынша сұрақтарыңызды келесі номер және электрондық пошта арқылы қоя аласыз: 8-7172-317-556, Е-mail: 711_12@inbox.ru

Сұрақ: Мен Ұбт дан 65 балл жинадым.Таңдау пәнім физика математика.Өзім қалап отқан мамандығым аграрлы техника және технолог.Мен осы оқу орнына грантқа түсуге мүмкіндігім бар ма? Немесе қандай мамандыққа грантқа түсуге мүмкіндігім бар? Жауапқа алдын ала рахмет!

Жауап: Құрметті Ерболсын Жомартұлы!

Таңдау пәндеріңіз физика және математика болса, келесі мамандықтарды таңдай аласыз:
1. 5В012000 – Кәсіптік білім;
2. 5В070300 – Ақпараттық жүйелер;
3. 5В070400 – Есептеу техникасы және бағдарламалық қамтамасыз ету;
4. 5В071300 – Көлік, көліктік техника и және технологиялар;
5. 5В071700 – Жылу энергетикасы;
6. 5В071800 – Электр энергетикасы;
7. 5В071900 – Радиотехника, электроника және телекоммуникациялар;
8. 5В072400 – Технологиялық машиналар мен жабдықтар (сала бойынша);
9. 5В073200 – Стандарттау және сертификаттау;
10. 5В080600 – Аграрлық техника және технология;
11. 5В081200 – Ауыл шаруашылығын энергиямен қамтамасыз ету.
Грант байқауына қатысу үшін құжаттар 18 шілдеден 26 шілдеге дейін қабылданады.

Университетке қабылдау бойынша сұрақтарыңызды келесі номер және электрондық пошта арқылы қоя аласыз: 8-7172-317-556, Е-mail: 711_12@inbox.ru

Сұрақ: Сəлеметсізбе? Менің қояр сұрағым КАЗАТУ- университетінің ең төменгі төлем ақысы қанша?

Жауап: Құрметті Гулназ Сундетовна!

Біздің университетте ең төменгі оқу ақысы 350,0 мың теңге.
Барлық сұрақтар бойынша 8-775-937-39-29

Сұрақ: Сәлеметсізбе. мен 88 балмен био+гео қандай мамандықтарға грантқа түсе алам?

Жауап: Құрметті Диас!

Грантқа өтініштер 18-26 шілде аралығында қабылданады. География және биология пәндерімен Жерге орналастыру, Кадастр, Орман шаруашылығы және орман ресурстары, Аңшылықтану және аң шаруашылығы мамандықтарына оқуға түсуге мүмкіншілігіңіз бар.
Барлық сұрақтар бойынша 8-775-937-39-29

Сұрақ: Құрметті Ақылбек Қажығұлұлы Күрішбаев!
Сәлеметсіз бе! Мен информатика пәні бойынша жоғарғы білімімді бітірдім, ары қарай жалғастырғым келеді, бірақ Сіздерде информатика мамандығы бойынша толық ақпарат жоқ, ең болмаса магистратураға түсу кезіндегі кезекті емтихан сұрақтары болса және де магистратураларға Сіздерде жатақхана қарастырылған ба?

Жауап: Құрметті Құралай!

Магистратурада «Ақпараттық жүйелер» және «Есептеу техникасы және бағдарламалық қамтамасыз ету» мамандықтары ғана бар. «Информатика» мамандығымен бакалаврды бітіріп аталған мамандықтарға түсе аласыз. Магистратураға оқуға түсу үшін шет тілін тапсыру керек, содан соң мамандық бойынша арнайы емтихан тапсыру керек. Емтихандарды жемісті тапсыру нәтижесінде грантқа да үміттенуге болады. Оқудың ақысы 396 мың теңге.
Барлық сұрақтар бойынша 8-775-937-39-29

| 1 | 2 | 3 | 4 |