Әскери кафедрасы

Кафедра әскери даярлықты 1958 жылғы қазан айынан жүргізе бастады.  1969 жылы кафедрада тактикалық цикл, 1971 жылы – оттық, 1975 жылы – автомобиль циклы ашылды. 1976 жылы «Жалпыәскери мақсаттағы автомобиль бөлімшелері мен бөлімдерін қолдану» жаңа әскери - есептік мамандығы ашылды. 1985 жылы әскери автомобильдік техниканы сақтау паркі, атыс тирі бар 4-қабатты оқу ғимараты салынып, іске қосылды. 2009 жылғы ақпан айынан бастап 2 жаңа мамандық ашылды: «Көп мақсатта пайдаланылатын автомобиль техникасын пайдалану және жөндеу»,  «Топографиялық жұмыстар».


Әскери кафедраның жұмысы студенттер қатарынан Қазақстан Республикасы Қарулы  Күштеріне әскери – есептік мамандықтар бойынша, запастағы офицерлерді даярлау бағдарламасының талаптарына сәйкес теориялық және тәжірибелік тұрғыда терең білім мен дағдыға ие, жоғары кәсіби біліктілігі бар запастағы офицерлерді даярлауға бағытталған.   

Әскери кафедрада әскери дайындық екі циклда төрт әскери – есептік мамандық  бойынша жүргізіледі:

Жалпыәскери цикл: ӘЕМ - 021000 «Жалпыәскери бөлімшелерді, бөлімдер мен құрамаларды жауынгерлік қолдану», ӘЕМ - 590200 «Топографиялық жұмыстар».

Автомобильдік цикл: ӘЕМ - 560201 «Көп мақсатта пайдаланылатын автомобиль техникасын пайдалану және жөндеу», ӘЕМ - 261001 «Жалпыәскери мақсаттағы автомобиль бөлімшелері мен бөлімдерін қолдану».

Бітіруші кафедра болып табылады.

Қазіргі таңда әскери кафедра сауатты профессор-оқытушылар құрамымен қамтылған. Кафедраның профессор-оқытушылар құрамының штаты 18 офицерден құралады. Барлық офицерлердің үлкен әскери тәжірибесі, әскери білімі бар және штаттық тағайындалуына сәйкес келеді. 

Олардың арасында Отан алдындағы ерен еңбектері үшін мемлекеттік мақтаулармен марапатталған офицерлер бар, атап айтқанда: запастағы полковник Т.А. Дұламбаев, «2 дәрежелі Айбын» орденінің иегері

Ауған соғысында болғандар:

запастағы майор Қ.Қ. Рахымғұлов, «Қызыл жұлдыз» орденінің иегері,

запастағы полковник Қ.Д. Ерғалиев, «Жауынгерлік ерлігі үшін» медалінің иегері,

запастағы полковник Қ.Қ. Капушев, «Ауған халқының жауынгер-интернационалистке» медалінің иегері.

Запастағы полковник К.К. Рахимгулов сондай-ақ, 1986 жылы сәуір-мамыр айларында Чернобыль АЭС-дағы апаттың салдарын жоюға қатысқан болатын.

Кафедраның барлық профессор-оқытушылар құрамы «Жалпыәскери бөлімшелерді, бөлімдер мен құрамаларды жауынгерлік қолдану» ӘЕМ – 021000 білім алушыларына 6 пәннен, «Топографиялық жұмыстар»  ӘЕМ – 590200 білім алушыларына 7 пәннен, «Көп мақсатта пайдаланылатын автомобиль техникасын пайдалану және жөндеу» ӘЕМ – 560201 білім алушыларына 11 пәннен, «Жалпыәскери мақсаттағы автомобиль бөлімшелері мен бөлімдерін қолдану» ӘЕМ - 261001 білім алушыларына 11 пәннен сабақ береді.

Біздің кафедра Қазақстандағы басқа әскери кафедралар арасында студенттерді «Топографиялық жұмыстар»  ӘЕМ – 590200 бойынша даярлауды жүзеге асыратын жалғыз кафедра болып табылады.

Кафедрада 24 дәрісхана, олардың ішінде 10 дәрісхана мультимедиялық құралмен жабдықталған, 2 компьютерлік сынып, қару сақтауға арналған бөлме, интерактивтік тақта, 50 персоналдық компьютер бар.

