НЕМІС ҒАЛЫМДАРЫМЕН ЫНТЫМАҚТАСТЫҚ КЕҢЕЮДЕ

НЕМІС ҒАЛЫМДАРЫМЕН ЫНТЫМАҚТАСТЫҚ КЕҢЕЮДЕ
2012 жылғы сәуір айында С.Сейфуллин атындағы Қазақ агротехникалық университетінің ветеринария және мал шаруашылығы технологиясы факультетінде Юстус Либих атындағы Гиссен университетінің жылқы аурулары бойынша клиника профессоры Лутц Литцке мен Паразитология институтының академиялық директоры, ветеринарлық медицина докторы Кристиан Бауер дәріс оқыды.

Алмания ғалымдары ветеринария және мал шаруашылығы факультетінің студенттеріне дәріс оқып, зертханалық-практикалық сабақтар өткізіп қана қоймай, сонымен қатар қазақстандық әріптестерімен тәжірибе алмасты, профессор Н.Т.Қадыровтың 95-жылдығына арналған «Қазақстан Республикасындағы ветеринарияның қазіргі жағдайы мен болашағы» атты Халықаралық ғылыми-тәжірибелік конференцияда қатысты.



Профессор Лутц Литцке «Ветеринарлық медицина» мамандығының 3-4 курс студенттеріне «Жедел хирургия», «Жеке хирургия» және «Ортопедия» пәндер тақырыптарына ашық дәрістер мен зертханалық-практикалық сабақтарды жоғары кәсіби деңгейде өткізді. Әсіресе, студенттер ең жануарлардың аяқтарына, ішкі құрылыстарға жасалған операцияларға қызығушылық танытты?

Профессор Литцке студенттермен және оқытушылар Қ.М.Қамсаев, Д.И.Домановпен бірлесе Целиноград ауданында толық мал фермасы базасында «Оперативтік хирургия» пәні бойынша практикалық сабақ жүргізді.

Профессор Кристиан Бауер «Ветеринариялық медицина» және «Ветеринариялық санитария» мамандықтарының 4 пен 5 курс студенттеріне «Паразитология және инвазиондық аурулар», «Санитарлық паразитология» және «Ет қоректі жануарлырдың инвазиондық аурулары» атты пәндер бойынша дәріс оқып, практикалық сабақтар жүргізді. Жақсы көрнекті- техникалық жабдықталған дәрістер және зертханалық – практикалық сабақтар, жаңа және толыққанды ғылыми материал студенттердің де аса назарын аударды. Профессор Бауер осы уақытта еуропалық елдерде қолданатын заманауи диагностикумдер, антгельминттік дәрі-дәрмектер, сонымен қатар сабақтардың жабдықтауын жақсарту үшін аспаптар, техникалық құрал-жабдықтар, оқу әдебиетiнiң жаңа көздерiн алып келді. Неміс ғалымдары ветеринария және малшаруашылығы, білім беру процесі кезінде жаңа технологияны енгізу, факультет профессорлық-оқытушылар құрамының студенттердің практикалық дайындығын жетілдіру мәселелерін талқылады. Сонымен қатар, С.Сейфуллин атындағы ҚазАТУ ғалымдарымен бірлесе әзірленетін және жүзеге асырылатын халықаралық жобалардың тақырыптары талқыланды.

Профессор Литке мен доктор Бауер ветеринария ғылымдарының докторы, профессор Н.Т.Қадыровтың 95-жылдығына арналған «Қазақстан Республикасындағы ветеринарияның қазіргі жағдайы мен болашағы» атты Халықаралық ғылыми-тәжірибелік конференцияға қатысты.

Конференцияның пленарлық отырысында Кристиан Бауэр профессор Н.Т.Қадыровты былайша еске түсірді: «Мен профессор Қадыровпен 1986 жылы бұрынғы Чехословакияда өткен гельминтологтарлдың Халықаралық симпозиумінде таныстым. Сол сәттен бастап ол көз жұмған 2001 жылға дейін хат алмасып отырдық. Менің С.Сейфуллин атындағы ҚазАТУ-дағы әріптестерімен достығымыз осы танысу арқасында пайда болды. Мен профессор Қадыров Нұрғали Тасылұлымен таныстығымды Тәңірдің сыйы деп білемін!»

2012 жылғы 28 сәуір күні өткен университет ғылыми кеңесінде Ю.Либих атындағы Гиссен университетінің ветеринарлық медицина докторы, Гиссен университетінің Паразитология институтының академиялық директоры, Индонезия университетінің қауымдастырылған профессоры Кристиан Бауерге екі университет арасында ынтымақтастықтын артуына зор үлес қосқаны үшін С.Сейфуллин атындағы ҚазАТУ-дың құрметті профессоры атағы берілді.