С.Сейфуллин атындағы ҚазАТУ-нің студенттері 2016 жылы Enactus Kazakhstan 2016 атты Ұлттық жарыста жартылай финалға шықты

   «Enactus KazATU кәсәіпкерлік клубы» атты қауымдастығын ұйымдастырған Университеттің студенттері 2016 жылы 5-6 мамыр айында Алматыда өткізілген Enactus Kazakhstan 2016 Ұлттық жарысқа қатысып жартылай финалға шықты.

   Жыл сайын өткізілетін Enactus Kazakhstan ұлттық жарыс - Enactus бағдарламасы аясында студенттер өзінің еңбектерімен қоғамға қандай әсер еткенін көрсету мақсатымен өткізілетін негізгі, маңызды және серпінді іс-шараның бірі. Бизнес көшбасшылары арасынан таңдалған қазылар алқасының алдында бағалау үшін командалар өздерінің бизнес жобаларын ұсынады. Жобаларды бағалағанда кәсіпкерлік арқылы халықтың өмір сүру сапасы мен деңгейін жақсарту - негізгі критерийі болып табылады. Ұлттық жарыстың жеңімпазы Enactus Әлем кубогында өз жобаларын ұсынуға мүмкіндік алады.

   Өткізілген байқауда кәсіпкерлік саласында, әлеуметтік даму және қоршаған ортаны қорғау саласындағы жобаларды еліміздің барлық өңірлерінен 48 команда өкілдері ұсынды. Университет командасы 2015 жылы алғаш рет қатысып, екі жыл қатарынан жартылай финалға жетіп, Қазақстан жоғары оқу орындарының арасында мықты командаларымен кездесті. Университет командасы жас кәсіпкерлердің және инновациялық бизнес-идеяларды ұсынған жаңашылдардың 3 старт-ап жобасын ұсынды.

   ҚазАТУ-нің Enactus KazATU командасы «Enactus Kazakhstan ұлттық EXPO 2016 ойынның жартылай финалға қатысушылары» қабырға белгісімен, қатысу грамоталармен марапатталды, команда капитаны Байдуллаев Қ. «Үздік капитан» атанып, алғыс хатпен марапатталды.

Команданың дипломы

Команда құрамы

Жобалардың презентациясы

Стратегияны талқалау