Жетім көрсең, жебей жүр

                                                                       «Балам дейтін жұрт болмаса, жұртым дейтін бала қайдан болсын?!»

Мақсаты: Студенттердің жүректеріне жылулық сезімін ұялатып, мейірімділік, өмірге деген махаббатты оята білу, татулықтарын нығайту.

2017 жылдың желтоқсан айының 10-шы жұлдызында РЭТ кафедрасының аға оқытушысы Г.И.Жолдангарова және 17-20, 17-09 топтары Астана қаласы Сәкен Сейфуллин көшесі, № 67 үйде орналасқан балалар үйіне  шағын сыйлықтарымен қонаққа барды. Балалар үйінде тәрбиеленіп жатқан жас бүлдіршіндердің құрметіне концерттік бағдарлама ұйымдастырылып, балаларға студенттер және университет тарапынан шағын сый-сияпат табыс етілді.

Ресми мәліметке сүйенсек, Қазақстанда ата-ана қамқорлығынсыз қалған 96 мың бала бар. Оның 80 пайызы – әке-шешесі бас тартқандықтан  балалар  үйіне  өткен  бүлдіршіндер. Ал, 20 пайызы ата-анасы өмірден өткен тұл жетімдер.

Кез-келген қиын жағдайда адам баласы әр түрлі бағытта көмек қолын соза алады. Біреулер жаны жабырқау жүргендерді жұбата отырып күлкі сыйлауы мүмкін, ал біреулері қиын сәтте көмек жасайды. Болашағымызға немқұрайлы қарамайтын бірқатар студенттер балаларға деген сүйіспен шіліктерін білдіріп, аталмыш жоба аясында қолдау көрсетті. 

Іс-шараға  Г.И. Жолдангарова және 17-09, 17-20 топ студенттері қатысты. Кеште ата-ана, махаббат, достық жайында  сазды әндер шырқалды. 

Ұйымдастырушылар іс-шара соңында жетім, ата-ана қамқорлығынсыз қалған 35 балаға арнайы сыйлықтар  табыс етті.