Сұрақтар және жауаптар - 2017 жыл

Сұрақ: Саламатсыздар ма. Мен КазАту 1 курс студентімін, мен отбасы жағдайыма байланысты сырттай оқуға ауысуым керек болып тұр, ауыса аламын ба? Мен ақылы бөлімде Қайта өңдеу өндірістерінің технологиясы мамандығында оқып жатырмын.

Жауап: Құрметті Хадылбек!
Сіз сырттай оқу бөліміне ауыса алмайсыз, өйткені сырттай оқу бөліміне жоғары оқуды және колледжі бітірген студенттер ғана түсе алады.

Сұрақ: Сәлеметсізбе, Ақылбек Қажығұлұлы! Сізді мазалап отырған ата-ана. Балам сіздің жоғарғы оқу орныңызда Экология мамандығының 1-курсын аман-есен тамамдап, биыл 2-курсын оқып жатыр. Ақылы түрде білім алып жатыр. Осы баламды осы оқу орнында тек қана Архитектура мамандығына ауыстырғым келеді. Осы ойым мүмкінбе? Кеш емеспе? Қалай әрекеттенген дұрыс? Қай кезде және өандай бөлімге барып жолыққан дұрыс? Сізден жауап күтемін. Уақыт бөлгеніңізге алдын-ала алғыс білдіремін!

Жауап: Құрметті Гулнур Нурмуханқызы!
21.09.2017 ж. Жазған хатыңызға жауап береміз. Басқа мамандыққа ауыстыру тек қысқы және жазғы демалыс (каникуль) уақытында ғана жүпгізіледі.
Сіздің балаңыз кез келген мамандыққа ауысуына құқылы, егер ауысамын деген мамандығында орын (ваканция) болса ғана ауыса аласыздар. Қазіргі уақытта «Сәулет» мамандығында орын жоқ. Осы оқу жылының қысқы демалыс уақытында, Сәулет өнері факультетіне келіп хабарласыңыздар, бос орын болып жатса кәсіпке байланысты шығармашылық емтихан тапсырады, (сурет сала білуі міндетті) GPA үлгерімі 2,0 балдан төмен болмауы керек, айырмашылық пәндер болатынын ескертеміз. Оқу ақысы 419 250 тенге. Оқу мерзімі 5 жыл.

Сұрақ: Сәлеметсізбе ! Мен биыл дизайн факультетінде ақылы түрде оқимын. Мен жатақханаға өтінішті қағазға жазып бердім, ал енді мен электронды түрде жатақханаға орын алуға үлгермедім. Сұрайтыным сізден мен жатақханаға орын ала аламын ба ? бұндай жағдайда, алдын ала рахмет!

Жауап: Құрметті Жұлдыз Мұхтарқызы!
С.Сейфуллин атындағы Қазақ агротехникалық университетінің студенттік жатақханасына орналастыру 1- курстар үшін
Жатақханаға орналастыру тәртібі :
Жатақханаға бірінші кезекте төмендегі санаттағы білім алушылар орналастырылады:
1.Жетім балалар
2.Мүгедектігі бар білім алушылар
3.Мемлекеттік грант иегерлері
4.Көп балалы (білім алушыдан кейін 18 жасқа толмаған 3 немесе одан да көп бала болса) және әлеуметтік жақтан аз қамтылған отбасынан шыққан білім алушылар.
5.Осыдан кейін ақылы түрде оқуға түскен студенттердін өтініші қарастырылады.

Сұрақ: Салеметсізбе есімім Карлығаш Аманжоловна қызым осы университетке БИОТЕХНОЛОГИЯ факултетін тандап еді. Төлем ақысын 100% толеп түсуге құжаттарын тапсыруға барған едік бірақ қазақ группасында орын толық деп айттылды. Сіздің айтуныз бойынша қазақ группасына 50 бала қабылданады, сол 50 баланын ішіне менин кызымды алуынызды сураймын төлем ақысын қазір ақ бірден 100% төлеймін. Онын алдында университетін анықтама бөлімінен телефоннан звандап сұрағанда "Осы аптанын басыда келіп құжаттарынды тапсыруға болады деп айты". Бүгін құжаттарын тапсыруға келгенде орын толық деп айтты. не істерімізді білмей сізге жазып отырмын. Қызым осы мамандықты тандап отыр.

Жауап: Құрметті Мадалы Аружан Русланқызы !
Биотехнология мамандығы бойынша қосымша 1 қазақ тобы ашылуына байланысты бүгін келіп құжаттарыңызды қабылдау комиссиясына тапсыруларыңызға болады.

Сұрақ: Сəлеметсізбе!2017-2018жылғы оқу жылына Общежитие ға қамтамасыз етілетін балалардың тізімі шықтыма??порталда көрсетілген тізімдегідер биыдғыларма?

