«Қазақстандағы азамат соғысы: себептері, қорытындысы және қазіргі күнгі жаңа көзқарас» семинары өтті

«Қазақстандағы азамат соғысы: себептері, қорытындысы және қазіргі күнгі жаңа көзқарас» семинары өтті

2018 жылы 5 қазанда С. Сейфуллин атындағы Қазақ агротехникалық университеті, Гуманитарлық факультет, Қазақстан тарихы кафедрасы жанындағы «Мирас» жастар клубының (жетекшісі Б.Б.Енсепов) ұйымдастыруымен «Қазақстандағы азамат соғысы: себептері, қорытындысы және қазіргі күнгі жаңа көзқарас» тақырыбында семинар өтті.

Семинар негізінен Қазақстандағы азамат соғысының басталуының 100 жылдығына орай ұйымдастырылды. Семинарға Қазақстан Республикасы Білім және ғылым министрлігі, Ғылым комитеті, Мемлекет тарихы институты «Деректану, тарихнама және Отан тарихы» бөлімінің ғылыми қызметкерлері мен С.Сейфуллин атындағы Қазақ агротехникалық университеті, Қазақстан тарихы кафедасының профессор-оқытушылары және «Мирас» жастар клубының мүшелері қатысты.

Шара барысында 1918-1920 жылдары елімізде болған азамат соғысы және оның зардабы туралы талқыланды. Атап-айтқанда, ақ гвардияшылар мен кеңес үкіметінің жергілікті қазақ өлкесіндегі жасаған қасірсеті, соның салдарынан елімізде 1 млн-нан аса халықтың қаза болуы және тағы да басқа мәселелер туралы жаңа көзқарастар мен ұстанымдар, деректер ашып көрсетілді.