Сұрақтар және жауаптар - 2012 жыл

Сұрақ: Сәлеметсіз бе Ақылбек Қажығұлұлы! Жаңа Жылыңызбен!Мен КСиПО факултеті студентімін,мамандығым "Ақпараттық жуйелер" Менің сізге қоятын сұрағым:Біздің университетте осы мамандық бойынша база бар ма? Біздің университет АгроТехникалық бағытта дамыған,ал біздін салада қандай жетістікке жеткен? ж/е осы сала тулектерін жұмыспен қамту жағы,оларға деген жұмыс берушілер тарапынан сұраныс қалай?

Жауап: Құрметті Қазыбай Баян Асқарқызы!
Сіздің «база» деп сұрап отырғаныңыз өндірістік тәжірибелер өтуге арналған базалар болса керек. Жалпы университеттегі әр мамандық бойынша тәжірибе базалары жыл сайын жаңартылып бекітіліп отырылады. Сіз сұрап отырған мамандық (Ақпараттық жүйелер) бойынша 20-дан астам мекемелермен жасалған ұжымдық келісім-шартымыз бар. Мысалы, «Ұлттық ақпараттық технологиялар» АҚ, «Инженерлі-техникалық орталық» АҚ, «Байланыс және ақпараттандыру агенттігі» АҚ т.с.с.
«Ақпараттық жүйелер» мамандығы бойынша оқитын студенттер әр түрлі конференция, олимпиадаларға қатысып, жетістіктерге қол жеткізуде. Бұл мамандықтың 3-4 курс студенттерінің 70-80% өз мамандығы бойынша немесе осы салада жұмыс жасап та жүр және тәжірибелерін сол жұмыс жасап жүрген жерінде өтеді. Кейбір стундеттеріміз тәжірибе өткен жерінде жұмысқа орналасып жатады.
«Ақпараттық жүйелер» және «Есептеу техникасы және бағдарламалық қамтамасыз ету» мамандықтары бойынша университетте магистратура да бар, әрі қарай өз оқуыңызды магистратурада жалғастыруға мүмкіндігіңіз бар.

Сұрақ: 2012-2013 оку жылынын 2 семестрга калай ауысуга болады.Кандай документ жинау керек ,толыгырак айтып жiберсенiз

Жауап: 5) Құрметті Нарматов!
Қазақстан Республикасы Үкіметінің 2012 жылғы «110» қаулысымен бекітілген білім алушыларды білім беру ұйымдарының үлгісі бойынша ауыстыру және қайта қабылдау қағидасына сәйкес ауысу немесе оқуға қайта қабылдану, егер оқу жоспарындағы айырмашылық бакалавриат үшін міндетті компоненттің бес оқу пәнін құраса, сол курсқа жүзеге асырылады.
Білім алушыны жоғары оқу орындарына ауыстырудың немесе қайта қабылдаудың міндетті шарты оның бірінші академиялық кезеңді көлемі кемінде 15 кредиттен тұратын жеке оқу жоспарына сәйкес толық аяқтауы болып табылады.
Бұл ретте білім алушы оқудан шығарылған мерзіміне қарамастан кез келген оқыту нысанына, кез келген мамандыққа және кез келген жоғары оқу орнына ауыса немесе қайта қабылдана алады.
Яғни, Сіз біздің университетке ауысуға мүмкіндігіңіз бар егерде айырмашылық міндетті компоненттің бес оқу пәнінен аспаса.
Ауысқан кезде келесі құжаттар қажет болады:
1. ЖОО лицензия көшірмесі (студент оқитын мамандыққа қосымша қоса беріледі)
2. Студенттің барлық оқу кезеңіндегі оқу үлгерімі көрсетілген транскрипт
3. БҰТ сертификат көшірмесі
4. Студент оқитын ЖОО ректоры атына өтініш, ректордың келісім бұрыштамасымен және ЖОО мөрі басылған
5. Ауысқалы жатырған ЖОО ректоры атына өтініш

Сұрақ: Құрметті Ақылбек Қажығұлұлы! 20-желтоқсан күні ұйымдастырылған Жаңа жыл кеші үшін алғыс білдіремін! Сұрағым: бізге қыздарға әскери кафедраға құжаттар тапсырып, оқып алсақ боладыма? "агрономия" мамандығының 2 курс студентімін...