Жауап: Құрметті Айнұр Ерғалиевна!
2017-2018 жылғы порталда көрсетілген тізім жатақханаға тұруға рұқсат алған студенттерінің тізімі. Ал жоғарғы курс студенттері жатақхана алу үшін портал арқылы тұрғын орын кезегіне тұру керек.

Сұрақ: Сəлеметсізбе?! Мен Талдықорған қаласынан боламын. Биотехнология факультетіне грантқа түскен болатынмын. Жатақханаға заявканы қалай берсем болады? Рахмет

Жауап: Құрметті Айнұр Талғатқызы
С.Сейфуллин атындағы Қазақ агротехникалық университетінің студенттік жатақханасына орналастыру 1- курстар үшін 2017 жылдың 24-25 тамыз аралығында қарастырылады. Жатақхана алу үшін құжат тапсырған жерге немесе, ВжМШТ факультетінің деканатына келіп өтініш жазуыңызға болады.
Жатақханаға орналастыру тәртібі :
Жатақханаға бірінші кезекте төмендегі санаттағы білім алушылар орналастырылады:
1.Жетім балалар
2.Мүгедектігі бар білім алушылар
3.Мемлекеттік грант иегерлері
4.Көп балалы (білім алушыдан кейін 18 жасқа толмаған 3 немесе одан да көп бала болса) және әлеуметтік жақтан аз қамтылған отбасынан шыққан білім алушылар.

Сұрақ: Құрметті, Ақылбек Қажығұлұлы Күрішбаев мырза Сізге ата-аналар атынан өтініш. Қыздарымыз ҚазАТУ "Ветеринариялық санитария" 5 курс студенттері 3 шілдеден іс-тәжірибелері басталды. Іс-тәжірибелерін өту үшін Қазақстанның солтүстік обылыстарына жолдамамен жіберілді. Бұл әрине оқу бағдаламсы бойынша жасалынып жатқан іс-тәжірибелер. Біз ата-аналар бұны құптаймыз. Бірақта студенттерге ешқандай жағдай жасалынбаған. Қазір 3 күн болды қыздарымыз күндігіне 5000 тенгеге пәтер жалдап отыр, пәтер таппай әлек болуда пәтер құны 60000-70000 тенге аралығында. Оған көп студенттердің қалтасы көтермейді. Іс-тәжірибелері 3 ай көлемінде болады екен, есебі айтпасада түсінікті. Қыз балалалр болғаннан кейін біз ата-аналар уайымдап отырмыз, қандай жалдамалы пәтерге тап болады деп. Ақылбек Қажығұлұлы Күрішбаев мырза Сізден сұранатынымыз осы мәселені тиянақты қарап, қыздарымызды осы 3 айлық іс-тәжірибелерін өздері тұратын обылыстарға жіберсеңіз.

Жауап: Құрметті Назаров Батырхан Досболұлы!
Біздің университет аясындағы қызығушылық танытып, ветеринариялық мамандарды даярлауға атсалысқаныңыз үшін рахмет.
5В120200-Ветеринарлық санитария мамандығының 5-курс студенттерінің өңдірістік машықтануы 2017 жылдың 3 шілде мен 13 қазан аралығында, келісім-шарт жасалған мекемелерде өтеді. Сонымен қатар, бұл сұрақ ҚР АШМ ветеринарлық бақылау және қадағалау комитетінің бақылауында тұр. .
Қазіргі уақытта машықтануды 4 облыста 67 студент өтіп жатыр. (Ақмола, Солтүстік-Қазақстан, Қарағанды және Павлодар) және Астана қаласы.
Аталған облыстарда машықтанудың өту қажеттілігі, бұл процессті көптеген жылдар бойы кәсіпорындарда өңдірістік өтілі көп тәжірибелі қызметкерлер басшылық жасайтынымен түсіндіріледі.
Сонымен қатар, ЖОО-ның оқытушылары туындаған сұрақтар бойынша, жоғарыда аталған кәсіпорындарға барып, студенттерді қадағалап отырады және кеңес береді.
Өндірістік тәжірибе, бұл сондай-ақ, оқу процесінің жалғасы болып табылады, оны жүзеге асыру үшін, белгілі бір уақыт бөлінеді және тәжірибелі тәлімгерлердің бақылауында жүргізіледі. Өңдірістік машықтану барысында студенттерге (жоғарғы курстарда) арнайы баспана берілмейді.
Өңдірістік машықтанудан өткен студенттер, теориялық білімді толықтай меңгеріп болашақта, жоғары білікті мамандар болып қалыптасатынына сенемін және оларға үміт артамын.

Сұрақ: Сәлеметсізбе ҚазАТУ ректоры Ақылбек Қажығұлұлы Күршібаев! Мен Ақтау қаласынан боламын, Шаxмардан Есенов атындағы Каспий мемлекеттік теxнологиялар университетінің кадастр мамандығы бойынша 1 курсын аяқтаған болатынмын.Сізден сұрайтыным КазАТУ ға кадастр мамандығына ауысуға боладма, және қай аралықта документ қабылдайды,және разница қанша шығатынын білгім келеді.

