2012 жылғы 29 ақпан күні С.Сейфуллин атындағы Қазақ агротехникалық университетіне Қазақстан Республикасы мен Беларусь Республикасының жоғары оқу орындары мен ҒЗИ арасындағы Ғылым-білім консорциум негізінде Беларусь ұлттық техникалық университетінен делегация келді.

Халықаралық ынтымақтастық бойынша бас директордың орынбасары Г.М.Пятигор және халықаралық студенттер орталығының, Жоғары оқу орындарының түлектері ассоциациясының директоры А.Д.Маевская білім, ғылым және технология аясында тығыз қарым-қатынас орнату үшін С.Сейфуллин атындағы ҚазАТУ студенттері мен қызметкерлерімен кездесті. Беларусь Республикасынан келген қонақтар инновациялық процеске қолайлы жағдай туғызатын және ғылыми-техникалық салада кәсіпкерлікті дамытуға арналған «Политехник» ғылыми технологиялық паркін ұсынды. Ғылыми-техникалық парк құрамына кіретіндер: ғылыми-зерттеуді өңдейтін жоғары оқу орындары арасындағы маркетинг орталығы, Білім министрлігінің ақпараттық-маркетингтік байланыс орталығы, кәсіпкерлікті қолдау орталығы, қайталама қор (ресурс) және экология саласындағы технологияны тарату орталығы, Беларусь жастар ғылымының ақпараттық-маркетингтік орталығы, Беларусияның ҚХР, Венесуэла, Латвия, Ресей, Сирия, Корея және Қазақстанмен ғылыми-технологиялық ынтымақтастық орталықтары жатады.

Тұсаукесер соңында Генадий Михайлович БНТУ «Политехник» ғылыми-технологиялық орталығына қызығушылық танытқан студенттер мен оқытушылар құрамының сұрақтарына жауап берді.