С.Сейфуллин атындағы Қазақ агротехникалық университетінде философия кафедрасы оқытушыларының ұйымдастыруымен «Қазіргі қазақстандық қоғамдағы діни дүниетанымның рухани, мәдени және өркениеттік негізі» тақырыбында ғылыми семинар өтті.

Кездесуге Мәдениет және діндер халықаралық орталығының, мемлекеттік, діни органдардың, мемлекеттік емес ұйымдар мен дін қызметкерлері шақырылды.



Ғылыми семинардың мақсаты:қазіргі таңдағы Қазақстандағы діни жағдайды талдау; дәстүрлі емес ағымдардың кері әсерін жүйелеп көрсету; дәстүрлі емес діни ағымдардың алдын алу, сондай-ақ, діни экстремистік және террористік қауіп-қатерлерге жол бермеу.

Кездесуде студенттер белсенділік танытып, жастардың діни және мәдени ұстанымдары бойынша, олардың Қазақстандағы діни ұйымдарға қарым-қатынасы, исламның рөлі мен мәдени негізі туралы, экстремистік және террористік әрекеттер жайында сұрақтар қойды.

Көптеген шешуі қиын күрмелі сұрақтарға студенттер жауаптарын таба білді. Семинарда, қазіргі таңдағы еліміздегі діни ахуалы терең талқыланды.Сонымен қатар, семинарға қатысушылар дәстүрлі ислам дінінің қазіргі кездегі қазақ қоғамында алатын орны және қазақ жастарын тәрбиелеуде, ұлтымыздың болашағын сақтауда, тәуелсіздігімізді бағалауда, жастарымызды ұлттық-рухани тұрғыда тәрбиелеуде ең үлкен маңызға ие екендігін атап өтті.

Университетіміздің ректоры А.Қ.Күрішбаев, сөз соңында жастардың мәдениет және діндер халықаралық орталығының, мемлекеттік, діни органдардың, мемлекеттік емес ұйымдар мен дін қызметкерлері арасындағы кездесуін жоғары бағалады.Сондай-ақ, әрдайым аға-буын өкілдерінің жастарды тәрбиелеуде қашанда жол көрсетуге дайын екендіктерін атап айтты.