Оқу-әдістемелік жұмыс

Университеттің оқу-әдістемелік жұмысын жетілдіру мен үйлестіру, факультеттердің әдістемелік комиссия қызметін бақылау және тиімді басқару мақсатында университет жанында басқарма төрағасының бірінші орынбасары А.М.Әбдіровтың төрағалығымен Әдістемелік кеңес жұмыс атқарады.
Оның құрамына 4 секция кіреді:
1. Оқу жоспарлары мен бағдарламалары секциясы оқытудың барлық түрлері бойынша бакалавриат мамандықтарының Модульдік білім беру бағдарламаларын, Модульдік және Оқу - жұмыс жоспарларын, Элективтік пәндердің каталогтарын қарастырып, бекітеді, факультеттерде оқу жоспарлары мен бағдарламалары бойынша комитеттердің жұмысын қадағалайды.
2. Студенттердің оқыту әдістері мен тәсілдерін, білімі мен білігін, дағдысын бақылауды жетілдіру секциясы жоғары білім беру жүйесіндегі өзекті мәселелері бойынша, көптілді оқыту сұрақтарына арналған оқытушылар үшін семинарлар мен дөңгелек үстелдер ұйымдастырып, өткізеді.
3. Білім берудің сапа менеджменті секциясы оқу үдерісі сапасын қамтамасыз ету мәселелері бойынша семинарлар өткізеді, жоғары оқу орындарының халықаралық академиялық рейтингісіне қатысу үшін материалдар дайындайды.
4. Оқу-әдістемелік әдебиеттің жарыққа шығуын жоспарлау және сын-пікір беру секциясы әдебиеттерді басып шығару сұрақтарымен айналысады.
2012-2016 жылдарға арналған университеттің «Көптілді оқытуды дамыту бағдарламасын» жүзеге асыру мақсатында ректорат, факультеттердің әдістемелік комиссия төрағалары, деканаттар, кафедра меңгерушілері мен профессор-оқытушылар құрамы көптілді оқытуға қажетті оқу-әдістемелік әдебиеттермен барынша қамтамасыз етуге тырысады. Ағылшын тілінде оқу құралдары мен оқулықтарды, ПОӘК, үш тілдегі сөздіктер шығаруға ерекше назар аударылады. 2015-2016 оқу жылына арналған оқу-әдістемелік әдебиеттерді баспадан шығару жоспарына 435 басылым енгізілді, оның ішінде 189-ы мемлекеттік тілде, ал 40 басылым ағылшын тілінде. Соңғы үш жыл ішінде кітапхана арқылы ағылшын тілінде 1640 дана оқу-әдістемелік әдебиеттер сатып алынды, сонымен қатар, ағылшын тіліндегі деректердің 3 электрондық қоры пайдалануда.