Тәжірибелік сабақ өткізу үшін дәрісханалар келесі пәндер бойынша қажетті құралдармен жабдықталған:

тактикалық дайындық бойынша - ШЖӘИМ (шағын жалпы әскери имитация жиынтығы);

техникалық дайындық бойынша – БМП-1 оқу-әрекетті стенді;

әскери автомобиль техникасының құрылысы және жөндеу бойынша – КамАЗ қозғалтқыштарының, ЗиЛ-131 беріліс қорабының оқу-әрекетті стендтері; 

жүргізу бойынша – әскери автомобиль және броньді танк техникасының паркі, жүк және жеңіл автокөлігін жүргізу жаттықтырғыштары 3 бірлік;

оттық дайындық бойынша – «Боец» атыс жаттықтырғышымен жабдықталған 50 метрлік атыс тирі;

әскери топография, әскерлерді топогеодезиялық қамтамасыздандыру, топографиялық жұмыстар бойынша – 2 электрондық тахеометр, карталарды цифрлау, 3D көзкөрімді өткізу, ірі масштабты топографиялық пландарды сызу мақсатында ArcGIS Desktop, Mapinfo, AutoCAD арнайы бағдарламалармен жабдықталған компьтерлер бар сынып; 

саптық дайындық бойынша - арнайы таңбалары және үйрену стендтері мен айналары бар саптық алаң;

№ 210 компьютерлік сыныпта кафедраның барлық пәндері бойынша электрондық кітапхана, ПК Windows негізгі нұсқасынан басқа Adobe Fotoshop CS4, CorelDRAW, ABBYY FineReader бағдарламаларымен жабдықталған, сондай-ақ, сыныпта төменде аталған негізгі пәндер бойынша электрондық тестілеу өткізіледі:

  1. Әскери автомобиль техникасының құрылысы
  2. Әскери автомобиль техникасын жөндеу
  3. Әскери автомобиль техникасын пайдалану
  4. Автомобильдік қызмет және әскери автомобильдік тасымалдаулар
  5. Тактикалық дайындық
  6. Техникалық дайындық
  7. Оттық дайындық
  8. ҚР Қарулы Күштерінің Жалпыәскери жарғылары
  9. Жол жүру ережелері

Әскери кафедра өз қызметінде басшылыққа алады:

- Қазақстан Республикасының Конституциясын;
- «ҚР қорғау және Қарулы күштері туралы» заңын;
- ҚР «Әскери қызмет және әскери қызметшілердің мәртебесі туралы» заңын;
- ҚР «Білім туралы» заңын;
- ҚР Қарулы Күштері, басқа әскерлері және әскери құрылымдары жарғыларын;
- Қазақстан Республикасы Үкіметінің Қаулысымен бекітілген Азаматтарды әскери қызметке даярлау, бастапқы әскери даярлықты ұйымдастыру және жүргізу, сондай-ақ оның оқу-материалдық базасын қалыптастыру қағидаларын;
- ҚР ҚМ бұйрықтары мен өкімдерін;
- С.Сейфуллин атындағы ҚАТУ жарғысын;
- Университеттің ішкі тәртіп ережелерін;
- Басқарма төрағасының бұйрықтары мен өкімдерін.

Әскери кафедра құрылғаннан бері шамамен 15 мың запастағы офицерлер даярлап шығарылды, олардың ішінде біразы қазіргі уақытта Қарулы Күштердің әртүрлі лауазымдарында, ҚР Қорғаныс министрлігі Білім және ғылым департаментінде, Президенттің Күзет қызметінде, Ұлттық қауіпсіздік комитетінде, Сарыарқа ауданының Әкімдігінде, Астана қаласы Қорғаныс істері жөніндегі департаментінде, Ақмола өңірлік гарнизоны Әскери полициясында, 68665 әскери бөлімінде және т.б. қызмет өткеріп жатыр.  

Атап айтқанда, ҚР Қарулы Күштерінде жоғары лауазымдарда полковник Е.Т. Қожахметов – ҚР Қарулы Күштері Құрлықтағы әскерлер Бас штабы бастығының орынбасары, полковник Б.Н. Нұрмаханов – ҚР Қорғаныс министрлігі Білім және ғылым департаменті бастығының орынбасары, полковник Р.Ө. Қоқышев – ҚР Қарулы Күштері Тылы киім-кешек басқармасының бастығы және т.б. қызмет атқаруда.  

Сондай-ақ, біздің университеттің түлектері кафедраның бұрыңғы бастығы полковник С.Қ. Әлжапаров, бұрыңғы бастық орынбасары запастағы подполковник Д.И. Мериняну болып табылады.

Кафедраға запастағы полковник Т.А. Дұламбаев басшылық етеді.

Әскери кафедра туралы

Кафедра тарихы
Мамандықтар бөлімі
Кафедраның профессорлық-оқытушылық құрамы
Студенттік өмір
Әскери кафедраның жарыстарға қатысуы бойынша ақпараттар
Байланыстар

Киім үлгісі