«Балық шаруашылығы» ғылыми-зерттеу орталығы

Балық шаруашылығы саласындағы ғылыми-зерттеу жұмыстарды үйлестіру үшін және балық шаруашылығын өркендетуге бағытталған басты ғылыми ізденістерге қатысу, сондайақ оқытушылар құрамының біліктілігін көтеру және оқу үдерісін жетілдіру мақсатында ҚР «Ғылым» туралы Заңының 10 бабына сәйкес университет жанынан ғылыми бөлім ашуға болатындығына сүйене отырып «С.Сейфуллин атындағы Қазақ агротехникалық университеті» АҚ Басқарма Төрағасының 2010. 07. 10 берілген бұйрығымен «Балық шаруашылығы» ғылыми-зерттеу орталығы ашылды.

«Балық шаруашылығы» ҒЗО - балық шаруашылығы саласындағы фундаментальді және қолданбалы ғылымның дамуын ұйымдастырушысы және үйлестіруші ғылыми – зерттеу бөлімшесі болып саналады.

«БШ» ғылыми –зерттеу орталығының басты мақсаттары:
- балық шаруашылығы, кәсіптік балық аулау және аквакультура салаларының даму бағытын анықтау;
- ғылым мен тәжрибені ұштастырудағы негізгі проблемаларды шешу жолдарын іздестіру;
- білікті ғылыми-педагогикалық мамандарды даярлау;
- «БШ» ҒЗО, іргелес жоғарғы оқу орындардың және ҚР Балық шаруашылығы ҒЗИ ғалымдарымен бірлесіп Мемлекеттік бюджеттің қаражатымен орындалатын ғылыми бағдармаларды конкурстық негізде атқаруды қалыптастыру;

«БШ»ҒЗО өзінің күнделікті қызыметінде мынадай мәселелерді атқарады:
• балық шаруашылығы саласында ғылыми-зерттеу және конструкторлық-жобалау жұмыстарын атқару және оларды енгізу;
• елімізде өткізілетін, балық шаруашылығы саласындағы фундаментальді және қолданбалы зерттеулер мен қатар халықаралық жобалардың конкурсына қатысу;
• Қазақстан Республикасы балық шаруашылығының өзекті мәселелер бойынша иновациялық жобаларды дайындау және негізу;
• республикалық ғылыми тапсырыстарды және халықаралық жобаларды орындау үшін кафедраның, сондай-ақ іргелес ғылыми ұймдардың жетекші ғалымдары мен магистранттары қатарынан ғылыми творчествалық ұжымды қалыптастыру;
• ғылыми бағдармалар мен зерттеулерді қалыптастыруға сонымен қатар осы жұмыс тақырыптарын атқарушылардың іс-әрекеттерін бақылауға қатысу;
• осы салада қызмет атқаратын лауазымдардың біліктілігін арттыру және оларды қайта даярлау;
• су қоймаларының биологиялық негіздемелерін жасау;

«БШ» ҒЗО құрамында мынадай ғылыми құрылымдар бар:
• гидробиология және ихтиология зертханасы;
• балықты қолдан көбейтуге арналған шағын цех;
• сәнді балықтар зертханасы;
• «Дударай» оқу-өндірістік аңшылық және балық шаруашылығы.

«БШ» ҒЗО ғылыми – зерттеу жұмыстарын жүргізу үшін штат құрамы белгіленді. Оның құрамына мына лауазымдар кіреді:
«БШ»ҒЗО директоры: Сыздықов Қ.Н.- в.ғ.к., доцент,
Зертхана меңгерушісі: Джаманбаев Т.Д.. Ғылыми қызыметкерлер: а/ш ғ.к., доцент Григорьев Б.Н., Оразғалиева Қ.С. Әубакирова Г.А. және зертханашы Тамабаева М.К..

Қазіргі кезде «БШ» ҒЗО қызметкерлері жалпы қаражат көзі 3,5 млн теңге болатын, бәсекелестік грант жүйесі негізінде « Тауарлы-көл жағдайында тұқы балықтарын өсіруді жетілдіру» тақырыбы бойынша ғылыми-ізденіс жұмыстарын атқарып келеді. Ғылыми – зерттеудің негізгі бағыты ол ғылыми ізденісті өндіріске енгізу.



Балық өндіретін мини цех


Тұқы балықтарының аналықтарын аулау


Мини цехатағы ванналарда тұқы балықтарының шабақтарын өсіру


«Дударай» ОӨА БШ-дағы Құмкол көлінде балықтардын бақылауға алу


Тұқы балықтары аналықтарын бонитировкасы


Вейса аппаратына тұқы балықтарының ұрықтандырылған уылдырықтарын салу


«Дударай» ОӨА БШ-дағы Ащыкөл өлінің акваториясы