Сұрақтар және жауаптар - 2014 жыл

Сұрақ: Құрметті Ақылбек Қажығұлұлы!

Сізге алғымызды білдіреміз! Жыл қорытындысына орай барлығымыз да жалақымызды, сыйақымызды алдық. Көп рахмет! Алдағы келе жатқан Жаңа жылыңызбен құттықтаймын.

Жауап: Құрметті Индира Әсетқызы!
Рахмет! Өзіңізді де келе жатқан Жаңа жыл мерекесімен құттықтаймын!

Сұрақ: Сәлеметсіз бе құрметті Ақылбек Қажығұлұлы!!!
Біз техникалық факультетінің "СМС" мамандығының 116 тобының студенттеріміз. Астанаға арман қуып, ҚазАТУ ға түсуге армандап келіп түскенбіз! Өкінішке орай әр аймақтан келгеннен кейін қазақ топтарының толық болуына байланысты орыс топтарына тапсырғанбыз. Сабақтарымыздың барлығы жақсы, барлығын тырысып бағып тапсырып жатырмыз. Мұғалімдер де орыс тілінде түсіндіріп жеткізе алмасақта түсінушілікпен қарап жағдаймызға түседі.
Біз мынадай мәселеге тап болдық,"ОБЖ" пәнінен"Александр Приходько деген мұғалім қазақ тілді студенттердің барлығын дерлік емтиханнан құлатып тастап, жағдаймызға түспей отыр. Семинар сабақтарынан Абылай Құрмашұлы береді, барлық сабақтарды дерлік 75 пен 90 бал арасында алып жатырықі. Біз орыс тобында оқып жатқанымызға өкінбейміз, өзімізде орысшамызды дамытуға тырысып жатырмыз. Барлық сабақтарымызды "жақсы" деген бағамен жауып жүрміз.
Кураторымыз Александр Александрович Гуляренко ешқандай көмек бере алмайтынын айтты, деканатқа барғанымызда да ештеңе шешілмеді. Сізден араша түсуіңізді сұраймыз. Біздің бар кінәміз орыс тілінде еркін сөйлей алмағанымызда ма?! Көмек сұраймыз, бізге қайтадан тапсыруға рұқсат берсе, біз дәлелдейміз!
Стандарттау,Сертификаттау,Метрология-116
Елтизарова Айсауле
Бургенбай Толғанай
Оңайбаев Ыбырай
Мырзағұлов Мирас
Кәрімбергенов Дәмир
Абдіқадыр Рақымжан
Әбіш Райымбек

Жауап: Құрметті студенттер!
Сіздердің хаттарыңыз негізінде «Тіршілік қауіпсіздігі негіздері» пәні бойынша доцент А.Приходьконың емтихан өткізуіне келесі құрамдағы комиссия тексеріс жүргізді: Ж.А.Құсайынова-Басқарма төрағасының тәрбие жұмысы жөніндегі орынбасары, Ғ.А.Алпыспаева – Академиялық мәселелер жөніндегі департамент директорының орынбасары-тіркеуші кеңсесі жетекшісі, Н.Қ.Асқаров – техникалық факультет деканы м.а., А.А.Гуляренко – СМС мамандығы 116-топ кураторы.

Емтихан ағымдық, аралық бақылау өткізу Ережесіне сәйкес жүргізілді (ҚР БҒМ 2011 жылғы 16 сәуірдегі №94 бұйрығы). «Платонус» ААЖ дұрыс режимде жұмыс істеді, бағдарламада ешқандай техникалық бұзылушылықтар болған жоқ. «Тіршілік қауіпсіздігі негіздері» пәні бойынша емтихан тестілері өткен тақырыптарға сай құрастырылған (валидные) және қате сұрақтары жоқ. Сондықтан емтихан нәтижесі үшін аппеляцияға беруге негіз жоқ.
Сіздер орыс тілінде оқыту тобы болғандықтан, емтихан орыс тілінде жүргізілді. Университетке түскен кезде Сіздер өз қалауларыңыз бойынша орыс тілінде оқуға тілек білдіріп, келісім шартқа қол қойғансыздар.

Сұрақ: 6M0120 – "Кәсіптік оқыту" (сала бойынша) мамандығы туралы қосымша мәліметтер алу үшін қандай байланыс желілеріне (телефон номер) хабарлассам болады?

