2012 жылдың 30 наурызында жыл сайын француз тілінде ұйымдастырылатын «Jeune Savant» атты студенттік ғылыми-практикалық конференция өтті. Конференцияға С.Сейфуллин атындағы Қазақ агротехникалық университетінің бірінші және екінші курс студенттері қатысты. Конференцияға экономика, энергетикалық және КЖжКББ факультеттерінің студенттері белсенді қатысқанын атап өткіміз келеді.

Француз және қазақ тілдеріндегі бірліктерді лингвомәдени танымдық аспектіде салғастыра зерттеген жұмыстар аса үлкен қызығушылық тудырды: «Ауызекі сөйлеу тілінің әдебі: француз және қазақ тілдеріндегі сәйкестік», «Әртүрлі жүйедегі тілдердің сәлемдесу және қоштасу формалары», «Француз, қазақ және орыс тілдеріндегі афоризмдердің ұлттық ерекшеліктері». Франция мен Қазақстанда соңғы үш жылда спорттың дамуына арналған баяндама конференцияға қатысушылар тарапынан қызу пікірталасқа ұласып, көптеген сұрақтар тудырды. Барлық баяндамалар аса үлкен қызығушылықпен тыңдалды.

Конференцияның соңында орын алған отырыста, оқытушылар мен студенттер пікірлерімен алмасып, ең үздік ғылыми жұмыстар бірауыздан анықталды: А.Исқакова, М.Исмағұлова; А.Неғметуллин, А.Балабеков; А.Каримова, А.Сырлыбаева; Б.Рзаев, бұл студенттердің жұмысы «Сәкен оқулары-8» атты Республикалық ғылыми-теориялық конференцияда талқылануға ұсынылды. Жүлделі орындар төмендегідей бөлінді:

1 орын: А.Ысқақова, М.Исмағұлова,
экономика факультетінің 1 курс студенттері.

2 орын: А.Неғметуллин, А.Балабеков ,
энергетикалық факультеттің 1 курс студенттері;
А.Каримова, А.Сырлыбаева,
КЖжКББ факультетінің 1 курс студенттері.

3 орын: Б.Рзаев, техникалық факультеттің студенті;
Р.Смагулов, ветеринарлық факультеттің 2 курс студенті;
В.Деткова, жерге орналастыру факультетінің 1 курс студенті