Ардагерлер қоғамы

Жас буын мен аға буынның тұрақты байланысын ұстап тұруға мүмкіндік беретін студенттердің патриоттық тәрбиесі өскелең ұрпақты – Қазақстан патриоттарын – тәрбиелеудің өзекті міндеттерінің бірі болып табылады. С.Сейфуллин атындағы Қазақ агротехникалық университетінің педагогикалық еңбек ардагерлерінің қазіргі студенттермен кездесулері біздің оқу орнымыздың дәстүрі болып табылады.

Қазіргі уақытта С.Сейфуллин атындағы Қазақ агротехникалық университетінде зейнеткерлік жастағы 150 оқытушы мен қызметкер құрметті демалыста, сонымен қатар біздің университетіміздің игілігіне қызмет етулерін жалғастыруда. Университет басшылығы университеттің дамуына, студент жастарды оқыту мен тәрбиелеуге орасан үлес қосқан өзінің ардагерлерін назардан тыс қалдырмайды.

Ардагерлер қоғамының тізімінде қазіргі уақытта әртүрлі жастағы 315 ардагер бар. СМЖ 11010.37-2015 4 п. сәйкес жыл сайын атаулы күндер қарсаңында әр ардагерге 1 айлық көрсеткіші көлемінде материалдық көмек көрсетіледі.

Қарттар күнінің құрметіне СМЖ 11010.37-2015 4 п. сәйкес әрқайсысына 1 айлық көрсеткіші көлемінде материалды көмек көрсетіледі.

Жыл сайын Жеңіс күні құрметіне СМЖ 11010.37-2015 5.1 п. сәйкес әрқайсысына 5 АЕК көлемінде материалды көмек көрсетіледі.

Қарттар күні қарсаңында түлектер клубы қаражаты есебінен салтанатты іс-шаралар: мерекелік дастарқан, ықылас гүлдері және ақшалай сыйлықтар ұйымдастырылады.

Ардагарлер қайтыс болған отбасыларға 2 айлық көрсеткіші көлемінде материалдық көмек көрсетіледі.

Жыл сайын Қарттар күні қарсаңында факультеттерде әртүрлі мерекелік іс-шаралар: ардагерлердің студенттермен кездесуі, концерттік бағдарламалар өтеді, студенттер кураторларымен құрметті демалыстағы ардагерлерге барады. Барлық іс-шаралардың мақсаты – аға буынға құрмет көрсету, олардың еңбектері үшін алғыс айту және игі тілектерін білдіру. Факультеттер ардагерлерді мерекелерде құттықтаумен ғана шектелмейді, өздерінің ардагерлерімен тұрақты байланысты сақтайды, оларға барынша көмек пен ілтипат көрсетеді. Біздің құрметті ардагерлеріміз университеттің көптеген іс-шараларының: Наурыз мейрамының, 8 Наурыз халықаралық әйелдер мерекесінің қадірлі қонақтары болып табылады. Олар кураторлар мен студенттер ұйымдастыратын кездесулерге қуана қатысады.