Сұрақтар және жауаптар - 2013 жыл

Сұрақ: Саламатсызба Ақылбек Қажығұлұлы! менің сурағым: электроэнергетика мамандығына неше грант саны бөлінді екінші курс үшін? Отбасы жағдайына қарайдыма немесе тек сабақ жағынан қарайдыма ? осы сұраққа шұғыл түрде жауап беруіңізді сұраймын! Рахмет!

Жауап: Құрметті Әділ!
Бекітілген тәртіп бойынша мемлекеттік білім грантының бос орнына конкурстық негізде үміткер ретінде құжаттарынызды ұсына аласыз, құжаттарды 2014 жылғы қаңтардың 8-не дейін энергетикалық факультет деканатына тапсыруға болады.

Сұрақ: Саламатсыз ба Ақылбек Қажығұлұлы! Мен 2009ж Алматыдагы Абай ат. Казак улттык педагогикалык университетинин \\\\\\\\\\\\\\\"БЕЙНЕЛЕУ онери жане сызу\\\\\\\\\\\\\\\" мамандыгы бойынша магистратураны тамамдадым.Содан бери \\\"Адеми-ай\\\" атты улттык сувенир шыгаратын компанияда дизайнер кызметин аткарып журмин, педагогикалык стажым жок! phd докторантурага умиткер бола алам ба? Егер болса оз мамандыгыма сай келетин кандай мамандыкка тапсыра алам, тапсырган жагдайда кандай дайындыктар керек (пандер бойынша, кужаттар)? Рахмет

Жауап: Құрметті Дария!

Сіздің бітірген мамандығыңыз бойынша С.Сейфуллин атындағы Қазақ агротехникалық университет философия докторларын даярламайды. Университет үстіміздегі жылы докторантураның «6D042000-Сәулет» мамандығы бойынша лицензия алды, алайда біздің университетке мемелекеттік грант бөлінген жоқ. Қосымша ақпаратты Kazatu.kz (Білім беру, Жоғары оқу орнынан кейінгі білім беру. Докторантура бөлімі.) сайтынан алуға болады.

Сұрақ: Сәлеметсіз бе,
Сізге қоятын бір сұрағым бар еді:
Менің барлық сабағым 4 пен 5, бірақ , бір сабақтан жазғы семестрге қалдырды. Егер жазғы семестрді 4-ке жапсам,қаңтар-маусым аайларында алмаған степендия беріледі ма ?
Рахмет

Жауап: Құрметті Акан!
Сізге қаңтар-маусым айларындағы стипендия төленбейді, өйткені ағымдағы емтихан сессиясы нәтижесі бойынша қарызыңыз бар. Мемлекеттік стипендия емтихан сессиясының нәтижелері бойынша «жақсы», «өте жақсы» деген бағаға сәйкес бағалардың баламасын алған мемлекеттік білім беру гранты бойынша оқитын студенттерге тағайындалады және емтихан сессиясынан кейін келетін айдың бірінші күнінен бастап семестр аяқталатын айдың соңына дейін қоса алғанда ай сайын төленеді. Демек, жазғы емтихан сессиясын ойдағыдай тапсырған жағдайда, Сізге стипендия шілде айынан бастап төленеді

Сұрақ: Сәлеметсізбе,құрметті Ақылбек Қажығұлұлы!Мен Энергетикалық факультетінің "Радиотехника,электроника және телекоммуникация"мамандығының 3-ші курс студентімін.Өзім көп балалы отбасынан шықтым.Уйде 2 студентпіз және екеумізде ақылы оқудамыз.Оқу үлгерімім жақсы.Сіздерден сұрарым биыл осы мамандыққа грант бөлесіздер ме? Және көмек болады ма?

Жауап: Құрметті Шынар!
2013-2014 оқу жылының қысқы сессияның қорытындысымен конкурс бойынша босаған орынға өзіңізді бекітілген тәртіп бойынша мемлекеттік грантына үміткер ретінде құжаттарыңызды ұсынуға болады.
Сізге энергетикалық факультетінің деканатына құжаттар тапсыру қажет.

