Студенттер контингенті

С.Сейфуллин атындағы Қазақ агротехникалық университетінің бакалавриат бойынша студенттер контингенті 2017 жылдың 1 қазанына – 10313 адамды құрады. Соның ішінде: 9684 адам күндізгі оқу бөлімі бойынша, 629 адам сырттай оқыту нысаны бойынша оқиды. Қазақ бөлімінде 5690 адам білім алуда. Соның ішінде – 5446 күндізгі және 244 сырттай оқыту нысандары бойынша оқиды. Мемлекеттік білім беру гранты негізінде білім алатын студенттер саны - 4681 адам (45,3% - студенттердің жалпы санынан), соның ішінде қазақ бөлімінде – 2941 (62,8% - мемлекеттік білім беру гранты негізінде оқитын студенттердің жалпы санынан) адам. Шет ел студенттерінің контингенті 130 адамды құрады.

Күндізгі және сырттай оқу нысандары бойынша студенттер контингентінің 2014 және 2017 жылдар арасындағы мәліметтер талдауы орташа есеппен 1,7 пайызға өскен. Мемлекеттік білім алу гранттары бойынша оқитын студенттер санының төмендеуі байқалуда. Келісім шарт негізінде білім алушы студенттер саны 2014-2015 оқу жылымен салыстырғанда 3,7 пайызға азайған.

Күндізгі оқу нысаны бойынша қазақ тілінде білім алушы студенттер үлесі 2014 жылдан 3,7 пайызға өскен

Оқу нысандары бойынша студенттер контингенті

Студенттерді қабылдау. 2017-2018 оқу жылына бакалавриат мамандықтары бойынша жалпы 2936 студент қабылданды. Соның ішінде: 2655 адам күндізгі оқу бөліміне, 283 адам сырттай оқу бөліміне, 1110 адам мемлекеттік білім гранттары негізінде оқуға түсті. Демек, күндізгі оқу нысаны бойынша мемлекеттік білім беру грантына оқуға түскен студенттер пайызы 41,8% құрады.

Күндізгі және сырттай оқу бөлімі бойынша 2014 және 2017 жылдар аралығында 1 курсқа қабылданған студенттер саны

Көрсетілгендей 2014-2015 оқу жылында мемлекеттік білім беру гранты негізінде қабылданған талапкерлер санының жоғарылағандығы байқалады - 1244 адам.

Студенттерді 1-ші курсқа қабылдау талдауы мемлекеттік білім гранттары бойынша оқуға түскен студенттердің жалпы санынан орташа есеппен 41,8% құрайды. 2016-2017 оқу жылында грант бойынша оқуға түскен студенттердің пайыздық көрсеткіші 41,4% құраса, 2014-2015 оқу жылында олардың пайыздық көрсеткіші 51,6% жеткен.

Сонымен қатар, күндізгі оқу нысанына мемлекеттік тілде оқуға қабылданған 1-ші курс студенттері санының пайыздық көрсеткіші 2014 жылмен салыстырғанда 2017  жылы жоғарылағандығын атап өтуге болады. Мысалы, 2014 жылы қазақ бөліміне 55,4% студент келіп түссе, 2017 жылы қабылданғандардың жалпы санынан 61,9% құрады.

Контингент қозғалысы. Студенттер қозғалысы СҚ 11010.95-2016  «С.Сейфуллин атындағы ҚазАТУ студенттерінің оқудан шығарылуы, ауысуы, қайта қабылдануы және академиялық демалыс берілу тәртібі» бойынша әртүрлі себептермен оқудан шығарылуына, басқа ЖОО ауысуына, оқуға қайта қабылдануына, қайта оқуға қалдырылуына және академиялық демалыс берілуіне сәйкес жүргізіледі.  

Университетте күндізгі оқу нысанында білім алушылардың контингенті көбеюіне байланысты, оқудан шығарылған студенттер саны 2014-2015 оқу жылымен салыстырғанда 23 пайызға азайған.  Оқуға қайта қабылданған және басқа ЖОО келген студенттердің жалпы саны 241 адамды құрайды.