Студенттік жатақханалары

Университет меншігінде  6 студенттік жатақхана бар. Жатақханаларда студенттер үшін барлық жағдайлар жасалған.

Жатақханадағы әлеуметтік тұрмысты жақсартып, тәртіп бұзушылықтың алдын алу бағытында да жоспарланған жұмыстар өз деңгейінде атқарылуда. Аталған бағытта №2 «Б», №5, №6, №7, №3 (Щучинск қаласында), №8 жатақханаларға орнатылған бейне-бақылау құрылғылары жатақханадағы тазалық жұмыстарын реттеуге, тәртіп бұзушылықтың алдын алуға өз      септігін       тигізуде.

Жатақханаларда тренажер залдары және шаштараз, тігін тігу шеберханасы, телефон балансын толықтыру терминалдары қызмет көрсетеді. Әрбір жатақханада студенттік асхана жұмыс жасайды. Онда кешенді тамақтану 290 теңге көлемінде сақталып отыр.    

Студенттік жатақханаларда 1 жылдық тұру ақысы 31420, 00  теңгені құрайды. Бұл – Республика бойынша ең төменгі баға.

Барлық жатақханада IDTV, ID Phone және 504 мб/с жылдамдығымен Интернет желісі іске қосылған. Студенттік жатақхананың әр бөлмесі ғаламтор жүйесімен, тоңазытқыштармен қамтамасыз етілген. Студенттердің ұсыныстары бойынша барлық жатақханаларда сабаққа дайындалу бөлмелері, компьютерлік сыныптар, кір жуу бөлмелері жабдықталған.

Сонымен қатар, №7, №6 жатақханалар жанында шағын футбол алаңдары орналасқан.
Университет ректоры А.Қ. Күрішбаевтың басшылығымен 2012-2015 жылдарға С.Сейфуллин атындағы Қазақ агротехникалық университеті бағдарламасын жүзеге асыру шараларының жоспары қабылданып, аталған бағдарлама шеңберінде 592 орындық студенттік жатақхана салынды.
Студенттік жатақханалардағы өзін өзі басқару жүйесі жайлы айтар болсақ, бұл жүйенің өзіндік орны мен қалыптасқан дәстүрлері баршылық деп айтуға болады. Университеттің 60 жылдық тарихында студент-жастар өзінің ұйымдастырушылық қабілеті мен белсенділігі арқылы көзге түсіп келеді. Бүгінде жастар қалыптасқан игі дәстүрлерді дамытып, университет абыройын арттырып жүргендері ауыз толтырып айтарлықтай.
Оқу орнымыздағы Студенттік өзін-өзі басқару – университет білімгерлерінің өміріне ғана емес, басқа жоғары оқу орындарының студенттеріне де үлгі. Әсіресе, студенттік өзін-өзі басқарудың жатақхана жастары үшін табысты болғанын атап айта аламыз. Онда Студенттер кеңесі жатақханадағы ережелерді сақтау, тұрмыстық қажеттілікке сай жағдай жасау мәселелері бойынша маңызды жұмыстар атқарады. Соңғы жылдары қалыптасқан жүйе бойынша жатақхананың Студенттік кеңесі шешім қабылдау құқығына ие болды. Яғни, университет басшылығы студенттерге сенім арту арқылы жатақхана тәртібін қамтамасыз ететін оңтайлы әдісті таңдады.

Бүгінде студент-жастардың қалауымен жатақханааралық Студенттік лигаларды ұйымдастыру дәстүрге айналуда. Атап айтсақ, футбол, волейбол, баскетбол лигалары.
Жатақханааралық байқауларда оқу орнымыздың жатақханалары жүлделі орындарды иеленген. 2007 жылы «Жас Отан» партиясының жастар қанаты «Астана қаласының үздік жатақханасы» байқауын өткізді. Байқау қорытындысы бойынша «Астана қаласының үздік жатақханасы» атағын қаланың 20 орта және жоғары оқу орындарының ішінен біздің университеттің №7 жатақханасы иеленді. Бұл жатақхана үздік студенттік қызмет көрсететін жатақхана ретінде танылды. 2009 жылы №5 жатақхана республика бойынша ең үздік жатақхана болды. Бұл байқауда Қазақстанның 96 жатақханасы қатысып, біздің №4 жатақхана ЖОО арасында үздік ондық қатарына кірген.

