Студенттік Парламент ұйымы Елбасы Жолдауын талқылады

 Студенттік Парламент ұйымы Елбасы Жолдауын талқылады

2018 жылдың 15 қазаны күні С.Сейфуллин атындағы Қазақ агротехникалық университетінде студенттік Парламент ұйымының ұйымдастыруымен Қазақстан Республикасының Президенті Н.Ә.Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» жолдауын жүзеге асыру барысында №5 жатақхананың студенттерімен кездесу өтті.

Кездесуде студенттік Парламент ұйымының мүшелері слайд-презентация арқылы Елбасымыз Н.Ә.Назарбаевтың айқындап көрсеткен негізгі 6 бағытқа тоқталды. Олар:  Халық табысының өсуі. Тұрмыс сапасын арттыру. Өмір сүруге жайлы орта қалыптастыру. Азаматтар сұранысына бейімделген мемлекеттік ақпарат. Тиімді сыртқы саясат. Әрбір Қазақстандықтың еліміздегі өзгерістер үдерістеріне атсалысуы.

Шара барысында студент жастар жолдауда айтылған әлеуметтік мәселелер, оның ішінде, денсаулық пен білім саласына баса мән берілгендігін айтты. Елбасы жыл сайынғы Жолдауында жастарды назардан тыс қалдырған емес, биылғы жолдауда 2019 жыл - Жастар жылы деп жариялауды ұсынған болатын. Бұл жөнінде студенттер өз ойларын ортаға салып, пікірлерімен бөлісті.