30 30 маусым күні С.Сейфуллин атындағы Қазақ агротехникалық университетінде «ҚазВҒЗИ», «СҚМжӨШ ҒЗИ» ЖШС және «ҚазАТУ» АҚ-ының 2011 жылдың бірінші жартысында орындалған ғылыми ақпараттық жұмыстарын тыңдау және мәліметке алуға байланысты отырысы өтті. Жиын барысында аталмыш мекемелер өкілдері 2011 жылдың бірінші жарты жылдық ғылыми-зерттеулер мен тәжірибелік-конструкторлық жұмыстарын үйлестіру және орындау барысын тексеру нәтижелері туралы баяндама жасады. Баяндалған ғылыми жұмыс барысы арнайы комиссия мүшелерінің талқылауынан өтті. Комиссия алқасын «КазНИВИ» ЖШС-нің директоры А.А.Сұлтанов, ғылым департамент директорының орынбасары Р.Б.Үскенов, «ҚазҒЗВИ» ЖШС директорының орынбасары А.А.Әбутәліп, «СҚМжӨШ ҒЗИ» ЖШС директорының орынбасары В.М.Антюхов, ҚазҰАУ профессоры Н.А.Асанов, «ҚазҒЗВИ» ЖШС-нің ғылыми хатшысы М.Ш.Ысқақов, «С.Сейфуллин атындағы ҚазАТУ» АҚ –ның Ғылыми жұмыстар және халықаралық байланыстар жөніндегі проректоры Б.С.Майқанов, ҚР АШМ-нің бас маманы Б.Е.Момбеков, ҚазҰАУ профессоры Т. Т.Сүлейменовтар құрады. Жиын барысында аталмыш мекемелердің ғылыми жұмыстарының көзделген мақсаттары, қойылған талаптары мен ұсыныстары, сол жолда жүзеге асырылған нақты әрекеттері талқыланды. Сондай-ақ, баяндама өзегінде комиссия мүшелері көрсеткен кем тұстардың алдағы белгілі уақыт көлемінде орындалуы туралы ұсыныстар бекітілді.

Баспасөз орталығы