Университет пен Ақмола облысының агроөнеркәсіп кешені арасындағы ынтымақтастық

     2018 ж. 18 ақпанында С.Сейфуллин атындағы Қазақ агротехникалық университетінде Ақмола облысының белсенділерімен ҚР Президенті Н.Ә.Назарбаевтың Қазақстан халқына арнаған «Төртінші өнеркәсіптік революция жағдайындағы дамудың жаңа мүмкіндіктері» Жолдауында қойылған міндеттеріне сәйкес, ауылшаруашылық өндірісіне заманауи технологияларды енгізуді ұйымдастыру бойынша бірлескен жиын өтті.

   Іс-шараға университет ректоры А.Қ.Күрішбаев, ҚР АШМ-нің жауапты хатшысы Е.Б.Көшербаев, Ақмола облысының әкімі М.К.Мырзалин, аудан (қала) әкімдері мен олардың орынбасарлары, ауыл округтарының әкімдері, аудан ауылшаруашылық басқармаларының басшылары, жер комитеті жетекшілері, табиғат пайдалану басқармасының, ветеринарлық-коммуналдық кәсіпорынның, ауылшаруашылық кәсіпорындарының, аңшылық, балық шаруашылығы саласының өкілдері мен университет ғалымдары қатысты. Сонымен қатар жиында «Агрофирма» «Родина» ЖШС директоры И.А.Сауэр және «Ақмола-Феникс» АҚ бас директоры М.В.Божко сөз сөйледі.

   Жиында С.Сейфуллин атындағы Қазақ агротехникалық университетінің Ақмола облысының АӨК-не отандық аграрлық ғылым жетістіктерін ендіру, шетелдік озық технологияларды трансферлеу, мамандармен қамтамасыз етіп, олардың біліктілігін арттыру, ауылда кооперацияны дамыту және ауылшаруашылық тауарларын өндірушілер арасында заманауи аграрлық білімді тарату арқылы ғылыми-практикалық көмек көрсету туралы ұсынысы қаралды.

   Іс-шара соңында ҚазАТУ АҚ Басқармасы мен Ақмола облысы әкімдігі арасында агроөнеркәсіп кешені саласындағы өзара тиімді ынтымақтастық Меморандумына қол қойылды. Іс-шара аясында университеттің ғылыми әзірлемелерінің көрмесі ұйымдастырылды.

С.Сейфуллин атындағы Қазақ агротехникалық университетінің ректоры Күрішбаев А.К., Ақмола облысының әкімі М.Қ.Мұрзалин, Ақмола облысының ауыл шаруашылығы кәсіпорындары мен ғылыми ұйымдарының басшылары

Ақмола облысының ауыл шаруашылығы тауар өндірушілерінің өкілдері және С.Сейфуллин атындағы ҚМУ ғалымдары

Техникалық факультеттің ет және сүт өңдеуге арналған тәжірибелік-өнеркәсіптік цехының өнімдері

Агрономия факультетінің экспонаттары

Көрменің экспонаттары

Жер ресурстарын басқару, сәулет және дизайн факультеті