27 қазан күні С.Сейфуллин атындағы ҚазАТУ–дың мәжіліс залында кезекті Ғылыми кеңес отырысы өтті. Жиында ректор А. Күрішбаев ғылыми жаңалықтарын сәтті қорғаған университеттің бірқатар ғалымдарына авторлық куәлік тапсырды. Жаңа авторлық куәліктер «Патологиялық және биологиялық материалдан Mycobacterium bovis антигендерін анықтау тәсілі», «Картоп өсімдіктерін вирус әкелушілікке диагностикалау тәсілі», «Trichophyton verrucosum белокты антигеніне қарсы моноклональды антиденелерді түзетін жануарлардың гибридті жасушаларының MUS MUSCULLUS L. штамы», «Латекс-агглютинация реакциясын қою үшін латексті диагностикум алу тәсілі», «Руброфитияны диагностикалау тәсілі», «Серологиялық диагностика үшін дерматомицеттерден антиген алу тәсілі», «Қазақтың ақбас сиырының іріленген типін кешенді селекциялық белгілері бойынша іріктеу тәсілі» деген тақырыптар бойынша рәсімделді.
Кеңесте жоғары оқу орнынан кейінгі білім беру және біліктілікті көтеру бөлімінің 2010-2011 оқу жылындағы жұмысының қорытындысы, университеттің 2010 жылғы мемлекеттік аралық бақылау нәтижесі бойынша жекелеген мамандықтарды аттестаттауға дайындығы туралы мәселе талқыланды.