«Аграрлық несие корпорациясы» АҚ-ның өкілдері дәріс оқыды

«Аграрлық несие корпорациясы» АҚ-ның өкілдері дәріс оқыды

2018 жылы 12 қазан С.Сейфуллин атындағы Қазақ агротехникалық университетінің экономикалық факультетінде, Ақпараттық қаржылық орталықта «Аграрлық несие корпорациясы» АҚ-ның өкілдері тарапынан дәріс оқылды.

Дәрісті оқыған «Аграрлық несие корпорациясы» АҚ-ның өкілдері, техникалық экспертиза және автоматтандыру департаментінің басты менеджері М.Н.Мухамедкалиев пен корпоративтік бизнесті кредиттеу және дамыту департаментінің корпоративтік бизнес бөлімінің бастығы С.А.Шорнақов студенттерге дуалдық оқытуды дамыту мақсатында арнайы шақыртылды.  

Дәрісте корпорацияның құрылуы, оның құрылымы мен несиелік бағдарламалары туралы, ауылдық несие серіктестіктерін құрып оларды несиелендіруді ұйымдастыру, берілген қаржыны өтеу ретінде берілген кепілзаттар мен кепілге берілген ауылшаруашылық өнімдерін сатумен байланысты қызметтері, несиелік серіктестіктерге кеңес беру және ақпараттандыру қызметін көрсету, ауылшаруашылық өнімдерді дайындау, қайта өндіру, сақтау және сату бойынша инфрақұрылымды несиелендіру сияқты өз атқаратын қызметтері жөнінде толық ақпарат берді.

Бұл дәріс аграрлық ЖОО-ның студенттерін ынталандыру үшін және ауылшаруашылығындағы қаржылық қызметкерлердің имиджін көтеруге, АӨК мамандарының потенциалын жоғарылату мақсатында ұйымдастырылды және ол осы жылдың қазан айында қызмет ете бастаған Ақпараттық қаржылық орталық базасында өткізілді.