«Наурыз құтты болсын!» атты концерт өтті

2017 жылдың 6-сәуірінде университеттің акт залында Агрономия факультетінің 209, 309, 202 - топтарының ұйымдастыруымен және топ кураторларының басқаруымен «Наурыз құтты болсын!» атты мерекелік концерті өтті.

Концертте студенттер қазақтың дәстүрлерінен көрініс көрсетіп, ән шырқап, би биледі. Көріністе қазақ халқының ертеден келе жатқан «Ұрын бару», «Құдаласу», «Түйе жігіт», «Сүт ақы», «Жар жар», «Сыңсу» дәстүрлеріне арналған  сахналық қойылымдар көрсетілді. Сонымен қатар, әнші қыздар «Туған жер», «Наурыз» әндерін шырқап, биші қыздар би биледі.

Қонаққа тәрбие ісі жөніндегі декан орынбасары О. Г. Шаяманова, «Топырақтану және агрохимия» кафедрасының оқытушылары және факультет студенттері келді. Келген көрермендер қойылған көріністерді, шырқалған ән мен мың бұралған бишілердің билерін тамашалап, риза болып тарқасты.