Шетелдердің жоғары оқу орындарында білім алу

1. Шетелдердің оқу орындарында ғылыми тағлымдамадан өту
Жоғары оқу орнынан кейінгі білім беру мамандықтары бойынша университет Алмания, Ресей, Қытай және Монғолия сияқты елдердің жоғары оқу орындарымен (ЖОО) бірлесіп жұмыс істеуге келісімшартқа отырған.

Келісімшарт аясында магистранттар алыс, жақын шетелдердің басты оқу орындарында жыл сайын қысқа мерзімдік ғылыми тағылымдамадан өтеді.

Магистранттардың шетелдік ЖОО-да тағылымдамадан өтуі туралы мәлімет келесі кестеде көрсетіледі.

2. Біріккен білім бағдарламалары және қос дипломды білім бойынша оқыту
С. Сейфуллин атындағы Қазақ агротехникалық университеті 2010 жылдан бері қос дипломды білім беру бойынша магистратура мен PhD докторантураға қабылдауды жүзеге асырып келеді.

Сібір мемлекеттік телекоммуникация және ақпарат университетінің базасында магистратураның 6M070300 - «Ақпараттық жүйелер» мамандығы бойынша бірлескен оқу бағдарламасы аясында оқу бітірушілер Қазақстан және Ресейдің мемлекеттік үлгідегі дипломдарын алады.



Моңғол мемлекеттік ауылшаруашылық университеті (Улан-Батыр қ-сы) базасында магистратура және PhD докторантура мамандықтары бойынша қос дипломды білім беру бағдарламасы жүзеге асырылады.

Магистратура мамандықтары бойынша:
6M050600 – Экономика;
6M080200 – Мал шаруашылығы өнімдерін өңдіру технологиясы;
6M120100 – Ветеринарлық медицина;
6M120200 – Ветеринарлық санитария.

PhD Докторантура мамандықтары бойынша:
6D050600 – Экономика;
6D080200 – Мал шаруашылығы өнімдерін өндіру технологиясы;
6D120100 – Ветеринарлық медицина;
6D120200 – Ветеринарлық санитария.



Магистранттар бірінші жылы ҚАТУ-да оқиды, ал екінші жылы ММАШУ (Ұлан–Батыр қаласы) оқиды. Докторанттар бірінші жыл ҚАТУ-да, ал екінші, үшінші жылы ММАШУ оқиды.

Оқу бітірушілер Қазақстан және Моңғолияның мемлекеттік үлгідегі дипломдарын иеленеді.

Оқу ақысы Қазақстан Республикасына қарағанда Ресей Федерациясы мен Моңғолияда төмен.

С. Сейфуллин атындағы ҚАТУ 2003 жылдан бері Вайенштефан (Алмания) қолданбалы ғылымдар университетімен бірлесе отырып, 6M050700 - Менеджмент мамандығы бойынша («Аграрлық менеджмент» бағытында) магистерлер дайындап келеді.

Осы бағдарлама негізінде магистрлер дайындау бойынша ТМД елдері аумағында тығыз серіктестік қарым-қатынас орнатылған 15 жоғары оқу орыны жұмыс істейді.

Вайенштефан қолданбалы ғылымдар университеті DAAD бағдарламасы бойынша магистранттарға жыл сайын білім гранттарын тағайындайды.

«Аграрлық менеджмент» бағдарламасы бойынша оқу экономиканы басқаруда шетелдік тәжірибені меңгерген және ғылыми зерттеулер жүргізуге жаңа қырынан қарайтын мамандарды дайындауға мүмкіндік береді. Бағдарлама Алманияның тәуелсіз аккредиттеу комиссиясының қарауынан өткен. Осы бағдарлама бойынша оқыған магистранттар Қазақстан Республикасының мемлекеттік үлгідегі «магистр» дипломымен бірге халықаралық стандарттармен мойындалған неміс сертификаттарын иеленеді. Аграрлық менеджмент бойынша оқу жоспары Вайенштефан қолданбалы ғылымдар жоғары мектебімен бірлесе отырып құрылған. Аталған бағытта оқитын магистранттар екінші курсты Вайенштефан қолданбалы ғылымдар университетінде жалғастыра алады. Сонымен қатар емтихандарды уақытында тапсырып, магистерлік диссертацияларын екі университетте де сәтті қорғаған жағдайда магистранттар Қазақстан және Алмания елдерінің үлгісіндегі мемлекеттік қос дипломды алады.

Аграрлық менеджмент бойынша оқу сабақтарын Алмания, Ресей және Украинаның жетекші жоғары оқу орындарында дайындықтан өткен, жоғары білікті оқытушылар жүргізеді. Оқу үдерісінде дамыған елдердің нарықтық экономикасы негізге алынып, қазақ және неміс ғалымдары әзірлеген оқу-әдістемелік әдебиеттер қолданылады.

Жыл сайын Вайенштефан қолданбалы ғылымдар университетінің ғалымдары, магистрлер мен университет оқытушылары үшін аграрлық секторды басқару, инвестициялық жобаларды талдау әдістері, өндірістерді жоспарлау және талдау және т.б тақырыптарда семинарлар өткізіп отырады.

«Аграрлық менеджмент» бағдарламасы аясында оқитын магистранттар Алманияның ауылшаруашылық кәсіпорындарында, зерттеу орталықтарында, Вайенштефан қолданбалы ғылымдар университетінде және басқа да алыс-жақын шетелдердің ЖОО-да ғылыми тағылымдамадан өтеді, ал академиялық ұтқырлық бойынша олар Вайенштефан қолданбалы ғылымдар университетінде және осы бағытта жұмыс жасайтын ТМД елдерінің жоғары оқу орындарында жекелеген пәндерді оқуға мүмкіндік алады.

3. Академиялық ұтқырлық
Магистранттардың ішкі және сыртқы академиялық ұтқырлығы қазақстандық және шетел ЖОО – мен ынтымақтастық туралы келісім-шарт негізінде жүзеге асырылады.

2012-2013 оқу жылдары 12 магистрант еуропалық жетекші жоғары оқу орындарында, яғни Прага қаласындағы Чехия техникалық университеті, Брно қаласындағы Ветеринария және фармацевтика университеті, Прага қаласындағы Банк институты, Нитра қаласындағы Нитра ауылшаруашылығы университеті, Пловдив қаласындағы Пловдив аграрлық университеті, Словакия аграрлық институты, Триздорф қаласындағы Вайнштефан қолданбалы ғылымдар университетінде білім алды.

2013 жылы 8 магистрант Қазақ ұлттық аграрлық университеті ұйымдастыруымен 6М-0802 – «Мал шаруашылығы өнімдерін өндіру технологиясы», 6М0806 – «Аграрлық техника және технология», 6М0507 – «Менеджмент», 6М0907 – «Кадастр» мамандықтары бойынша ISAS – 2013 халықаралық жазғы магистрлік мектеп жұмысына қатысты.

Университет магситратурадағы оқу дәрістерін өткізу үшін алыс және жақын шетел жоғары оқу орындарының жетекші ғалымдарын шақырады. Осылайша өткен оқу жылы жоғары оқу орнынан кейінгі білім беру бөлімінің барлық мамандықтары бойынша Алмания, Эстония, Польша, Италия, Болгария, Турция, Белоруссия, Венгрия, Қытай елдерінің жетекші ғалымдарымен дәрістер және семинар сабақтары жүргізілді.