«Кітапхананың жаңа ақпарттық ресурстары» семинар өтті

2017 жылдың 10 сәуірінде «Топырақтану және агрохимия» кафедрасының оқытушыларымен бірге Агрономия факультетінің кітапхана қызметкері Бутвинская Юлия Владимировна «Кітапхананың жаңа ақпарттық ресурстары және білім алудағы жаңа ақпаратты-инновациялық технология» атты тақырыпта семинар өткізді.

Кітапхана қызметкері Ю.В.Бутвинская кітапхана студенттері мен кафедраның  профессорлық-оқытушылық құрамын кітапхананың электрондық жаңа ресурстарымен және қажетті ақпараттарды тез арада қалай іздеу жолдарын, ең бастысы Scopus, SciVal, AHPC, Elsevier, Thomson Reuters, Springer, Cabi.org. базаларына, сонымен қатар ресейлік Лань, eLIBRARY.RU және басқа да импакт көрсеткіші жоғары баспалардан ақпараттарды алу жолдарымен таныстырды.

Семинарды әрі қарай «Топырақтану және агрохимия», кафедрасының  аға оқытушысы, биология ғылымдарының кандидаты Ботбаева Жанар Тұрлыбекқызы жалғастырды. Семинар барысында ол дәрістік және басқа да материалдардан Prezi. сom компьютерлік бағдарламасы бойынша презентация жасаудың жаңа жүйесін көрсетті.

Ұсынылған компьютерлік бағдарлама мен кітапхана қызметкерінің ұсыныстары білім алудағы жаңа инновациялық технологияны меңгерудің, сонымен қатар белгілі бір видеоматериалдар мен графикаларды және суреттерді қараудың жаңа мүмкіндіктерін ашады. Келген қонақтар мен кітапханадағы студенттер аса қызығушылық білдіріп, көптеген сұрақтар қойды, тіпті қазір кейбір студентер осы бағдарлама бойынша презентациялар дайындап, өз білімдерін жетілдіріп келеді.