Жауап: Құрметті Бахтияр!
6М012000- Кәсіптік оқыту (сала бойынша) мамандығы бойынша қосымша мәліметтер алу үшін «Кәсіптік білім беру» кафедрасының меңгерушісі Есекешова Марал Дүйсенейқызына хабарласуыңызға болады. Кафедраның байланыс телефоны 8 (7172) 30-36-98. Сонымен қатар, оқуға түсушілерге арналған ақпарат университет сайтындағы «ТАЛАПКЕР» бөлімінде берілген.

Сұрақ: Сәлеметсіз бе Ректор Мырза!
Мен Қ.А.Ясауи атындағы Халықаралық қазақ- түрік Университетін алдағы 2015 жылы (маусым айында) 5В012000- "Кәсіптік оқыту" мамандығы бойынша (грант) бітіргелі жатырмын. Мен әрі қарай сіз басқарып отырған Унивеситеттегі 6M0120 - "Кәсіптік білім" (сала бойынша) мамандығын (магистратура) жалғастырсам деген ниетім бар. Бұл мамандықтың (магистратура) "грант" бөліміне түсуіме мүмкіншілік барма? Жылына қанша "грант" беріледі ? Сол туралы қысқаша мәлімет берсеңіздер. Алдын- ала рахмет!

Жауап: Құрметті Бахтияр!
Сіз 5В012000- Кәсіптік оқыту (сала бойынша) мамандығының дипломын алғаннан кейін біздің университеттің 6М012000- Кәсіптік оқыту (сала бойынша) мамандығына тапсыра аласыз. Грант ұту мүмкіндігіңіз оқуға түсу емтихандарынан алатын бағаларыңызға байланысты болады. Келесі 2015-2016 оқу жылына бөлінетін мемлекеттік білім тапсырыстары (грант) маусым-шілде айларында белгілі болады.

Сұрақ: Сәлеметсізбе ,Ақылбек Қажығұлұлы ! Сізге қояр сұрағым , мен Алматы қаласында 1 курста оқитын едім ,радиотехника ,электроника және телекоммуникация мамандығы бойынша 1 семестрдан кейін ҚазАТУ-ға ауыссам болады ма ? Оқу ақысы канша ? қысқы сессия қашан аяқталады ? Қай уақытқа дейін құжаттарымды тапсыруым керек ?

Жауап: Құрметті Асылбек Есенұлы!
Басқа ЖОО-нан ауысу академиялық демалыс уақытында жүргізіледі. ҚазАТУ-да 3.01.2015 ж. қысқы сессия аяқталады. РЭТ мамандығында оқу ақысы жылына 390 000 теңге.
Толық ақпаратты 8 (7172) 31 75 26 телефон нөмірі бойынша энергетикалық факультеттің деканатынан біле аласыз.

Сұрақ: Сәлеметсіздерме, университет ұжымы! мен осы университетте білім алатын сінілімнің әпкесі ретінде бірнеше сұрақтар мазалап жүр. Сол сұрақтарға жауап алсам деймін. Сіңілім жатаханада тұрады, жатаханадығы кейбір шарттары мен ішкі ережелер тек қана менің сіңілімнің емес басқа да студенттердің оқу үрдісі кедергі келтіреді деп ойлаймын. келесі жатаханадағы міндетті түрде істеу керек жұмысты орынсыз деп ойлаймын: кезекшіліктегі еден жуу (ас үйдегі, жуынатын бөлімдегі, этаждын полы т.б). Бұл жұмысты жатаханадағы техникалық бөлім қызметкерлері атқаруы керек деп ойлайм. студент кезекшілік атқару керек оны түсінем бірақ еден жуу ол артықшылық деп ойлаймын. Осы сұрақты көтерулерінізді сұраймын, студенттің оқу үрдісіне кедергі жасайтын маңызы жоқ ішкі ережелер мен шарттарды қайта қарастыруларынызды сұраймын. Өзім де 4 жыл бойына жатаханада тұрдым бірақ "еден жуу" деген қызмет студенттерге мүлдем қатысты емес еді. Жатахана мұндай қызметті атқаратын персоналмен қатамасыз етілу керек. Сұрағыма жауап және әрі қарай бұл мәселенің бір жағына шыққанын қалаймын.

