«Кемел Кәсіпкер» атты бизнес-кейстерді шешу чемпионатына С.Сейфуллин атындағы ҚАТУ студенттері қатысты

   2016 ж. 20 сәуір күні С.Сейфуллин атындағы ҚАТУ студенттері жастардың арасында тиімді өмірлік стратегиясы ретінде кәсіпкерлікті дамытуды көздейтін «Кемел Кәсіпкер» атты бизнес-кейстерді шешу чемпионатынын 4-ші турына қатысып, жартылай финалға өтті.

  Кемел Кәсіпкер» атты бизнес-кейстерді шешу чемпионаты қатысушылары өздерінің білімдерін, аналитикалық және шығармашылық дағдыларын пайдалана отырып, нақты бизнес-іс шешімдерді шешу үшін ықтимал жолдарын ұсынатын бірнеше іскерлік ойындар және кәсіпкерлікті дамытатын викторина болып табылады. Жобаның ұйымдастырушылары «Атамекен» атты Қазақстан Республикасы Ұлттық кәсіпкерлер палатасы, Алматы Менеджмент университеті (AlmaU) сонымен бірге «SANA Eurasia» қоғамдық қоры.

   Іскерлік ойынға қатысу топпен бірігіп жұмыс істеу және жобаларды презентациялау дағдыларын дамытуға көмектеседі; бизнесті жүргізуге қабілеті жоғары, белсенді және дарынды жастарды анықтайды; елдің экономикалық және әлеуметтік прогресстің маңызды факторы ретінде, жастар кәсіпкерлігінің оң имиджін қалыптастыруға ықпал етеді.

   Университет студенттері Байдуллаев Қыдыр (техникалық факультеті), Бозтай Арухан (экономика факультеті), Сәрсенбаев Нұрболат (факультеті) қатысу сертификаттарымен марапатталды.

      Естеріңізге сала кетсек, 2015 жылы жоғарыдағы аталып кеткен іс-шараға ұқсас «Темір кәсіпкер» атты іскерлік ойынға қатысып, компьютерлік жүйелер және кәсіптік білім беру факультетінің студенті Абилакимов Жандос құрама командасының ішінде басты жеңімпаз атанды, Мәскеуде өткізілген соңғы финалға шақырылды.

Университеттің студенттері

Интеллектуалды ойынға қатысушылар