Қазақ-қытай білім және ғылым орталығы

2010 жылдың маусым айында С.Сейфуллин атындағы Қазақ агротехникалық университеті (ҚазАТУ) мен ҚХР Шыңжаң аграрлық университеті (ШАУ) ұзақ мерзімдегі ынтымақтастық аясында ҚазАТУ-да Қазақ-Қытай ғылым және білім орталығын (ҚҚҒжБО) құрды. Орталықтың құрылу мақсаты: Тараптардың студенттерді, магистранттарды және мұғалімдерді ұтқырлық аясында алмастыру; екі ел ғылым және білім саласындағы ынтымақтастықты жандандырып, екі елге пайдалы, игі істерді атқару болып табылады. Қазірге дейін, орталық біраз жұмыстарды атқарды.

  1. Білім саласында:
  • Орталықтағы қытай тілі курсына қатысқан тыңдаушылар саны 500 адамнан асты;
  • 2015-2016 жылдың оқу жылынан бастап, "Қытай тілі" ҚазАТУ-да элективті пән болып табылады. Қазақстандағы техникалық университеттер арасында ҚазАТУ "Қытай тілін" элективті пән ретінде таңдаған алғашқы университеттердің бірі.
  • 2010 жылдан бастап, ҚазАТУ-дан Қытай еліне барған студенттер, магистранттар, докторанттар және мұғалімдердің саны 500 адамнан асты.
  • 2014 жылдың маусым айында, Қытай жоғары дәрежелі университеттердің "Білім жәрмеңкесі" ҚазАТУ-да өткізілді.
  • 2016 жылы ҚХР білім министрлігі "Аграрлық Конфуций институтын" ҚАТУ-да құруға келісті.

2016 жылдың мамыр айында, ҚХР ҚР-сындағы елшілігі Бас елшінің грантын ҚазАТУ-дың 23 студенттеріне және мұғалімдеріне беріп, Қытайдың Шыңжаң аграрлық университеті, Солтүстік-Батыс ауыл және орман шаруашылығы университеті және Қытай аграрлық университеттеріне қысқа мерзімді тағылымдамадан өтуге жолдама алды.

    

  1. Ғылым саласында:
  • Қазақ-Қытай екі ел өзара ғылыми сапарда болған адам саны 500-ден асты.
  • 2013 жылдың қыркүйек айында, ҚХР Ғылым және техника министрі Уан Гаң мырза орталығымызға ғылыми сапармен келді, екі елдің ғылым саласындағы ынтымақтастыққа оң бағасын берді. Уан Гаң мырзаның тікелей тапсырмасымен, ҚазАТУ-да ҚХР ғылыми мекемелерімен ғылыми жобалар жүзеге асырылды. 2014 жылы ҚазАТУ-да "Қазақ-Қытай ауыл шаруашылығын механикаландыру" орталығы құрылды; 2014 жылдан бастап, Қытай ауылшаруашылық ғылымдар академиясы, Шыңжаң аграрлық университеті және ҚазАТУ бірлескен "Био қауіпсіздік ғылыми зертханасын" құруды қолға алдық.
  • 2015 жылдың қараша айында, Қытай Ғылымдар Академиясының президенті академик Бай Чунли ҚазАТУ-ға ғылыми сапармен келді. Қытай ғылымдар академиясы, Шыңжаң Экология және География институты мен ҚазАТУ орман шаруашылық кафедрасымен бірлесіп, "Астана қаласы орман белдеулігін дамыту" жобасын қолға алды.

2016 жылдың шілде айында, Қытай CQC мекемесімен ҚазАТУ "ҚР-да органикалық ауыл шаруашылығы" атты ғылыми-зерттеу конференцияны өткізу жоспарға алынды. Қазір, университетімізде CQC ғалымдары университетіміздің мамандарына сабақ беріп, "Органикалық өнімдерді стандарттау және бағалау" атты дәрісін жүргізуде.

    

ҚҚҒБО қызметтерінің қазіргі уақытқа дейін жеткен табыстарын ескеріп, ҚазАТУ ғылыми кеңесі ШАУ ректоры Ло Чюжаң мырзаға "Құрметті профессор" атағын берді.

Шыңжаң университеті, Шыңжаң медицина университеті, Шы Хыцы университеті, Шыңжаң мал шаруашылық ғылымдар академиясы, Шыңжаң Ауылшаруашылық ғылымдар академиясы сияқты университеттер және ғылыми мекемелер С.Сейфуллин атындағы ҚАТУ-да орналасқан, ҚҚҒжБО-мен, ынтымақтастықты орнатуға құлшыныс жасап келеміз. Сонымен бірге Қытай ауылшаруашылық ғылымдар академисы, Қытай ғылымдар академиясы және Қытай аграрлық университеттерімен де ынтымақтастық құрып келеміз.