Жауап: Құрметті Кәмшат!
Сіздің жазған хатыңызды оқыдым. Университеттің барлық жатақханасында таңғы сағ.9.00-ден кешкі 18.00-ге дейін техникалық қызметшілер жатақхана тазалығына жауап береді. Олар күн сайын ғимараттың әр қабатын, жуынатын орындардытазартып, студенттерге жағдай жасайды. Ал,кешкісін студенттер өз бастамаларымен жатақхана тазалығын өз қолдарына алып, ережеге сәйкес кезекшілік атқарады. Бұл талап «С.Сейфуллин атындағы Қазақ агротехникалық университеті студенттік жатақханаларына орналасу және ішкі тәртібі туралы Ережеде»(№ 8.4, № 8.5 тармақтар) жазылған. Бүгінгі күні жатақхананың кез келген студенті ай сайынкезекшілік атқаратынын жақсы біледі. Бұл әр студенттің«Жатақхана - өз үйім» деген қағиданы түсінгендігі деп ойлаймын.

Сұрақ: Сәлеметсізбе. Сіздерге бірінші семестрдан кейін ауысуға болама? Мен Тұран-Астана университетінің бірінші курс студентімін. Сіздерде экология факультетінде оқығым келеді мүмкін болса.

Жауап: Құрметті Жазира!
Сіз оқып жатқан университеттен біздің университетке ауысуға толық мүмкіндігіңіз бар, қажетті құжаттар тізбесін kazatu.kz сайтындағы «Оқу бөлімі» бетінен ала аласыз.
Толық ақпаратты агрономия факультетінің деканатынан 39-38-47 телефоны арқылы алуға болады.

Сұрақ: Сәлеметсіз бе? Мен Перне Жансейіт Агрономия факультетінің студенті едім. Белгілі себептерге байланысты оқу орнынан студенттер қатарынан шығарылдым. Басқа оқу орнына ауысуға байланысты маған академиялық анықтаманы және транскриптті факс арқылы алуға болады ма? Мен қазір Шымкент қаласынан байланысып отырмын.

Жауап: Сәлеметсіз бе? Перне Жансейіт Сіз сұрап отырған академиялық анықтама жеке іс-қағазыңызбен бірге беріледі. Ал жеке іс-қағазыңызды алу үшін өзіңіз оқып жатқан ЖОО-ны біздің университетке сізді оқуға қабылдағанын көрсете отырып, жеке іс-қағазыңызға деген сұраныс хатын жіберуі қажет. Сондықтан академиялық анықтама факс арқылы жіберілмейді, ал транскриптті факс арқылы алуға болады.

Сұрақ: Салеметсізбе Құрметті Ақылбек Қажығұлұлы
Мен ҚазАТУдың ВжМШТ факультетінің
1-курс студенті едім оку жылының басында маған №6 жатаханадан орын берілген болатын рахмет әрине мен өзім Жетісай ауылынан боламын осы жақында жатаханада байқаусызда ас дайындау барысында ыдысым куйіп кеткен болатын ,соған байланысты мені жатаханадан шығарып жатыр.
Сізден сұрарым маған тағы 1 мүмкіндік беріңіздерші
менің Астана қаласында туыстарым жоқ еді және өзім көп балалы отбасынанмын анам жұмыссыз,ӨТІНЕМІН мені кешіріңіздерші маған соңғы мүмкіндік беріңізші менің шығуыма 2 күн қалды сонда мен ДАЛАДА қаламынба?осы өтінішімді қарауыңызды СҰРАЙМЫН

Жауап: Құрметті Ерлан!
Студенттік жатақханада өрт қауіпсіздігін сақтау қатаң талап етіледі. Себебі студенттердің қауіпсіздігі үшін қажет. Жатақханада тұру ережесін өрескел бұзғандықтан, өзін өзі басқару құқығына ие Студенттік кеңес Сізді жатақханадан шығаруға шешім қабылданған. Ереже барлық студентке ортақ, сондықтан қайта қарауға мүмкіндік жоқ.

Сұрақ: Салеметсізбе. Мен 2курс студентімін. Қазакстаннын озге каласына мобилность пен 1семестр окып келу ушин не істеуім керек,кайда,кімге жолыкканым дурыс?

Жауап: Құрметті Өтебаева Нұрлы!
Сіз басқа оқу орындарында академиялық ұтқырлық бойынша білім алу туралы толық ақпаратты университетіміздің Бас ғимаратында орналасқан №2 «а» кабинетінен біле аласыз.

| 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 |