Ұлыбританиядағы Ньюкасл университетінің докторы Колин Линдсей Уайтхэдтің сапары

Ұлыбританиядағы Ньюкасл университетінің докторы Колин Линдсей Уайтхэдтің сапары

2018 жылы 8 қазан күні С. Сейфуллин атындағы Қазақ агротехникалық университетінде "Center for Scientific Collaborations" жеке мекемесінің президенті Л.А.Құсайынованың қолдауымен Ұлыбританияның Ньюкасл университетінің докторы Колин Линдсей Уайтхэдтің қонақ дәрісі өтті.

Ньюкасл университеті – бүкіл әлемде танылған зерттеу университеті. Университет ғылымның түрлі салаларындағы зерттеушілік қызметі арқасында дүние жүзіне инновациялық пәнаралық зерттеулер жүргізілетін 14 тамаша жабдықталған ғылыми орталықтарымен танымал. Университет оқу, зерттеу, спорт және демалыс үшін тамаша мүмкіндік береді, онда студенттерді қолдау, жұмысқа орналастыру бойынша кәсіби қызмет жұмыс істейді.

Дәріс барысында доктор Колин Ньюкасл университетінің қызметі, білім беру бағдарламалары, университетке түсу талаптары туралы айтты, сондай-ақ ғылыми жарияланымдарда және оларды жазу барысында плагиатты анықтау туралы ақпаратпен бөлісті. Оның баяндамасының ерекшелігі-доктор Колиннің өз тәжірибесінен нақты мысалдармен бекітілген ақпараттың қолданбалы сипаты.

Сөз соңында қызықтыратын мәселелер бойынша нәтижелі пікір алмасу болды. Доктор Колин ҚазАТУ– дың жас ғалым-магистранттарына, докторанттары мен оқытушыларына плагиатты қалай болдырмау және жарияланымдарда табысқа жету туралы бірқатар құнды кеңестер берді.

Академиялық мәселелер жөніндегі департамент директоры Н.А.Серікпаев дәріске қатысушылардың атынан доктор Колин Линдсей Уайтхэдке мазмұнды дәрісі үшін алғысын білдіріп, оның барлық қатысушылар үшін үлкен пайдасы тиерін атап өтті.