Студенттердің тәжірибелік дайындығы

Жоғары оқу орнында білім алушылардың теориялық білімдерін бекітудің негізгі жолы – тәжірибелік дайындық. Оқу үдерісінің міндетті бөлігі ретінде студенттердің кәсіптік тәжірибесі оларды өндірістік жұмысқа дайындауды мақсат етеді. Тәжірибеден өту міндеттеріне тәжірибелік дағдыны қалыптастыру, теориялық білімді бекіту, кәсіби дағды мен мамандықты меңгеру, ұжымдағы ұйымдастыру жұмыстары дағдысын игеру жатады.
Оқу барысында білім алушылар Мемлекеттік жалпыға міндетті білім беру стандартына, бакалавриат пен магистратура мамандықтарының бекітілген оқу жоспарларына және тәжірибе бағдарламасына сәйкес түрлі кәсіптік тәжірибеден өтеді: оқу-таныстыру, оқу, педагогикалық, өндірістік, диплом қорғау алдындағы т.б.
Оқу және оқу-таныстыру тәжірибесінің мақсаты – студенттердің болашақ кәсіби қызметінің негіздерімен, оның мақсаты мен міндеттерімен танысу, таңдаған кәсіптің ерекшеліктері туралы мәліметтер алу. Оқу тәжірибесі университеттің оқу шеберханаларында, зертханаларда, полигондарда, клиникалар мен басқа да қосымша оқу бөлімшелерінде және болашақ қызметіне сәйкес келетін ұйымдарда тиісті кафедралардың басқаруымен өткізіледі. Өндірістік тәжірибе кәсіптендіру пәндері оқытылған соң ұйымдастырылады. Өндірістік тәжірибенің және оқу және оқу-таныстыру тәжірибесінің бағдарламалары кафедраларда дайындалып, бекітілген. Өндірістік тәжірибенің базалары мамандықтың бейініне сәйкес келетін ұйымдар болып табылады.
Университет әкімшілігі, кафедралардың профессорлық-оқытушылар құрамы мен факультеттердің басшылығы тәжірибе базасы ретіндегі кәсіпорындармен келісім-шарттарды жаңарту бойынша ауқымды жұмыс атқаруда. Өндірістік тәжірибенің базалары - мамандықтың бейініне сәйкес келетін ұйымдар.
Соңғы 5 жылда (2010-2015) 930 мекеме мен кәсіпорынмен келісім-шарт жасалынды (1-кесте – С.Сейфуллин атындағы ҚазАТУ-дың тәжірибе базалары және оқу бөлімшелерінің тізімі).
Олардың ішінде – 37 Ғылыми-зерттеу институты, 8 Ұлттық зертхана, 24 салалық орталық. Сонымен қатар, 820 кәсіпорын мен ұйымдар, Қазақстан Республикасының Үдемелі индустриалдық-инновациялық даму бағдарламасы бойынша 1 кәсіпорынмен, 26 Шетелдік серіктес жоғары оқу орындарымен келісім-шарт жасалды.
Студенттеріміз жыл сайын тәжірибені шетелде өтеді, айталық “Шығыс Еуропа елдерімен ауыл шаруашылығы және экологиялық тепе-теңдік” ЛОГО Одағы аясында; Вайенштефан қолданбалы ғылымдар университетінде, Алманияның фермерлік шаруашылықтарында; Франция Жоғары ауыл шаруашылығы мектебінде, Анже қаласы; оқу тәжірибе бойынша Шыңжаң аграрлық университетінде (Қытай). “Ұлы жібек жолы” бағдарламасы аясында архитектуралық факультеттің студенттері Өзбекстанда, ал экономикалық факультеттің студенттері - Түркия мейрамханаларында тәжірибеден өтеді.
Жалпы кәсіптік тәжірибе бағдарламаға сай өтеді, оның нәтижесінде студенттер белгілі тәжірибелік білім алып, дағды мен біліктілікті меңгереді.
С.Сейфуллин атындағы ҚАТУ-нің кәсіптік тәжірбиелер базасы

2016-2017 оқу жылында С.Сейфуллин атындағы ҚАТУ студенттерінің тәжірбиенің барлық түрінен өту кестесі