«Спорттық-балдық би» байқауы өтті

«Спорттық-балдық би» байқауы өтті

2018 жылы 17 қазан  күні Сәкен Сейфуллин атындағы Қазақ агротехникалық университетінде факультеттер арасында «Спорттық-балдық би» байқауы өтті.

         Байқауға 7 жұп қатысты. Әділ-қазылар алқасының мүшелері өнер саласындағы мамандар: Аутелеева Ризана – араб билері бойынша  Қазақстан, Мәскеу, Бали қаласы, Оңтүстік Корея, Сеул, Еуропа және Азияда өткізілген халықаралық байқаулардың және Әлем чемпионатының жеңімпазы; Кушкенов Әбілхайыр - "Наз" мемлекеттік театрының әртісі, балдық билер бойынша халықаралық турнирдің күміс жүлдегері; Исмагулова Гаухар - "Наз" мемлекеттік би театрының әртісі.

         Байқау 2 кезеңнен - «Танго» және «Ча-ча-ча» билерінен тұрды. Әр жұп өз ізденістерімен дайындалып, әрқайсысы жақсы өнер көрсетті. Би композициясын орындау деңгейі, орындалатын шығарманың көркемдік көрінісі және уақыт бойынша шыдамдылық критерийлері бойынша бағаланды. Ерекше өнер көрсеткен жұптар жүлделі орындарға ие болды.

         Байқау қорытындысы бойынша:

         І орын - Қадыров Мұхаммед-Азиз бен Кнор Карина;

ІІ орын - Серікқали Дамир мен Кусаинова Мадина және Әсетов Азамат пен Құрбанәлі Айгерім;

ІІІ орын - Серіков Еркебұлан мен Рахметова Іңкәр және Омаров Ильдар мен Киекбаева Әлия.

Жүлделі орын иеленген жұптар дипломмен және сыйлықтармен, ал қалған жұптар қатысқаны үшін алғыс хаттармен марапатталды.