Студенттік күз - 2018

Студенттік күз - 2018

2018 жылдың 28 қыркүйек күні С.Сейфуллин атындағы Қазақ агротехникалық университетінің концерт залында биылғы 1-курсқа түскен студенттер арасында өнерлі жастарды қолдау мақсатында дәстүрлі «Алғашқы студенттік күз - 2018» фестивалінің көркемөнерпаздар байқауы өтті. Байқау білімгерлердің шығармашылығын дамытуға мүмкіндік беру арқылы, оларды тек сапалы маман ғана емес, жан-жақты рухани дамыған тұлға етіп қалыптастыру мақсатында ұйымдастырылды.

         Фестивальді асыға күткен студенттер биылғы байқауға ерекше дайындықпен келген. «Алғашқы студенттік күз» фестивалі жыл сайын университет көлемінде өтетін ауқымды іс-шаралардың бірі ғана емес, студенттердің әсерлі, қызыққа толы ұмытылмас мерекелерінің бірі.

         Фестивальге қатысушылар «Вокалдық өнер», «Аспапшылар», «Би жанры», «Көркемсөз оқу» шеберлігі, «Актерлік шеберлік», «Жүргізушілер өнері», “Үздік сценарий” аталымдары бойынша бақ сынасты. 

         Қазылар алқасының құрамында ҚР Еңбек сіңірген қайраткері, «Наз» мемлекеттік би теарының педагог хореоргафы Атымтаева Алия, ҚР Мәдениет саласының үздігі төсбелгісінің иегері Бақытжан Дүйсенғазиев, Халықаралық, Республикалық байқауларының лауреаты, Президент оркестірінің солисті Әлібек Ізбасаров, Астана қаласы әкімдігінің Мемлекеттік академиялық филармониясының эстрадалық би ансамблінің көркемдік жетекшісі  Мукаева Лаура, «Шаттық» би ансамблінің жетекшісі  Шамшиев Алмат болды.

         Фестиваль қорытындысы бойынша Бас жүлдені экономикалық факультет жеңіп алды. 1-орынды техникалық факультет, еншілесе 2-орынға  агрономиялық факультет лайық деп танылды. 3-орынды  энергетикалық факультет пен жер ресурстарын басқару, сәулет және дизайн факультеті бөлісті.

         Кеш соңында барлық қатысушылар мен жеңімпаздар бағалы сыйлықтармен марапатталды.