Бірінші курс студенттерінің дәстүрлі спартакиадасы

Бірінші курс студенттерінің дәстүрлі спартакиадасы

Университетіміздің спорт клубы және дене тәрбиесі кафедрасының ұйымдастыруымен 2018 жылдың 18 қыркүйегі мен 12 қазан аралығында бірінші курс студенттерінің дәстүрлі спартакиадасы өткізілді.

         Студенттер арасында салауатты өмір салтын насихаттау, олардың денсаулығын нығайтуға үлес қосу және университеттегі спорттық секцияларға тарту мақсатымен жыл сайын өткізіліп келе жатқан биылғы спартакиада спорттың 11 түрі бойынша ұйымдастырылды. Олар: баскетбол (ерлер), баскетбол (қыздар), волейбол (ерлер), волейбол (қыздар), шағын футбол, үстел теннисі, шахмат, тоғызқұмалақ, гір тасын көтеру, қол күресі, қазақ күресі.

         Жалпы саны 503 студент қатысқан спартакиада қорытындысы бойынша жалпыкомандалық есептегі І орынды техникалық факультет командасы жеңіп алды. ІІ орынға жер ресурстарын басқару, сәулет және дизайн факультеті командасы тұрақтаса, ІІІ орынды  ветеринария және мал шаруашылығы технологиясы факультеті командасы иеленді.

Спорт түрлері бойынша жеңімпаздар мен жүлдегерлер спорт клубының арнайы дипломдарымен марапатталды.