Жауап: Құрметті Лейла!
Қазақстан Республикасы Үкіметінің Қаулысына және Қорғаныс министрінің бұйрықтарына сәйкес біздің әскери кафедраға әскери – есептік мамандықтар бойынша әскери дайындыққа тек студент ер балалар ғана тартылады.
Студент қыз балалар тартыла алатын әскери-есептік мамандықтар бойынша әскери дайындық біздің кафедрада жүргізілмейді.

Сұрақ: сәлеметсіз бе? мен агрофактың 2 курс студентімін, калада окимын, бирак № 6 жатаханада тұрамын. қазір ауа райы өте суық, сабаққа қатынауым қиын. Бүгін сағат таңғы 7 де шыгып, университетке сагат 9.40 жеттім. университетен бөлінген автобус келмеді,автобустар жүрмейді, аялдамада 1-1,5 сағат автобус күтип тонып калдым! мына суыкта учхоздан қатынау мүмкін емес.сондықтан университетке жакын жатаханага ауысуыма болама? немесе сабақты күн суық болғанда тоқтата тұруға бола ма? рахмет

Жауап: Құрметті Айнұр!
Университет Астана қалалық автобус паркімен бірнеше рет келіссөздер жүргізілуінің нәтижесінде № 6 жатақханаға қатынайтын сіз сұраған №37 автобус маршруты өткен жылдың желтоқсан айынан бастап таңғы уақыттағы жүрісін жиілетті. Одан басқа университеттің 2 автобусы күнделікті белгіленген уақытта студенттерді алып барып алып кетіп жүргенінен өзіңіз де хабардар боларсыз.
Ал оқу корпусына жақын жатақханаға ауысу мәселесімен Тұрғын үй комиссиясы айналысады. Комиссия сіздің өтінішіңізді жатақханаға орналасу Ережесі және кезекке тұру тәртібі бойынша қарайды.

Сұрақ: Құрметті Ақылбек Қажығылұлы!
сізді , Қазақстан Республикасының Тәуелсіздік күні мерекесі қарсаңында "Құрмет" Орденімен марапатталғаныңызбен шын жүректен құттықтаймыз.
Сіздің саясатыңыздың арқасында университететің беделі күн сайын артуда.
Сіздің біліміңіз жоғары жауапкершілігіңіз әріптестеріңізді тәнті етуде.
Сізге зор денсаулық, баянды бақыт, ұзақ ғұмыр, сәтті істер, қажымас жігер және үлкен табыстар тілейміз.
Энергетикалық факультетінің ұжымы

Сұрақ: Құрметті А.Қ.Күрішбаев мырза!
№6 жатақхана тұрғындарының көптен айта алмай жүрген көкейтесті өтініші жайлы айтқымыз келеді.Жалпы жатақхана жағдайы жақсы,бірақ жатақхана комендантының жұмысы бізді қанағаттандырмайды. Себебі жатақхана студенттерінің көпшілігі орыс тілін білмеуінен
ол кісімен қарым-қатынас жасауда, өзіне қажетті мәлімет алуға қиындық туады және өз ісін дұрыс атқармайды.
Біздің айтайын дегеніміз екі тілде еркін сөйлейтін, педагогикалық тәжірибиесі бар, өз ісіне жауапты қазақ комендантын қоюыңызды өтінеміз!

Жауап: Құрметті №студенттік жатақхана тұрғындары!
Сіздердің өтінішіңіздеріңізбойынша тәрбие жұмыстары жөніндегі орынбасарым Ж.А.Құсайноваға тапсырма бердім.

Сұрақ: Құрметті Ақылбек Қажығұлұлы! Сәлеметсіз бе
Мен ҚазАту университетінің Агрономия факультеті Экология кафедрасының аға зертханашы болып еңбек етемін. Жатақханамен қамтамасыз ету мәселесі бойынша университеттің жатақханасының бір бөлме сұрап хат жолдаған болатынмын қазіргі танда 11 жылдан астам еңбек жасап жатырмын. Өкінішке орай, осы мәселе түпкілікті шешілмей қойды. Қанша рет Сізге хат жолдасамда ешқандай өзгерістер болмай тұр. Біздің отбасымызға бір көмек берер деген үміттімізді үзбей жүрміз осы жазылған хатты Сізге жете ме, жетпей ме білмеймін. Екі баланың анасы ретінде Сізден көмек сұраймын.

