Жатақханаға орналасу тәртібі

Егер сіз  жатақханаға мұқтаж болсаңыз, орын алу үшін  өз  өтінішіңізді электронды портал арқылы қалдыра аласыз.

Өтініш бермес бұрын мына құжаттардың (жеке куәлік, мемлекеттік грант иегері екеніңізді дәлелдейтін сертификат және қай әлеуметтік санатта екенін растайтын құжаттар) электронды (сканерленген JPG форматта) түрдегі нұсқасын дайындап алыңыз.

Өтініш тек 1 рет қана қабылданады. Қате жібермей, өте мұқият болуыңызды сұраймыз.

Өтінішті қалай жолдаймыз:

1-қадам, университеттің ресми сайты portal.kazatu.kz. порталын ашыңыз.

2-қадам, тышқанды «Ақпараттық жүйелер» мәзіріне әкеліңіз және  АИС «Жатақхана» тармағына басыңыз.

3- қадам, жоғарғы жақтың оң жақ бұрышындағы «Тіркеу» батырмасын немесе «Тіркелу» сөзін  («НАЗАР  АУДАРЫҢЫЗ»  деген сөздің астындағы батырманы) басыңыз.

4-қадам, электронды мекен-жайыңыз бен құпия сөзіңізді және суретте көрсетілген кодты енгізіңіз, әрі қарай «Тіркелу» батырмасын басыңыз. Мониторда сәтті тіркелгені туралы хабарлама және «Басты мәзірге өту» деген хабарлама пайда болады.

5-қадам, жоғарғы жақтың оң жақ бұрышындағы логин және құпия сөзіңізді енгізіңіз және «КІРУ» батырмасын басыңыз.

6-қадам, мәзірдің сол жағынан «Жатақханаға  кезекке тұру» тармағын тауып, батырманы басыңыз.

7-қадам, экранда көрсетілген «Өтініш беру» батырмасын басыңыз.

8-қадам, енді толтыру қажет жолдар пайда болады. Барлық жолдарды толтырып  (А.Ж.Т., мекен-жайы, факультет пен әлеуметтік санатты таңдайсыз), «Өтініш құру» батырмасын басыңыз.

9-қадам, әрі қарай, сканерленген құжаттарды керек жолдарға енгізесіз. «+» батырмасын басқанда, қажетті жолдан «Құжатты таңдау» батырмасын басасыз. (JPG)  форматтағы сканерленген құжаттарды іздеп, енгізесіз, (міндетті 1-жолға жеке куәлік, 2-жолға сертификат көшірмесі). Егер сіз қандайда бір әлеуметтік санатқа жататын болсаңыз, міндетті түрде «Растайтын құжат» жолына 1,2,3 т.с.с. анықтамаларды енгізесіз). Әрбір жолдағы жүктелген құжаттарды сақтау үшін, «Сақтау» батырмасын басып, жүктеудің соңына дейін күтесіз, барлығы сақталғаннан кейін, «Кезекке жіберу» батырмасын басасыз.

Жеке почтаңызда хабарлама күтесіз немесе жауабын осы сайттан тексере аласыз.

Өтініш қалдырғаныңызға рахмет!