ПОҚ-ның ғылыми жетістіктері

С.Сейфуллин атындағы Қазақ агротехникалық университетінде негізі қаланған күннен бастап ғылыми және ғылыми-педагогикалық мектептері қалыптасқан. Университет ғалымдарының әр жылдардағы жетістіктерін келесідей ғалым-профессорлар айқындап берді: М.А.Гендельман, жерге орналастыру саласында Үкіметтің қабылдауындағы жерді оңтайлы пайдалану және қорғау бойынша жаңа тұжырымдама әзірлемесіне және Жер кодексін әзірлеуге белсенді атсалысты; К.А.Сағадиев – материалдық-техникалық жабдықтаудың экономикалық тиімділігі критерийлерін таңдау әдістерінің негізін қалаушылардың бірі; Н.Т.Кәдіров Қазақстанның 12 облысында гельминттердің 67-ден астам түрін анықтап, оларға қарсы күрес жүргізу үшін ғылыми негізделген іс-шарасын әзірледі. Университет ғалымдарының ғылыми жетістіктері келесідей салаларда, атап айтсақ, Б.Ө.Әлімжанов және Л.В.Әлімжанованың сүтті мал шаруашылығы; Р.Қ.Қазихановтың қылшық жүнді, етті-майлы қой шаруашылығы; А.Қ.Бұлашевтың ветеринария; З.П.Карамшуктың топырақ микробиологиясы; Н.И.Можаевтың мал азығы өндірісі; В.Г.Щепетковтың көкөніс шаруашылығы; В.Г.Черненоктың агрохимия – топырақ құнарлылығын және ауылшаруашылық дәнді-дақылдардың өнімділігін басқару; Л.С.Роктанен, Р.Х.Кариповтың жерге орналастыру; Н.Б.Бок, Ж.Е.Есхожин, М.Ә.Әдуов, Н.В.Костюченковтың ауылшаруашылық машина жасау; А.Х.Тілеуовтің жаңартпалы энергия көздері салаларында танылды, сондай-ақ көптеген ғылыми жетістіктер белсенді ғылыми-зерттеу қызметінің арқасында ғылыми әлем танымына ие болды.

Сонымен қатар университет ғалымдары алда профессорлар А.Қ.Бұлашев, М.А.Гендельман және Б.Ө.Әлімжановтың жетекшілігімен аграрлық ғылым саласындағы үздік ғылыми зерттеулері үшін А.И.Бараев атындағы Мемлекеттік сыйлықтың үш мәрте иегері атанды.

2009-2011 жылдардағы ғылыми-зерттеу қорытындылары бойынша университеттің 20 шақты профессорлық-оқытушылар құрамы мен жас ғалымдары ғылым саласындағы көрнекті жетістіктері үшін әр деңгейдегі сыйлықтарға лайық деп танылды. Университеттің бес ғылыми-зерттеу институты, бір орталық және конструкторлық бюро аясында орындалған 2011 жылғы ғылыми-зерттеу жұмыстарының нәтижелері 70 патент және инновациялық патентпен қорғалды.

Соңғы жылдары университет ғалымдары келесі әзірлемелерді іске асырды

Егіншілік пен өсімдік шаруашылығы саласында:
А.ш.ғ.д., профессор. Черненоктың В.Г. дақылдардың өнімділігі мен топырақ құнарлылығын мақсатты түрде басқару әдістерін, дақылдардың минералды қоректенуінің диагностикасы мен оңтайлы қоректенудің теориялық және методологиялық негіздерін өңдеу топырақтың агрохимиялық қасиеттері мен дақылдар өнімділігін сандық байланысын анықтауға, олардың оңтайлы параметрлері мен жету әдістері дақылдардың оңтайлы қоректенуін анықтауда, дақылдардың әлеуетті немесе ылғалдылық жағдайында болатын максималды өнімін алуға мүмкіндік береді.

А.ш.ғ.к., доцент В.К.Швидченконың жетекшілігімен қазіргі биотехнология әдістері негізінде Солтүстік Қазақстанның құрғақ далалы аймақтары үшін адам тағамында көкөністік әрі емдәмдік өнім ретінде пайдаланылатын картоптың арнайы (емдәмдік) бағыттағы сұрпы шығарылды. Картоптың бұндай сұрпы ТМД және ҚР-да жоқ.