Жауап: Құрметті Гүлсім Жақсылыққызы!
Сіздің жатақханадан бөлме беру туралы жазған екі өтінішіңіз тіркелген. Барлық өтініштерге қатысты шешім Тұрғын-жай комиссиясының, оның ішінде факультет декандарының қарастыруымен Басқарма отырысында қабылданады. Жатақханадан бөлме бөлу кезінде, ең бастысы, профессорлық-оқытушылар құрамына басымдық берілетінін ескерткім келеді. Сол себептен, барлық өтініштер Басқарманың әр отырысында профессорлық-оқытушылар құрамы, оқу-көмекші персоналы, әкімшілік-шаруашылық құрамы бойынша тіркелген тізім кезегімен қарастырылады.

Сұрақ: Құрметті ректор мырза!!!
мен 5в072900 Құрылыс мамандығында оқимын Қызылорда Мемлекеттік университетінде,ҚАТУ ға магистратураға оқуға мүмкіндік барма?қандай құжаттар қажетболады екен?

Жауап: Құрметті Бақытжан !
Сіз оқып жатқан мамандық бойынша С.Сейфуллин атындағы Казақ агротехникалық университетінде магистратура мамандығы жок, сондықтан да ҚР Білім және ғылым министрлігінің 2011 жылғы 17 маусымдағы бұйрығымен бекітілген «Жоғарғы оқу орынынан кейінгі білім беру. Магистратура. Негізгі ережелерінің» (5.04.033-211 ҚР МЖМББС) 5.3 тармағына сәйкес таңдаған мамандықтың кәсіби оқу бағдарламасын меңгеру үшін барлық пререквизиттер сәйкес болуы тиіс. Болмаған жағдайда ол пәндерді жазғы семестрде оқу керек.
Магистратураға түсу туралы ақпаратты қосымша университет сайтынан www.agun.kz («Жоғары оқу орнынан кейінгі білім беру және біліктілікті көтеру бөлімі» – «Магистратура») оқуға болады.

Сұрақ: Құрметті Ақылбек Мырза! Агрономиялық факультеттің «Агрономия» мамандығының 2-ші курс студенттерінің қысқы сессиясы қай аралықта болатынын нақты айтып жібересіз бе?

Жауап: Құрметті Ләйла!
Бекітілген академиялық күнтізбеге байланысты Агрономиялық факультеттің «Агрономия» мамандығының 2-курс студенттерінің қысқы емтихан сессиясы 24.12.2012-12.01.2013 ж. аралығында,ал қысқы демалыс 14.01.2013ж.-26.01.2013ж дейін болады. 2-семестр 28.01.2013 ж.басталады.

Сұрақ: Саламатсыз ба құрметті Ақылбек Қажығұлұлы мырза!Менің сізге қояр сұрағым,мен Алматы қаласындағы ҚАЗҰАУ 4 курс студентімін мен келесі жылы сиздердин оқу орындарынызға магистратура бойынша білімімді жетілдірмекпін,соған орай сіздерге грантқа түсу қаншалықты мүмкін қанша мөлшерде грант бөлінеді?,жатақхана беріле ме?,шет мемлекеттермен қарым-қатынас жасайсыздар ма?Алдын-ала рахтет айтамын.

Жауап: Құрметті Айнұр!
Өзіңіз оқып жүрген мамандығыңызды көрсетпегендіктен сіздің сұрақтарыңызға нақты жауап бере алмаймын. Сол себепті осы сұрақтарыңызбен тағы да бір рет 38-61-53 телефоны арқылы Жоғары оқу орнынан кейінгі білім беру және біліктілікті көтеру бөліміне хабарласып көріңіз.
Магистратураға түсу туралы ақпаратты қосымша университет сайтынан www.agun.kz («Жоғары оқу орнынан кейінгі білім беру және біліктілікті көтеру бөлімі» – «Магистратура») оқуға болады.

| 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 |