2012 жылдың 22-24 ақпан аралығында Астана қаласындағы «Көрме» орталығында жыл сайынғы Халықаралық «ХХІ ҒАСЫРДЫҢ БІЛІМІ ЖӘНЕ ҒЫЛЫМЫ - 2012» атты көрмесі өтті. Осы жылы көрме жұмысында 70 – тен аса Қазақстан Республикасының, Ресей Федерациясының, Өзбекстан Республикасының, Алмания, Чехия, Швейцарияның жетекші білім және ғылым мекемелері мен ұйымдары қатысты. Көрменің халықаралық тұрғыда танылатын болды. Оны алыс-жақын шетелдердің жоғары оқу орындарының қатысуы куәландырады. Білім беруді дамытудың жетістіктері мен заманауи бағыттарын табуға, білімді жаңарту нәтижесіндегі позитивті ақпараттардың айқындығын және обьективті кеңістікті құруға бағытталған көрменің мақсат және міндеттерінің өзектілігін ескере отырып, С.Сейфуллин атындағы ҚазАТУ да өз үлесін қосты.



Көрмеде оқу орны ғалымдарының биотехнология, ветеринария, агрономия және т.б. салаларындағы ғылыми жетістіктері, сонымен қатар оқытушылардың оқу-әдістемелік оқулықтары ұсынылды. Көрме қатысушыларының назарына оқу үдерісінде қолданылатын қазіргі заманауи оқытудың технологиясы көрсетілді. Көрмеге қатысу білім беру нарығындағы қазіргі жағдайларды бағалауға, Астананың бірінші оқу мекемесін ұсынуға және талапкерлер мен көрме қатысушыларына бакалавриат, магистратура бойынша білім беру бағдарламаларымен танысуға мүмкіндік берді.