C.Сейфуллин атындағы Қазақ агротехникалық университеті жатақханасына 1-курс студенттерін орналастыру тамыз айында қарастырылады (нақты уақыты хабарландыру арқылы айтылады).
Ал жоғары курс студенттерінің өтініштері тәртібіне, қоғамдық жұмыстарға қатысу белсенділігіне қарай оқу жылының соңында (мамыр айында) қарастырылады.

            

ЖАТАҚХАНАҒА ОРНАЛАСТЫРУ ТӘРТІБІ:

         Жатақханаға бірінші кезекте төмендегі санаттағы білім алушылар орналастырылады:

  1. жетім балалар;
  2. мүгедектігі бар білім алушылар;
  3. мемлекеттік грант иегерлері;
  4. көп балалы (білім алушыдан кейін 18 жасқа толмаған 3 немесе одан да көп бала болса) және әлеуметтік жақтан аз қамтылған отбасынан шыққан білім алушылар.

С.СЕЙФУЛЛИН АТЫНДАҒЫ ҚАЗАҚ АГРОТЕХНИКАЛЫҚ УНИВЕРСИТЕТІ СТУДЕНТТІК ЖАТАҚХАНАСЫНАН

ОРЫН АЛУДА ТАЛАП ЕТІЛЕТІН ҚҰЖАТТАР:

  1. Басқарма төрағасының тәрбие жұмысы жөніндегі орынбасары, доцент Ж.А. Құсайынова атына жазылған өтініш (үлгіге сәйкес);
  2. Білім алушының жеке куәлігінің көшірмесі;
  3. Білім алушының әлеуметтік жағдайын растайтын анықтамасы;
  4. 3*4 сурет – 6 дана.

ЕСКЕРТУ: ЕГЕР ДӘЛЕЛДІ АНЫҚТАМАЛАРЫ БОЛМАСА, КОМИССИЯ ӨТІНІШТІ ҚАРАСТЫРМАЙДЫ.  

КОМИССИЯНЫҢ ОҢ ШЕШІМІНЕН КЕЙІН:

Жатақханада тұру үшін төленген төлем түбіртегі (1 айға 3142, 00 теңге) болу керек. Студент төлемді толық оқу жылына, яғни 10 айға толық (31420, 00 теңге) төлеу керек. Төлем Халықтық банктің кез келген филиалында немесе Қазкоммерц банкке жасалады.

ЖАТАҚХАНАДА ТҰРУ ТӨЛЕМАҚЫСЫ ТӨМЕНДЕГІ РЕКВИЗИТТЕР БОЙЫНША ҚАБЫЛДАНАДЫ:

АО «КАТУ им. С.Сейфуллина»                                                                  

Полное наименование АО «Казахский агротехнический университет им.С.Сейфуллина» г. Астана пр. Победы, 62

ИИК  КZ446010111000037373 КБЕ 16

БИН 070 740 004 377

АРФ АО «Народный Банк Казахстана» БИК HSBKKZKX

Свидетельство о постановке на учет по НДС:  Серия 62001 №0003805 от 20.10.2009 г.

 

АО «Казкоммерцбанк»

БИК KZKOKZKX

KZ 359 261 501 150 581 004

КНП 855 Операционный лизинг (текущая аренда)

          856 Коммунальные услуги (проживание)

          861 Образовательные услуги

         890 прочие услуги

Барлық жатақханада іске қосылған IDTV, ID Phone және Интернет желісін пайдалану үшін төленген төлем түбіртегі (1 айға 900 теңге). Студент IDTV, ID Phone, интернет желісі үшін 9 айға (8100, 00 теңге) толық төлеу керек.

(Интернет төлемақысы Халықтық банктің кез келген филиалында қабылданады).

ИНТЕРНЕТ ТӨЛЕМАҚЫСЫ ТӨМЕНДЕГІ РЕКВИЗИТТЕР БОЙЫНША ҚАБЫЛДАНАДЫ:

ТОО  "ЦентральнаяАзияТелеком"

БИН 110540002264

KZ356010111000235318  (KZT)

БИК Банка: HSBKKZKX

АО «Народный Банк Казахстан»

  • Университеттің медициналық орталығынан анықтама (әр студенттік жатақхананың ішінде ұйымдастырылады).
  • Құжаттарды тігуге скоросшиватель

Жатақханаға орналасу тәртібі

«С.Сейфуллин атындағы ҚАТУ» АҚ білім алушыларына жатақхана беру тәртібі туралы ереже

2б жатақхана
5 жатақхана
6 жатақхана
7 жатақхана