Тәрбие мәселесі ғылыми кеңесте қаралды

Тәрбие мәселесі ғылыми кеңесте қаралды
Ғылыми кеңестің күн тәртібінде қаралған мәселелердің ең өзектісі 2010-2011 оқу жылындағы тәрбие жұмысы туралы есеп және 2011-2015 жылдарға арналған Университеттің жастар саясатын дамыту бағдарламасы шеңберінде атқаратын міндеттері туралы болды. Арнайы құрылып, тәрбие бөлімінің жұмыстарын тексерген комиссия атқарылған жұмыстарды сараптап, ғылыми кеңестің отырысына өз ұсыныстарын айтты. Жеткен жетістіктер мен кеткен кемшіліктерді ашып көрсеткен комиссия қорытындысы жан-жақты талқыланып, ғылыми кеңес мүшелерінің қызу талқылауына түсті. Комиссия төрайымы, Гуманитарлық факультет деканының міндетін атқарушы, доцент Ж.А.Құсайынова тәрбие жұмыстарын жоғары деңгейде ұйымдастыру үшін, ҚР Білім және ғылым министрлігінің 2009 жылдың 13 шілдесіндегі № 338 бұйрығындағы кәсіби талаптарға сәйкес жеке тәрбие жұмысы жөніндегі проректор лауазымын енгізуді ұсынды.

Сонымен қатар тәлім-тәрбие жұмыстарын жүргізу үшін арнайы департамент құрылатын болып шешілді. Ғылыми кеңес мүшелері бұл мәселелердің өзектілігін ескере отырып, комиссия ұсыныстарын ешқандай қарсылықсыз бірауыздан толық қолдады.