Сұрақ: Сәлеметсизбе Ректор мырза. Менин сизге сурагым химия пани бойынша кандай мамандык тандауга болады?

Жауап: Құрметті Асел!

Таңдау пәні химия болып табылатын мамандықтар: 5В072700 – «Азық-түлік өнімдерінің технологиясы», 5В072800 – «Қайта өңдеу технологиясы».
Анықтамалар үшін: телефон: 8-7172-317-556, е-mail: 711_12@inbox.ru

Сұрақ: Ассалаумагалейкум Ректор мырза. Мен 4 курс студентімін. сізге кояр сұрағым бізге соңғы экзамен 27 желтоқсан ал мен билет алып койып едім 26 сына. Ауыстырайын десем билет жок. не істесем болады?

Жауап: Құрметті Айдос!
Сіз емтиханды белгіленген күнде тапсыруыңыз керек, билет сатып алғаныңыз себеп болып табылмайды. Дегенмен, мәселеңіз бойынша оқитын деканатыңызға хабарласуыңызды сұраймын.

Сұрақ: Сәлеметсізбе мен колледждi бітірген сон, әлеуметтік жумыс мамандагы бойынша мен сиздерге түсу ушин неше пәннен тест тапсырамын

Жауап: Құрметті Мөлдір!

5В090400 – «Әлеуметтік-мәдени сервис» мамандығына колледжден кейін оқуға түсу үшін міндетті түрде кешенді тестілеу тапсырып, мүмкін болатын 100 баллдан кем деген 50 балл жинауыңыз тиіс. Тестілеуді келесі пәндер бойынша тапсырасыз: математика, Қазақстан тарихы, қазақ немесе орыс тілі және таңдау бойынша пән (география – аталған мамандық үшін).
Ескерту: аталған мамандықта қысқартылған бағдарламамен оқу мүмкіндігіне колледжде бітірген мамандығы сәйкес келетін талапкерлер ғана құқылы.
Анықтамалар үшін: телефон: 8-7172-317-556, е-mail: 711_12@inbox.ru

Сұрақ: Құрметті Ақылбек Қажығұлұлы сізге қояр сұрағым келесі семестрден бастап 5 күндік оқу жүйесі бола ма әлде 6 күн болып қала бере ма екен? Рахмет.

Жауап: Құрметті Қажығали!
2013-2014 оқу жылының 2 семестріне сабақ кестесі 5 күнге жасалу жоспарлануда.

Сұрақ: Сәлметсіз бе! Құрметті Ақылбек Қажығұлұлы! Сізге қойайын деген сұрағым, президенттік стипендияны алу үшін міндетті түрде белсенді студент (активист) болу керек па? Және де дене тәрбиесі пәнінен 1 семестрда 78 балл алдым ол президенттік стипендияға әсер ете ма?

Жауап: Құрметті Бағдат!
Президенттік стипендияға толық екі курсты үздік бағамен аяқтаған студенттер ғана үміткерлер болып табылады. Дене шынықтыру пәні жалпы білім беру пәндеріне жататындықтан, пәннің бағасы да есептелінеді. Сонымен қатар, Президенттік стипендия республикалық және халықаралық олимпиада, шығармашылық конкурстардың, спорт жарыстардың жеңімпаздарына, университеттің мәдени өмірінде белсенді қатысушыларына тағайындалады.

Сұрақ: Құрметті, Акылбек Қажығұлұлы! мен 1 курс студентімін,ақылы түрде оқимын, алыстан келіп отырмын, көп балалы отбасынан боламын. Маған жатақхана ауадай қажет. 4 айдан бері орын жоқ деген себеппен кезекте тұрмын. өтініш сіздін комегініз керек.

Жауап: Құрметті Жансая!
Жатақханаға кезекте тұрған студенттер саны көп. Қазіргі уақытта грантта оқитын студенттерді де жатақханамен толық қамтамасыз ете алмай отырмыз.Сондықтан кезекті күтуге тура келеді.

| 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 |