Талапкерге

Қашықтықтан оқыту технологияларын пайдаланумен сырттай екінші жоғары білім алу

 

1. Жоғары білімі бар мамандар таңдаған мамандығы бойынша сырттай оқу арқылы ақылы келісім-шарт негізінде екінші жоғары білім дәрежесін ала алады.

Екінші жоғары білім алу – бұл бұрын алынған білімге қосымша тағы бір жоғары білім алу. Екінші немесе үшінші жоғары білім алудың себептері әртүрлі болуы мүмкін. Біреуі бүгінгі еңбек нарығында бәсекелесуге қабілетті болғысы келсе, екіншісі – біліктілігін шыңдап,  лайықты еңбекақы алу, мансабын сәтті құру үшін қызмет саласын немесе өзінің  мансап жолын түбегейлі ауыстырып жатады. Бұдан басқа, екінші жоғары білім – бұл сүйікті кәсіпті таңдап алуға, тартымды жұмыс тауып, өз армандарына қол жеткізуге тағы бір мүмкіндік жасамақ.

Екінші жоғары білім алу – бұл тек мансап жолында онан әрі табысқа жету мүмкіншілігі ғана емес, ол өзінің білімдерін кеңейтіп тереңдетудің, өзінің қабілетін дамытудың тиімді тәсілі, сонымен қатар өзіндік жеке тұлғасының жаңа қырларын және өздігінен даму мүмкіншіліктерін ашу.

2. Орта кәсіптік арнайы білімі бар (колледж) тұлғалар мамандықтарына сәйкес, ақылы келісім-шарт бойынша оқуға түсіп, 3 жылда жоғары білімді бакалавр дәрежесіне ие бола алады.

Диплом қажет болса, Сіз бізбен бірге қысқа мерзімде өз мақсатыңызға қол жеткізе аласыз.

С.Сейфуллин атындағы Қазақ агротехникалық университеті жоғары оқу орны түлектері мен әртүрлі экономика саласындағы мамандарды қайта даярлаудан өтуге және ақылы негізде қашықтықтан оқытудың технологияларын пайдалана отырып, сырттай нысан бойынша жоғары білім алуға шақырады.

Бакалавриат бұл бұған дейінгі білімнен түбегейлі ерекше басқа мамандықты алуға ұмтылған жандар үшін жүйелі дайындық болып табылады, яғни, менеджмент немесе экономика саласынан электр энергетикасы салысына ауысу немесе тіл маманынан не заңгерден бағдарламашыға айналу.

Қысқартылған оқу мерзімдерін көздейтін жоғары білім берудің кәсіби оқу бағдарламалары «бакалавр» академиялық дәрежесін және (немесе) біліктілігін бере отырып, экономика салаларының қажеттіліктеріне сәйкес біліктілігі жоғары кадрлар даярлауға бағытталған.

       

Ерекшеліктері

  1. Қолайлы оқу нысаны

Университет ұсынып отырған жоғары білім мамандықтарын қолайлы сырттай оқу нысаны бойынша оқып алуға болады. Типтік ережелерге сәйкес, сырттай оқитын студенттер оқу материалдарының 80%-ға дейінгі  көлемін өздігінен игереді.

  1. Оқытудың қысқартылған мерзімі

Сырттай оқу нысаны бойынша жоғары білім берудің оқу үрдісі  жоғары оқу орнында қысқартылған білім беру бағдарламалары бойынша жеделдетілген оқу мерзімімен іске асырылады, әдетте, бакалавриаттың ұзақтығы 4 жыл стандартты күндізгі оқу нысанымен салыстыратын болсақ, орта есеппен алғанда сырттай оқу мерзімі 2,5-3 жылды құрайды.

  1. Қашықтықтан білім беру технологияларын пайдалану

Қашықтықтан білім беру технологиясы - білім алушы мен педагогтің өзара жанама немесе жартылай жанама іс-әрекеті ақпараттық-коммуникациялық технологиялар мен телекоммуникациялық құралдардың қолданылуымен жүзеге асырылатын оқу.

  1. Оқыту тек қана ақылы түрде

Қазақстан Республикасының заңнамасына сәйкес сырттай оқу нысаны бойынша жоғары білім алу тек қана келісімшарт негізінде іске асырылады. Сырттай нысан бойынша қашықтықтан оқыту құны бакалавриаттың күндізгі оқу нысанынан анағұрлым арзан. Соның өзінде студент жаңа мамандықты толық меңгереді, бүгінгі еңбек нарығынын талаптарына сай білім алып, шеберлігін, дағдысы мен құзыреттілігін қалыптастырады.

  1. Түсуші тұлғаларды оқуға қабылдау

Сырттай оқу бөліміне жоғары білімі бар мамандар және мамандықтары сәйкес келетін, орта кәсіптік арнайы білімі бар (колледж) тұлғалар ғана қабылданады.

 С.Сейфуллин атындағы Қазақ агротехникалық университетіне екінші жоғары білім мамандықтары бойынша оқуға түсу үшін қабылдау емтихандарын тапсырудың қажеті жоқ. Қабылдау комиссиясында әңгімелесуден өту жеткілікті.

Колледж бітірген тұлғалар кешенді тестлеу нәтижесі бойынша оқуға қабылданады.

