C.Сейфуллин атындағы Қазақ агротехникалық университетінде студенттер, магистранттар, ғылыми қызметкерлер, оқытушылардың «Әлемдегі аграрлық ғылым мәселелері» бойынша жетекші ғалымдардың бірі Францияның INRA институтының ғылыми қызметкері Ги Рибба мырзамен кездесуі өтті. Ги Рибба мырза 2 сағат бойы француз тілінде «Аграрлық ғылым алдында тұрған мәселелер мен міндеттер» атты тақырыпта дәріс оқыды, онда әлемнің азық-түлік қауіпсіздігінің қамтамасыз етілуі, әлемнің әртүрлі мемлекеттерінде ауылшаруашылық дақылдарының өнімділігін арттыру келешегі, әлемдік эко жүйені және дақылдардың генетикалық алуан түрлілігін сақтау және тиімді пайдалану, барлық салада тиімді бағдарлау, жаңа агрономиялық және өндірістік технологияларды бағалау мақсатында диагностиканы жетілдіру мәселелерін кеңінен баяндады. Дәріс соңында Ги Рибба мырза студенттердің, магистранттардың және университет қызметкерлерінің қызықтырған сауалдарына жауап берді.