Жауап: Сәлеметсізбе, Азиза!
2015 жылдың 20-қаңтарындағы №19 білімді ұйымдастыру бойынша білім алушыларды ауыстыру және қайта қабылдау ережесіне сәйкес университеттің Жерге орналастыру факультетінің «Кадастр» мамандығының 2-курсына ауысу үшін демалыс мерзімдерінде (жазғы және қысқы каникул уақыттарында келесі академиялық кезеңнің басталуына бес күн қалғанға дейін) жүзеге асырылады және қажетті процедуралар мен құжаттар төмендегідей:
- өзіңіз оқып жатқан университеттің басшысының атына ауысу жөнінде өтініш жазып, университет тарапынан сіздің ауысуыңызға қарсылығы жоқ деген жазбаша келісімін алу керек;
- С.Сейфуллин атындағы ҚАТУ Басқарма төрағасына ауысу жөніндегі өтініш жазып, оған транскриптің түптұсқасын, (университет басшысы мен тікеуу бөлімінің қолдары қойылып мөр басылу қажет) білім грантының иегері жөніндегі куәлік (егер грантта оқысаңыз), оқуға түсу жөніндегі сертификат, мамандығыңыз бойынша білім беру жөніндегі университеттің лицензиясы қажет.
Ақылы бөлімге ауысатын болсаңыз университетпен қосымша келесім-шарт жасалады.
Ал айырмашылықты (разницаны) білу үшін бізге сіздің оқу үлгерімі бойынша транскриптіңіз қажет.
Сонымен қатар С.Сейфуллин атындағы ҚАТУ-не басқа жоғарғы оқу орындарынан ауысу үшін сіздің GPI 2,0-2,2 аралығында болу керек екндігін ескертеміз.

Сұрақ: Саламатсыз ба? Мен 11 сыныпқа көшкен оқушы едім. Құдай қаласа 2018 түлегімін. Сол енді осы кезден дайындалайын десем. Кім боларымды нақты білми жүрмін. Өзіме документальный жақ ұнап жүр (саяси жақпа.). Сол енді қыз балаға соған байланысты қандай мамандық бар? Көмектесе аласызба
Өзім Алматы қаласына түскім келеді.

Жауап: Құрметті Гүлдана!
Біздің университетте саяси бағыттағы мамандықтар жоқ. Біз, Астанадағы жоғары оқу орнымыз. Алматыға оқуға түскіңіз келсе, алматылық оқу орындарынан мәлімет алуыңызға болады. Егер де Сіз құжаттармен жұмыс жасауды ұнататын болсаңыз, кез келген мамандықты бітірген кезде сол мамандықтың өз саласына қатысты құжаттама айналымы жүргізіледі, ал егер де Сіз болашағыңызды саясатпен байланыстырғыңыз келсе, кез келген мамандықты игеріп, мықты саясаткер болуға болады.
Университетіміздің 60 жылдық тарихы бар, осы уақыт ішінде бітірген түлектеріміздің арасында мықты саясаткерлер де, ұйым басшылары да, Парламент депутаттары да, өндірістің үздіктері де бар.
Анықтамалар үшін: 317-556

Сұрақ: Cаламатсыз ба Күрішбаев Ақылбек Қожағұлұлы. Мен 4курс экономика факультетінің студенттімін. Менің сізден сұрайын дегенім. Мен қызыл диплом алатын едім, мемлекеттік емтихандарымның барлығы бес және орташа сабақ үлгерім балымда жоғары, тек бір сабағымнан 74 болып тұр. Енді қызыл диплом алайын десем сол 74 балды бір сабағым кедергі келтіріп тұр. Соны өзгертіп қызыл диплом алуға болама.

Жауап: Қазақстан Республикасы Білім және ғылым министрінің 2008 жылғы 18 наурыздағы №125 бұйрығымен бекітілген (ҚР БҒМ 2013.11.04 №445 бұйрығымен енгізілген өзгерістерімен)
"Жоғары оқу орындарындағы білім алушылардың үлгеріміне ағымдық бақылау, аралық және қорытынды аттестаттау өткізудің типтік ережесінің келесі баптарына сәйкес
149 б. Емтихандар мен сараланған сынақтарды А, А - «өте жақсы», В-, В, В+ - «жақсы» деген бағаға тапсырған және оқытудың барлық кезеңінде үлгерімінің орта балы 3,5-ке тең мемлекеттік емтихан мен диплом жұмысын (жобасын) «өте жақсы» деген бағаға тапсырған білім алушыға үздік диплом (әскери даярлығы бойынша бағасын ескермегенде) беріледі.
150 б. Оқу кезеңінде емтихандарды қайта немесе қайталап тапсыру жағдайы болған студент осы Ереженің 149-тармағында көрсетілген талаптарды орындағанына қарамастан үздік диплом алу құқығынан айырылады.
Сіздің үздік диплом алуға мүмкіндігіңіз жоқ.

| 1 | 2 |