С.Сейфуллин атындағы Қазақ агротехникалық университетінде Университеттің 55 жылдығына арналған «Сәкен тағылымы - 8» атты Республикалық ғылыми-теориялық конференция өтті.

Конференция жұмысы барысында 12 секция бойынша 905 баяндама, оның ішінде: Республикамыздың ЖОО-нан келген қонақтар -24; ҒЗИ – 6; Мектеп оқушылары – 27; С.Сейфуллин атындағы ҚазАТУ студенттері – 699; С.Сейфуллин атындағы ҚазАТУ оқытушылары мен магистранттары - 155 баяндама жасады.

Конференцияның жабылуы бойынша пленарлық отырыс жоғары және ЖОО кейінгі білім берудің барлық деңгейлерінде білім беру үрдістері мен ғылыми қызметті біріктіруді қамтамасыз ету және мамандарды даярлау деңгейінің қазіргі заманғы еңбек нарығының талаптарына сай білім беру қызметтерінің сапасын арттыру мақсатында университет пен «А.Бараев атындағы астық шаруашылығы ғылыми-өндірістік орталығы» ЖШС, «Қазақ орман шаруашылығы ғылыми-зерттеу институты» ЖШС және «Қазақ астық және оның өнімдерін өңдеу ғылыми-зерттеу институты» ЖШС арасындағы төрт жақты ғылыми-білім беру Консорциумын құру келісіміне қол қойылуымен ашылды.



Конференция жұмысына «ҚазАгроИнновация» АҚ өкілдері, Ө.Оспанов атындағы Қазақ топырақтану және агрохимия ғылыми-зерттеу институтының ғалымдары, «Қазақ ауыл шаруашылығы өнімдерін қайта өңдеу ғылыми-зерттеу институты» ЖШС (Астана қ-сы) қызметкерлері келіп қатысты.

Сонымен қатар Л.Н.Гумилев атындағы Еуразия ұлттық университеті, Днепропетров мемлекеттік аграрлық университеті (Украина), Алматы энергетика және байланыс университеті (Алматы қ-сы), Қазақ мемлекеттік қыздар педагогикалық университеті (Алматы), «Астана медицина университеті» АҚ, А.Мырзахметов атындағы Көкшетау университеті (Көкшетау қ-сы), Қазақ экономика, қаржы және халықаралық сауда университеті (Астана қ-сы), Басқару колледжі, Политехникалық колледж (Астана қ-сы), Д.А.Қонаев атындағы университет колледжі студенттері және магистранттары баяндама жасады.

Сондай-ақ, Астана қаласының Ю.А.Гагарин атындағы мектеп-лицейінен, М.Горький атындағы мектеп-гимназиясынан, М.Мәметова атындағы ОМ, Қарағанды облысы, Шет ауданының Ә.Хасенов атындағы өнер мектебінен, Астана қаласының №3 мектеп-гимназиясынан, Қарағанды қаласының №16 орта мектебінен мұғалімдер қатысты.

Сонымен қатар Астана қаласының №:16, 32, 60, 68 мектебінен, Н.Назарбаев атындағы зияткерлік мектебінен, №15, 35, 62 мектеп-лицейінен, №2, 5, 7, 46 мектеп-гимназиясынан, Генерал С.Қ.Нұрмағамбетов атындағы «Жас ұлан» республикалық мектебінен, сонымен қатар Ю.А.Гагарин атындағы орта мектебінен, Қарағанды облысы, Қарқаралы қаласының №2 орта мектебінен оқушылар қатысты.

Студенттер мен оқушылардың баяндамалары секция отырыстарында тыңдалды. Әр секция өзінің жұмысын университеттің даму тарихынан және 55 жыл ішіндегі университет ғалымдарының ғылыми-зерттеу жетістіктерін талқылаудан бастады.

Конференция жұмысын талқылау барысында Басқару колледжінің тарих үйірмесінің жетекшісі А.Г.Оленцов, С.Сейфуллин атындағы Қазақ агротехникалық университетінің студенттері, Астана қаласының №160, 32 орта мектебінің оқушылары аталмыш конференцияның ұйымдастырылуына жоғары баға беріп, оның өзекті екендігін, әрі әр аймақтан келген студенттер мен оқушылардың жақын қарым-қатынас жасауына мүмкіндік беретіндігін айтты.

Конференция қорытындысы бойынша ең үздік деп танылған жұмыстар I, II, III дәрежелі дипломдармен, сыйлықтармен және алғысхаттармен марапатталды.