11-15 қыркүйек аралығында Басқарма төрағасының ғылыми жұмыстар және халықаралық байланыстар жөніндегі орынбасары Б.Майқанов Алматы қаласындағы Еуропалық Кеңестің 3 күндік әдістемелік семинарында болып қайтты. Аталмыш семинар Еуропа Одағының 7 шеңбер бағдарлама аясында ғылым, технология және инновацияны дамытуға бағытталған. Семинарда келесідей мәселелер қарастырылды: ғалымдарға арналған Еуропалық Одақтың ақпараттық порталында жұмыс бойынша дәрістер мен машықтану сабақтары, халықаралық ғылыми консорциумдарды жасау, жобалық ұсыныстарды жасау, толтыру, тіркелу тәртібі, тақырыпты таңдау, сонымен қатар шетелдік әріптесті іздеп табу. Сондай-ақ жұмыс бағдарламасын құрастыру, келешекте жобаның бюджетін жасау, оны үлестіру тәртібін меңгерту шаралары жүргізілді. Семинар аяқталған соң әр қатысушыға сертификат табыс етіліп, университет тарапынан ҚазАТУ проректоры да семинар сертификатын иеленді.