2012 жылғы 7 ақпанда С.Сейфуллин атындағы Қазақ агротехникалық университетіне Қазақстандағы Қытай Халық Республикасы Елшілігінің Екінші Хатшысы Ли Цинвэй келді. Кездесу барысында ғылым және білім саласында болашақтағы ынтымақтастық жөнінде мәселелер талқыланды. Ли мырза атап өткендей, 2012 жылдың 1 ақпанында ҚХР Үкіметінің отырысында ағымдағы жыл ауыл шаруашылығы жылы болып жарияланды және басым бағыт ауылшаруашылық саласындағы ғылым болып табылады. ҚХР Елшілігінің өкілі ҚХР-дың ғылым, техника және ауыл шаруашылығының дамуы жайлы ақпарат ұсынды. Оқу орнымыз ғылыми-инновациялық университет дәрежесіне бағыт алып отырғандықтан, Басқарма төрағасының ғылым, халықаралық байланыстар және инвестициялар жөніндегі орынбасары Л.Ү.Садықова университет, ғылыми зерттеулердің басым бағыттарына, бірлескен ғылыми жобалардың жүзеге асырылуындағы ынтымақтастық, ғылыми кадрларды даярлау, сонымен қатар барлық бағыттардың маңыздылығына тоқталды.