Оқыту мерзімі қысқартылған мамандықтар тізімі

Жоғары білімі бар немесе орта кәсіптік арнайы білімі бар (колледж)  тұлғаларды ақылы негізде қысқартылған мерзімге оқуға қабылдауды университеттің қабылдау комиссиясы жүзеге асырады.

Орта кәсіптік арнайы білімі бар (колледж) тұлғаларға кешендік тестілеуге құжаттарды қабылдау мерзімі - 20 маусымнан 9 шілдеге дейін.

Жоғары білімі бар тұлғаларға қабылдау комиссиясына құжаттарды тапсыру мерзімі: маусымның 20-сынан тамыздың 25-іне дейін.

 

Оқуға қабылдау үшін қажетті құжаттар:

- Өтініш;

- Диплом (қосымшасымен, түпнұсқа);

- Кешенді тестті тапсырған туралы сертификат (колледж);

- №086/У нысанындағы медициналық анықтама, флюорография суретімен;

- 3x4 көлеміндегі фотосурет (6 дана);

- Жеке куәліктің көшірмесі;

- Жұмыс орнынан анықтама;

- Келісімшарт;

- Оқу ақысын төлеу туралы түбіртек.

 

Жоғары білім туралы құжаттарды нострификациялау

Білім туралы құжаттарды нострификациялау - халықаралық және шетелдік оқу орындарында (олардың филиалдарында), басқа мемлекеттерде білім алған азаматтарға берілген құжаттардың баламалылығын анықтау мақсатында жүргізілетін рәсім.

Білім туралы құжаттарды нострификациялау көрсетілген құжаттар иелеріне Қазақстан Республикасындағы білім туралы құжаттардың иелеріне берілетін сияқты академиялық және/немесе кәсіби құқықтарын ұсына алатындығын білдіреді.

Шет тілінде берілген құжаттардың қазақ немесе орыс тілдеріндегі нотариалды куәландырылған аудармасы болуы тиіс.

Тұлғалар, халықаралық және шетелдік оқу орындарында (олардың филиалдарында), басқа мемлекеттерде білім алған болса, олар міндетті түрде жоғары білім туралы құжаттарын нострификациялау рәсімінен өткізуі тиіс. Сонымен қатар, білім туралы құжаттарды тұлғалар оқуға қабылданғанға дейін немесе қабылданғаннан кейін оқудың бірінші семестрі ішінде Қазақстан Республикасының заңнамасында белгіленген тәртіппен нострификациялау рәсімінен өтеді.

Қазақстан Республикасының азаматтары - «Болашақ» халықаралық стипендиясы иегерлерінің шетелдік жоғары оқу орындары, ғылыми орталықтар мен зертханалар берген білім туралы құжаттары Қазақстан Республикасында тану немесе нострификациялау рәсімінен өтпей-ақ танылады.

Жоғары оқу орнына қабылдау

Қазақстан Республикасының жоғары оқу орындарына түсуші тұлғаларды қабылдау Жоғары білім берудің кәсіптік оқу бағдарламаларын іске асыратын білім беру ұйымдарына оқуға қабылдаудың үлгі ережелеріне сәйкес жүзеге асырылады.

Студенттер қатарына қабылдауды университеттің қабылдау комиссиясы тамыздың 10-25 күндері аралығында өткізеді

       

Қазақстан Республикасының азаматтары - «Болашақ» халықаралық стипендиясы иегерлерінің шетелдік жоғары оқу орындары, ғылыми орталықтар мен зертханалар берген білім туралы құжаттары Қазақстан Республикасында тану немесе нострификациялау рәсімінен өтпей-ақ танылады.

Жоғары оқу орнына қабылдау

Қазақстан Республикасының жоғары оқу орындарына түсуші тұлғаларды қабылдау Жоғары білім берудің кәсіптік оқу бағдарламаларын іске асыратын білім беру ұйымдарына оқуға қабылдаудың үлгі ережелеріне сәйкес жүзеге асырылады.

Студенттер қатарына қабылдауды университеттің қабылдау комиссиясы тамыздың 10-25 күндері аралығында академиялық тобының құрылуына қарай әңгімелесу негізінде өткізеді.     

 Оқуды бітіргеннен кейін берілетін құжат: қосымшасы (транскрипт) бар мемлекеттік үлгідегі диплом.

Жоғары кәсіптік білім беру бағдарламасы бойынша оқуды аяқтаған тұлғаларға «бакалавр» академиялық дәрежесі және/немесе біліктілік беріледі, олар біліктілік талаптарында жоғары білімі болуы көзделген лауазымдарға орналаса алады.

 Жоғары оқу орнына қабылдау, студенттер қатарына алу, қашықтықтан оқыту, басқа жоғары оқу орындарынан ауыстыру, қайта қабылдау туралы қосымша ақпаратты С.Сейфуллин атындағы Қазақ агротехникалық университетінің Біліктілікті арттыру және қашыктықтан оқыту институтының қызметкерлерінен тікелей алуға болады.

Біздің мекен-жайымыз: Астана қаласы, Жеңіс даңғылы, 62. № 5 оқу ғимараты, екінші қабат, 326 кабинет.

Анықтама телефондары: (717-2) - 31-06-55; 48-12-44;

E-mail: ipkatu@mail.ru

Сурет галереясы

 СІЗДІ СТУДЕНТТЕРІМІЗДІҢ ҚАТАРЫНАН КӨРУГЕ ҚУАНЫШТЫМЫЗ!