Ғылыми кітапхана

Кітапхана университеттің мәдени-ақпараттық орталығы болып табылады және оқу үрдісі мен университеттің ғылыми-зерттеу қызметінде маңызды орын алады. Кітапхана оқырмандары тек университеттің профессорлық-оқытушылар құрамы мен студенттер ғана емес, оқырмандар қатарында қала жастар мен зиялы қауым өкілдері де бар.

Кітапхана 1958 жылы негізі қаланған. Кітап қоры 900 мың дана кітаптан тұрады. Оның ішінде оқу, ғылыми, көркем әдебиеттер, мерзімді басылымдар, электронды тасымалдағыштағы құжаттар, университеттің профессорлық-оқытушылар құрамының еңбектері бар.

Кітапхана құрамында: 6 оқу залы, 3 абонемент, 2 бөлімше бар. Оқырмандар қажетті әдебиеттерді пайдалануға, реферат, курстық, дипломдық және ғылыми жұмыстар жазуда кеңес алуға мүмкіндікке ие. Электронды каталогпен бірге кітапхана қорында алфавитті, жүйелік каталогтар, мақалалардың жүйелік картотекасы бар.

Кітапхана қорына ай сайын 500 аталымды құжат түседі, жаңа түсімдер бюллетені жасалады, кітап көрмелері ұйымдастырылады.

«С.Сейфуллин атындағы ҚазАТУ ғылым жаршысы» және «Science Review» басылымдары университеттің оқу залына, ғылыми әдебиеттер абонементіне түседі, «ҚазАгроИнновация» АҚ ғылыми-зерттеу институттарына, басқа да кітапханаларға таратылады. Аталған журналдардың электронды нұсқасы университет сайтының «Электронды басылымдар» бетіне орналастырылады.

Кітапханаға жыл сайын 240 мерзімді басылымдар түседі. Олар: ғылыми, ғылыми-көпшілік, көркем, реферативті журналдар, сондай-ақ отандық және ресейлік газеттер.

Бірінші курс студенттері үшін «Кітапхана негіздері» бойынша сабақ жүргізіледі, кітапханаға экскурсия жасалады, «Электронды каталог» бойынша практикалық сабақ өткізіледі. Ол:
- кітаптардың библиографиялық сипаттамасы;
- сериялық және мерзімдік басылымдардың библиографиялық сипаттамасы;
- мерзімді басылымдар (тіркеу карточкалары түрінде);
- электронды нұсқадағы құжаттардың библиографиялық сипаттамасы.

Электронды каталогтармен оқырмандардың жұмысын жеңілдету мақсатында ҚазАТУ ғылыми кітапханасы қызметкерлері «Электронды каталог бойынша әдебиеттерді іздеу» нұсқаулық сипаттағы материалдар әзірледі.

Кезекші кітапханашы оқырмандарға қолдау көрсетіп, кеңес береді, әр оқырманды жеке үйретеді, өзі ең қиын сұраныстарды орындайды.