Ветеринария және мал шаруашылығы саласы бойынша
В.ғ.д., профессор А.Қ. Бұлашев, б.ғ.к., доцент С.Н. Боровиков, Е.В. Кухар, М.А. Қойбағаров, Ж.Ә. Сұраншиев және басқалардың жетекшілігімен келесі өнімдер әзірленді:
- Иммунды ферменттік талдау әдісімен ірі қара мал лейкозын серологиялық балауға арналған жиынтық.
- ИФТ әдісімен ірі қара мал қан сарысуының құрамынан эхинококк протосколекстерінің экскреторлы-секреторлы антигеніне телімді антиденелерді анықтауға арналған жиынтық.
- «Жануарлардың ларвальды эхинококкозын серологиялық балауға арналған жиынтыққа» нормативті-техникалық құжаттар әзірленген.
- Моноклоналды антиденелер негізінде ИФТ әдісімен ірі қара мал туберкулезі қоздырғышын анықтауға арналған жиынтық.
- ИФТ әдісімен мал шаруашылығы өнімдерінің құрамынан антибиотиктердің қалдықтық мөлшерлерін анықтауға арналған жиынтық.
- ИФТ әдісімен ірі қара мал трихофитиясын балауға арналған жиынтық. Қазақстан Республикасында аналогы жоқ.

Құс етіндегі антибиотик қалдықтарымен белсенді хлорды анықтайтын жедел экспресс әдістерін б.ғ.д., профессор Майқанов Б.С. және в.ғ.к., доцент Балджи Ю.А. әзірлеп өндірісіке ұсынды. Аталмыш әдістер бұрын болмаған және экспресті болып саналады.

В.ғ.д., профессор И.Т.Жақыповтың ғылыми әзірлемелері:
- Cиырларды қолмен ұрықтандыру әдісі.

Ауылшаруашылығы ғылымдарының докторлары, профессорлар Әлімжанов Б.О., Әлімжанова Л.В., ауылшаруашылығы ғылымдарының кандидаттары, доценттер Бекқожин А.Ж., Григорьев Б.Н., Бостанова С.Қ., және т.б. ғалымдардың ғылыми еңбегінің негізінде Солтүстік Қазақстан өңіріне бейімделген қазақтың қара-ала жаңа «Есіл» типі шығарылды.

Ауылшаруашылығы ғылымдарының докторлары, профессорлары С. Шауенов және Е. Исламов жетекшілігімен Жамбыл облысы «Батай-Шу» ЖШС-де Шу типті Қазақтың етті-жүнді биязылау қойларының үш зауыттық аталық ізі шығарылды.

Ветеринария ғылымдарының докторы Б.К.Ыбраевтың жетекшілігімен, ветеринария ғылымдарының кандидаттары Л.А.Лидер және А.А.Жанабаевтың қатысуы нәтижесінде «Цесна Астық» концернінің құрама жем зауытымен бірлесе мал шаруашылығында емдік-сақтық шараларды өткізуге қолданылатын құрамы бойынша ықшамдалған үй жануарларының паразитоздарымен күрес шараларын жүргізу үшін жоғары тиімді антипаразитарлық препараттары (фенбендазол, альбен, бровермектин) араластырылған азықтық-емдік қоспаның 3 нұсқасы ұсынылған.


Механикалық бағыттар бойынша
Т. ғ. д., профессор Адуов М. А. және т. ғ. к., доцент Каспаков Е. Ж., жетекшілігімен келесі құралдар жасалды:
   - Топырақты негізгі өңдеп минералдық тыңайтқыш енгізетін құрал;
   - Астық дақылдарының тұқымдарын минералдық тыңайтқыштармен бірге топырақ астына шашаып себетін сепкіш.

Т.ғ.д., профессор Н.В.Костюченков пен ғалымдар тобы ерте, орташа және кеш пісетін ақ собықты қырыққабаттарды таңдамалы және жаппай жинайтын, сонымен қатар біруақытта жанындағы қозғалыстағы көлікке тиейтін әмбебап қырыққабат жинайтын НКМ- 1 машинасын жасаған.

Экономикалық бағыттар бойынша
Э.ғ.д., профессор Т.А.Құсайынов астық өндіру технологияларының экономикалық тиімділігін салыстырмалы талдау әдістемесін дайындады. Қазақстанда астық өндірісінде жерді игеру технологияларының әлеуметтік-экономикалық тиімділігін салыстырмалы талдаудың эконометрикалық талдау әдістеріне негізделген әдістемесі алғаш рет дайындалып, тексеруден өтті.