Ардагерлермен кездесу кеші

Ардагерлермен кездесу кеші

2018 жылдың 4 қазанында биология ғылымдары кафедрасында профессор А.И. Ғазизованың бастамасымен кафедра ұжымы «Ардагерлермен кездесу» атты мерекелік шара ұйымдастырды.

Кездесуге көп жылдан бері ұстаздық қызмет атқарып, студенттердің алғысына бөленген доцент Р.Ж.Кульчикова, А.С.Муслимова, Ш.Т.Садуақасова шақырылды.

Кафедра оқытушылары А.С. Тожыбаева және Н.Б. Ахметжанова 1 курс студенттеріне қонақтарға мерекелік концерт ұйымдастырды. Биология ғылымдары кафедрасының меңгерушісі Р.С.Айдаркулова ұстаздарды мерейлі мерекесімен құттықтап, шын жүректен ризашылығын білдірді.

Келген қонақтар студенттерге еңбек жолы, ғылыми жаңалықтары туралы ой бөлісіп, студенттік кездегі қызық шақтарын айтып берді. Концерттік бағдарлама барысында 1 курс студенттері өлең оқып, әсем ән шырқап, әдемі би биледі. Аталмыш шараның ұйымдастырылуы ұрпақтар сабақтастығының байланысын көрсетеді.