ТКШ саласын ғылыми дамыту мәселелері талқыланды

ТКШ саласын ғылыми дамыту мәселелері талқыланды
8 желтоқсан күні С.Сейфуллин атындағы ҚазАТУ мен «Тұрғын үй коммуналдық шаруашылығын жаңғырту мен дамытудың қазақстандық орталығы» АҚ Қазақстан Республикасы Тәуелсіздігінің 20 жылдығын мерекелеу шеңберінде «Тұрғын үй коммуналдық шаруашылықты жаңғыртуды ғылыми қамтамасыз ету» тақырыбында алғаш рет ғылыми-практикалық конференция өткізді.

Қазіргі уақытта Қазақстан Республикасы Үкіметінің қаулыларымен бекітілген Қазақстан Республикасының тұрғын үй-коммуналдық шаруашылығын жаңғыртудың 2011-2020 жылдарға арналған бағдарламасы және 2011-2020 жылдарға арналған «Ақ бұлақ» бағдарламасы іске асырылуда.

Тұрғын үй-коммуналдық секторды жаңғырту бағыттарының бірі тұрғын үй-коммуналдық шаруашылық саласының ғылыми-техникалық әлеуетін дамыту болып табылады.

«Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ қызметінің негізгі бағыттарының бірі - ТКШ саласында талдамалық және ғылыми зерттеулер жүргізу, инновациялық технологияларды енгізу.

Конференцияда ТКШ саласындағы ғылыми-зерттеу және тәжірибелік-конструкторлық жұмыс, сондай-ақ ТКШ саласын ғылыми-техникалық дамытудың перспективалы бағыттарын дамыту, ТКШ саласында ғылыми зерттеулер нәтижелерін тәжірибе жүзінде қолдану және жаңа технологияларды енгізу мәселелері талқыланды.

Аталған конференцияның қатысушылары ТКШ саласын ғылыми дамытудың ағымдағы жай-күйі мен келешегі туралы біліп, барынша пайдалы да өзекті ақпараттармен алмасты.