«Қымыз-2015» атты Үшінші Халықаралық форум

   2015 жылы 4 желтоқсан күні С.Сейфуллин атындағы Қазақ агротехникалық университетінде «Қымыз-2015» атты Үшінші Халықаралық форум өтті.

      Іс-шараға университет ректоры, профессор Ақылбек Күрішбаев, ҚР Сенат депутаты Қуаныш Айтаханов, Мажарстан Елшілігінің екінші хатшысы, экономика жөніндегі атташе Нандор Картеси, ҚР Денсаулық сақтау және әлеуметтік қамсыздандыру министрлігінің ішкі көш-қон басқармасының сарапшысы Жақсыгүл Нүсіпбаева, ҚР Президенті жанындағы Әйел істері мен отбасылық-демографиялық саясат жөніндегі Ұлттық комиссия хатшысы, «Отбасым» ұлттық құндылықтар орталығының төрайымы Шолпан Сыздықова, Жапония Елшілігінің атташесі Фуруя Каору мырза, Моңғолия Елшілігінің сауда-экономикалық кеңесшісі Церендулам Базар, Италия Елшілігінің коммерциялық мәселелер жөніндегі атташесі Джанкарло Гобби, Қазақстан Республикасының мемлекеттік және беймемлекеттік ұйымдары, шетелдік елшіліктердің, халықаралық ұйымдардың, ғылыми ұйымдар мен бұқаралық ақпарат құралдарының өкілдері, жылқы өсірушілер мен ұлттық қымыз өнімін өндірушілер қатысты. Форум жұмысына 150-ден астам адам қатысты.

     Университет ректоры өзінің құттықтау сөзінде қымызды әлемдік нарыққа шығару Қазақстан Республикасының басты брендтерінің бірі екендігіне тоқталды.

     Шолпан Сыздықова ұлттық қымыз өнімін өндірудің ұмытыла бастаған көне рецепттерін қайта жаңғыртып, халқымыздың ұлттық-мәдени мұрасын сақтай білудің маңыздылығын атап өтті.

    Үшінші Халықаралық «Қымыз – 2015» форумында жылқы өсіруді дамыту, ұлттық рецепт бойынша қымыз өндіру мәселелері, жылқы шаруашылығының басқа да өнімдерін өндіру, өңдеу, сақтау, тасымалдау, сату және тұтыну тәрізді өзекті мәселелер қарастырылды.

      Форум соңында арнайы қарар қабылданды.

 

Университетт ректорі А.Қ. Күрішбаевтың сөзі

Бие сүтінен негізделген ауыл шаруашылық өндірушілердің өнімдері

Бие сүтінен негізделген ауыл шаруашылығы тауарларын өндірушілердің көрмесі

«Нуржамал» ШҚ өнімдері

                Аскаров С. шаруашылығының өнімдері                                           Ауыл шаруашылық өндірушілердің өнімдері