ҚазАТУ базасында «Астана» энергия үнемдеу және білім тарату орталығы ашылды

ҚазАТУ базасында «Астана» энергия үнемдеу және білім тарату орталығы ашылды
8 желтоқсан күні С.Сейфуллин атындағы ҚазАТУ «Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ-мен бірлесіп өткізген конференцияның шеңберінде ҚазАТУ базасында «Астана» энергия үнемдеу және білім тарату орталығы ашылды. Бұл орталықты құрудың мақсаты энергия және энергия қорын үнемдеу технологияларының және энергияны тиімді пайдалану жөніндегі қосымша қызметтердің қозғалысы, мамандардың кадрлық әлеуетін арттыру және ТКШ саласындағы білім-ғылым-өндіріс ықпалдастығын күшейту арқылы Қазақстан Республикасының тұрғын үй-коммуналдық шаруашылығын жаңғыртудың 2011-2020 жылдарға арналған бағдарламасын іске асыруға жәрдемдесу болып табылады.

Тұрғын үй-коммуналдық шаруашылығына өз қызметін көрсетіп келе жатқан «А-Сан» ЖШС университетімізге ауа райына тәуелді жылу жүйесін және ыстық судың автоматты реттелуін қамтамасыз ететін торапты жылу құрылғысын сыйға тартты. Бұл студенттер мен орталықта тәлім алатын тыңдаушылардың біліктілігін арттыруға зор мүмкіндік бермек.